第38屆吐露港渡海泳 - 2010年10月10日

寶哥哥

恭賀各參賽者安全游畢全程歸來!

風中飛鸚

以下長編大論~本人會以世界紀錄最高速度去打~錯字白字一定多~請各人忍耐細心閱讀此文章~

1010渡海泳大賽~中途因為風高浪急~引起大批運動員遇險~而需要救援~令到海面上缺乏救生艇~

於是~就展開我人生最接近死亡又最漫長的96分鐘~

一開始起步~大家一起沖落水~lawrence同simon一秒已經唔見影~亞sam回頭同我講~快d去囉~

當時好嘈~水好凍~人好多~前面運動員拋拖鞋向後~擊中我前面個人頭~後面運動員起"控"

用水潑向前~十分混亂~我非常想放棄~但今次比賽~係亞sam志願~免為其難繼續前進~

1600人一齊落水~手手腳腳亂踢~亂過亂葬崗~一唔小心都踢死~

10分鐘開始俾人拋離~反而係好事~游順左又唔算好凍~不過後面運動員一個一個追過我~

45分鐘了,是法定時間的一半~我望一望路程都過左一半~都屬於正常速度~不過我再加力游~希望做好成績之餘~都唔想將時間調教到咁緊迫~於是我開始發力~
到56分鐘~右腳大腿開始有問題~我就開始放慢~

63分鐘游到中間島嶼~開始聽到有人求救~不停有呼救聲~救生艇來來回回海中心~立即出現救生艇短缺情況出現~非常危險~

過了山咀~風開始大~慢慢浪又開始大~我的右腳連小腿都出現問題~開始有"秋根"初期情形出現~
我看看錶~72分鐘~心想難岸應該唔遠~於是停止用腳~只用雙手去游~因為我有做健身~雙手比正常人強~但開始擔心能否完成賽事~

82分鐘~浪非常高~終點又好近~(其實好遠)浪已經打到我滿肚都係水~腦筋開始失控~有一隻獨木舟就在我前方十公尺~我想舉人求救~但想起各人會好失望~心大心細~游到獨木舟船邊~原來已經好多人捉實船身~等候救生艇救援~我繼續向前游~隻腳非常痛~離開唯一救到我的最後獨木舟~又即是最後希望~最後生還希望就慢慢遠離我而去~

90分鐘.法定時間到~聽到兩下嗚笛聲~(因為1600人落水~有先有後~所以有10分鐘容忍期)
浪已經打到我飲飽水~腳痛到我已經冇晒力~眼已經睇唔到野~(眼花)

92分鐘離遠見到終點線~已經無法發力~只是順流漂浮~但朦朦朧朧間聽到岸上齊聲立咸呼叫~
這班朋友的叫聲~就係我的強心針~我出盡最後一點力~終點線在我頭上經過~我見到條終點線在我頭頂打轉~(本來諗左100個花式上水~但當時已經死過番生~冇諗咁多)其實已經冇力起身~

(1)sesese
自從你入會之後~我一直搵你笨~每分每秒囉你便宜~直到你已經麻目~逆來順受~
但生死一刻~我竟然好高興你退出左~慶幸你冇參加~這一刻~你冇身憾險境~我非常高慶(知你眼淺~唔好咸)

(2)carolee
上岸見到你~好似見到自己一個親人感覺~好想抱緊你~(抱頭痛哭)如果我當時真係咁做~而你又冇叫非禮~又冇一腳伸過黎~我眼淚就會直"擁"出黎~一定收唔到~果下就俾人影到~邊度唔洗去~

(3)mandy
見到你地咁擔心~非常抱歉~曾經同你講過~'我口不擇言~將來一定得罪你~希望你先原諒我~'現在我要收番~因為我可以100%肯定~我們友誼永固~

(4)joe
我上岸時~見到你沖出來~雖然只是一刻畫面~感覺到你是非常擔心.似是放下心頭大石~
每個人都真情流露~冇得假~

(5)sam
為左達成你願望~令我差不多送命~我覺得.........................................都值得~
朋友唔洗講咁多~心照就得啦~

(6)各參賽既健兒及支持人士
經過今次生關死結~大家友誼誇進一大步~

(7)各鸚鵡樹會員
珍惜眼前人~

1600人都自己覺得自己比人強~(除左我)我能夠法定時間完成賽事~游在我之後~還有很多人壓尾~令我信心倍增~

carolee

飛鸚, 其實當時左盼右盼, 左擔心右擔心, 一見你上岸, 真的好開心好感動,  即時也好想擁抱你一下,  不過怕嚇親你, 所以諗咗就當抱咗

昨天大家都好努力, 在咁大風浪下游2400米真係唔容易呀! 叻!叻!叻! 叻!叻!叻! 叻!叻!叻! 叻!叻!叻!

謝謝寶哥昨日咁攰仲咁高速制作咁精彩嘅video比我哋回味

YEEYEE

OnOn

以下長編大論~本人會以世界紀錄最高速度去打~錯字白字一定多~請各人忍耐細心閱讀此文章~

1010渡海泳大賽~中途因為風高浪急~引起大批運動員遇險~而需要救援~令到海面上缺乏救生艇~

於是~就展開我人生最接近死亡 ...
風中飛鸚 發表於 11-10-2010 22:43

So touching.......... totally feel it.

Congratulations!  

