新回家的灰鸚

macbrush

Hi，你地好，我係新來的，月頭才收養了一頭2歲半的灰鸚 Spencer (新改的名，舊名很土氣)，想養了超過十年，無耐屋內長期兩隻以上狗狗，2010年頭亞 Croaky 17歲高齡走了後，只剩下一隻小狗，現在終於有時間，第一次養鸚鵡，大家都正在學習中，請多多指教。

Spencer 不怕人，回來以經肯從我手上欏野食，第二日以經會以叫聲召喚我，第一晚睡覺會在地上跳紅番舞，第二晚以可正常在枝頭上睡天光。

現在以訓練了 target，用木條摸腳，摸咀(有時都仲會咬)，正在努力試用手摸和 step up。

訓練 step up，由於他不肯離開籠子，連踏上門邊也不肯，所以我為有用左手把木枝慢慢放入籠中，右手再用木條來 target，進度比其他 train 慢，但還是有進步的，但昨天由於 Spencer 玩完水，我大意沒看見，他一時抓不穩成隻仆了落去我左手的木枝上，Spencer 的右腳快反應是放了上去木枝上，但是頭還是輕輕撞了一下，雖然 Spencer 不是很怕那木枝，但明顯沒有怎麼信心接近，更不要談踏上去。 大家有沒有更好的方法教 step up?

如果 Spencer 從前很小離開籠子，當他可以很熟練地 step up 後，我應怎樣開始帶他出籠？ 還是想辦法引他出籠，才 step up 去避免我帶他出籠而嚇壞呢?

昨晚睡覺， Spencer 因為很小的震蕩，嚇到成隻失去平衡，勁拍翼結果都落左地，尾毛仲有條斷左，我安慰左佢五分鐘都又驚又惡，要過多三五分鐘，佢自已唔知做咩開始係地下玩紙巾，我再叫佢做下 target，請下野佢食，先鎮定下來，過 15 分鐘先上番 perch 再訓。我咁做岩唔岩，我好驚佢將我同剛才嚇親佢既野聯系埋？ 點解佢仲咁神經質，仲要更多時間適應，唔夠睡眠時間(9 小時)？

對不起，問題多多…… 請見諒。 (還會有更多……LOL)

P.S. 我本身都有係外國鸚鵡網 post 開，問開野。 但係發現外國人由養 LB 到大型鸚鵡，基本上都唔剪翼，唔落腳鏈，其實連籠都好少鎖。 剪翼都有D人覺得某D情況下可以接受，但係如果話落腳鏈，一定比人痛罵，幾乎由如殺人犯！ 唔知各位點睇呢？

卡樂B

我本人自己隻雀仲試緊step up,
但我之外果隻lb都係唔肯出籠,
而家已經改善好多,
你可以用佢like ge零食引下佢ar~(其實唔出籠係件好事...遲d你隻灰灰試到好熟咁出籠,你就知煩!!)

louisa20047

外國同HK唔同~人地地方大~空曠~走左出街易搵好多~HK太多高樓大廈~走左好難搵得返

louisa20047

而且中西方思想觀念都唔同~好多野都唔同

louisa20047

糧兜放籠出面啦~咁佢會自己出籠食野啦~不過唔好嚇佢~出多幾次就慣嫁啦

littlecae

我無落腳鏈, 用飛行繩綁住

出親籠你就比好野佢食, 食物對所有雀仔都好work~~

vanessachan

請問可否話我知那外國討論區?我果隻鸚鵡無剪翼,因為佢唔識飛;佢隻腳有鏈扣,但無用鏈綁住佢,因為佢只中意在籠邊爬來爬去,同埋最中意走上籠頂大叫自己個名.不過我之前都聽過一個外籍獸醫講,佢話養鸚鵡要freedom,respect & love.佢地唔認同鎖腳鏈同剪翼.但問題係我地的居住地方同生活文化有好大差異呢...

macbrush

唔該哂，我試下放糧係籠出面引下佢，因為我試過幾次開住個籠好耐，無理佢都唔出尼，最多申個頭出尼望兩望，最後佢仲無咁好氣訓覺，我唸以前真係無出籠多。 不過因為初來我屋企，因為我想佢快D跟我 (其實都只有我會照顧佢)，所以籠放係房，咁我間房地方唔多，遲D搬出廳訓練應該好好多。

其他訓練有沒有怎麼心得和建議呢？ 由其 step up，地方有限，佢又唔肯去籠邊，真係有D煩。

各位知唔知這那裡有一些比較輕便的落地既企架？ 我去雀街睇過，全部都成部坦克車咁樣，好唔方便。

Vanessachan: http://theparrotforum.com/

卡樂B

http://www.hkchreptilestation.co ... &extra=page%3D1
睇下幫唔幫到你??