OnOn

寶哥,
Thanks for sharing.   
Cannot open Youtube here

sesese

恭喜各位成功渡海! 飛鸚你好叻, 可以游到終點, 我連落水/坐救生艇既機會都無, 真係打擊好大

sesese

睇飛鸚段真情表白都無咁感動, 睇寶哥放呢段片真係忍唔住

sam905

飛鸚講真,我游完今次之后,我真係唔敢再撩起依Ｄ有危險嘅活動架,回想果日,一起步就碰到我意料唔到嘅困難,人太多Ｄ脚前後左右咁踢埋尼,好似連環圖王小虎果招降龍＋八腿咁,跟本無得避,唯有盡量將頭抬起,免被踢,好不容易才衝出人羣,先前講果Ｄ互相照應呀,傍住游呀,跟本就無可能,到我到終点時,家人担心不巳了,我才知只剩下你還未到,到你上岸時雖然只是相隔5分钟,但已經好似等左好耐咁,我就想到我只是等了5分鈡已經咁難捱,自巳家人同朋友就我地游咁耐,佢地就担心咁耐,突然覺得好內疚,好自私、慶幸大家安全又得到預期嘅成績,淂到一個完滿嘅結果,我開心,我地尼班老友又經歷了一次難忘嘅人生旅程啦！

carmenchungkm

嘩, 估唔到大家有咁多難忘回憶, 希望今次活動唔係最後一次, 下次可以搞D輕鬆D既, 運動下又食下野, 有益身心!

真正

飛鸚犀利呀~~~~~~~~~~~~

mavisweet

飛鸚,如果我係現場我一定會好好咁擁抱你~~~可惜可惜~

無得同大家一齊經歷難忘嘅人生旅程,真係好遺憾.....

BoBoBoBo

那天風大，不在現場，也替泳手們擔心！好彩大家鄀平安游畢全程。 好"鄧"你們高興！

風中飛鸚

(1)mavisweet
下次見到補番擁抱你~~~唔可惜

(2)真正
唔係我犀利~係冇救生艇果下犀利~你估我想游咁遠丫~冇人救~焗住游咋~

(3)carmenchungkm
咁辛苦執番條命~仲有下次咩~

(4)bobobo
我好高興自己未死~

(5)sesese
如果你有去~我都唔咁想像~

(6)sam
真係難忘丫~我未試過咁接近死亡~大海汒汒~求救無門~只有自救~

pinko

多謝寶哥哥給我們留下美好回憶……依條片好珍貴….. 要好好保存先得

pinko

飛鸚, 我上水後就已經擔心大家了, 因為我覺得很大浪, 很難游, 唔知大家何否完成.

我游倒一半也曾想放棄過,但知我前面人不多,所以都要博命游,爭取隹績,上水後我都想有擔架床瞓.

pinko

賽後有感------ 先為為各參賽者游畢全程歡呼, 你哋好叻, 我為你們而驕傲, 回想這120~130天, 目倒各人能學識游水及泳術不斷進步, 就算唔游倒水的, 亦經常運動,還有飛鸚和sam這兩條鯨魚既突飛猛進, 各人都在健康上為家人儲了不少錢吧, 在我來說,都因你們的努力而令我加倍用功鍛鍊, 有感昨天你們各人游畢上水時, 看見各參賽者家人的喜悅, 這就是不能言籲的愛, 他們為你們的強健身體而鼓掌, 為你們的成就而歡呼,真令我心中喜極而泣, 其實你們去了鍛鍊, 家裏的事亦會增添了家人的負擔, 所以你們的強健身體及成就, 他們亦應記一功的, 要知你們的身體健康與否, 是極會影響家中的氣氛呵, 最後我要多謝在鸚鵡會內的一班好友及支持者, 無大家一起鼓動和參與, 都不會有現時的健康開心的生活, 我再向你們致敬.

pinko

我估能完成大家首個創舉的, 是因為大家都很愛家人, 所以要攪好身體, 而我們又柴哇哇地擋玩水後, 慢慢形成了一股運動氣氛, 各位又不怕打攪屋企相聚去吃喝玩樂, 加上sam勇敢地提出挑戰此賽, 你們又肯努力練水, 以得到那天的美好收獲, 所以是應歸功於大家的.
一向我都想推廣養成恆常有氧運動給我週邊的人, 回想我們由識得貪靚開始都是為了減肥、健美、希望少D傷風感冒、唔想有長期/不治的病, 甚至癌症所煩惱而努力, 你們想想, 你身邊有多少親戚朋友因病而影響家庭和受苦, 我實在唔知食乜食物、藥物會比天天造20~30分鐘有氧運動去解決以上煩惱好, 所以我目的是想將身心康泰(身體健康、心景舒泰)去帶進你們的家, 而離苦得樂, 就算造不倒恆常運動的, 起碼可學懂游水來旁身, 長期食開藥的, 也可續漸減低劑量, 不用戒飲戒食, 過着健康正常的生活, 小朋友亦可增加自信. 各位, 我們年紀唔細喇, 一起努力為家人和自己造点事吧！！！

邏疏的我，請大家見諒………

風中飛鸚

1我們覺得段片珍貴~我開俾朋友睇~佢地話悶到揪筋

2去左練水~減輕左亞仙壓力就真~

3如果當日有條友仔開波咸先呢~就肯定好多人變晒咸飽~(我強忍得好緊要)

4起初游泳只是付助健身裡的帶氧部份~現在是健身付助游泳的力量部份~我下半生唔會放棄游泳~

OnOn

我估能完成大家首個創舉的, 是因為大家都很愛家人, 所以要攪好身體, 而我們又柴哇哇地擋玩水後, 慢慢形成了一股運動氣氛, 各位又不怕打攪屋企相聚去吃喝玩樂, 加上sam勇敢地提出挑戰此賽, 你們又肯努力練水, 以得到那 ...
pinko 發表於 13-10-2010 15:31

  健康是世上最大的財富.

希望所有人都有所啓發.