macbrush

唔該哂，我正在做差不多的訓練，之前用手套，而家佢想玩既時候就自動去用個咀碰，唔想既時候就轉開個頭，但係唔咬。 用手試還幾次，有時肯，有時轉開，有時咬。 我都係等佢幾乎 100% 願意用手套玩，再轉用手。

Step up 我今晚將我想佢企上去既 perch 裝係佢原本支 perch 前面先，佢而家開始唔怕，聽日或者後日試下引佢企上去，到完全習慣個動作先再訓練用手那著那支 perch。 咁樣做 okay 嗎？

9# 卡樂B

風中飛鸚

外國同HK唔同~人地地方大~空曠~走左出街易搵好多~HK太多高樓大廈~走左好難搵得返
louisa20047 發表於 2011-12-29 16:34

人地10元8隻灰鸚~我都唔剪翼~放飛啦~

風中飛鸚

我舉個例~:你困我在一個地方~有女溝~有獎抽~有得食~唔洗力~我為什麼要離開?
你的灰鸚鵡情況就係我上面咁啦~籠內有糧有水~又安全~出黎做乜鬼?

macbrush

唔該哂，我知點做。

分享下佢頭幾日個樣



[flash]<object width="560" height="315"><param name="movie" value="http://www.youtube.com/v/OadUVvZHaeo?version=3&amp;hl=en_US"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/OadUVvZHaeo?version=3&amp;hl=en_US" type="application/x-shockwave-flash" width="560" height="315" allowscriptaccess="always" allowfullscreen="true"></embed></object>[/flash]

[media]<iframe width="560" height="315" src="http://www.youtube.com/embed/76_LG7PdpRo" frameborder="0" allowfullscreen></iframe>[/media]

Louis

外國地方環境及文化與香港有極大差異, 人地地方大, 環境空曠, 樓房疏離及矮, 休憩地方遠離馬路及汽車, 環境安全. 隻雀飛到上天, 就算飛得好高, 都可以望到主人, 從高空認地形, 認清目標, 飛落主人度.
走算不幸走失寵物, 文化上一般都唔會據為己有.
但係香港石屎森林, 人多車多地方窄, 周圍都係噪音, 容易使鸚鵡受驚而一飛沖天, 隻雀飛起轉個彎已經蕩失路, 唔俾車車死或撞上玻璃幕牆已經非常幸運, 當隻雀處於高處, 望住下面既主人, 隻雀亦唔敢飛落黎, 因為從高處望落, 主人周邊環境複雜嘈吵加上陌生路人, 令隻雀唔夠膽飛返落黎.
中國人文化上好貪心, 正所謂地上執到寶, 執到野多數據為己有.
所以晌香港地帶雀出街唔上腳鏈或胸帶, 十分唔明智, 走雀及發生意外機會極高. 如果俾外國班放飛人士黎香港玩鸚鵡放飛, 包保會唔見雀.

企架可以用相機三腳架改裝, 就會比較輕便, 易於收藏, 及容易攜帶.

從以上內容, 我覺得你比較心急想令隻鸚鵡信任你, 咁樣容易令隻雀有壓力, 不如順其自然, 有人既時候, 將籠打開, 俾隻雀自由出入, 當隻雀習慣熟落之後, 有安全感之後, 自然唔會留戀籠內, 日日會大叫你放佢出籠玩.

macbrush

多謝管理員的回答。 其實我個人就無乜所謂亞 Spencer 幾耐先完全信任我，我只係怕佢咁大個先換主人，會出問題所以先用咁多時間，希望佢就算唔完全適量，都感受到有人關注，唔會出現一些自殘既現象，或者其他毛病，或者就算有都因為成日有人，會減少和早些發現。

還有一個小問題，我之前兩三個禮拜都分別發現左幾支大羽毛，落毛既頻率幾日一支，我以為是正常的換毛，但今天起床便發現幾支小羽毛，我開始有些擔心，剛才以和 Spencer 檢查全身，又沒有怎麼地方視覺上沒有毛，現在我有沒有需要擔心呢？ 多謝幫忙。

今日起床發現昨晚掉的羽毛


之前分幾星期落下的羽毛

Louis

羽毛完整, 係正常掉落換毛, 如果係咬毛, d羽毛會唔完整, 有咬爛痕跡.

風中飛鸚

多謝管理員的回答。 其實我個人就無乜所謂亞 Spencer 幾耐先完全信任我，我只係怕佢咁大個先換主人，會出問題所以先用咁多時間，希望佢就算唔完全適量，都感受到有人關注，唔會出現一些自殘既現象，或者其他毛病，或 ...
macbrush 發表於 2011-12-30 12:42

終於有人衛生情況比我差~

waterBB

哈哈

海之家

你們應該改用黑色的keyboard了~~~~比較不易發覺~xdxdxd

zero322

人地叫你睇雀你睇乜鍵盤呀