本帖最後由 jennymok 於 2013-8-26 13:34 編輯
早前隻黄頸金剛走路一拐一拐咁, 初時以為係肌肉拉傷, 但持續咗差不多一個星期都未見改善, 有d擔心佢會唔會因為內臟有事, 感覺到痛而一拐一拐咁行, 因為雀鳥有條神經線在腎臟旁邊接連腳部, 所以就帶咗佢去睇Dr. Tigar, 好彩照過x-ray同驗血內臟都無事, 可能真係拉傷肌內, 開咗消炎止痛藥, 而家差不多好返曬! 對比起上年嘅驗血報告, 所有figures都好咗, 尤其係口腔內嘅一排鋸齒狀肉粒(名叫"choanal papillae", 中文名稱直譯為"鼻後孔乳突")完全生返, 上年無曬係因為長期都有食瓜子&果仁而導致缺乏維他命A! 因為呢1年都跟足醫生嘅建議去做, 可參考以下嘅post,
http://forum.parrot-tree.com/vie ... ghlight=%2Bjennymok
睇得醫生就梗係要問返多d問題啦! 而每個醫生都有唔同嘅見解, (睇Dr. Tiger但由另一位醫生講報告), 寫出來比大家參考一下, 但唔同情況可能有唔同嘅養飼方法, 敬請留意 :
問題(1) : 跟據Harrison’s個website, 金剛係可以食High Potency糧, 但我比較過High Potency同Adult/Pupper Lifetime嘅蛋白質只相差3%,但天然脂肪(crude fat)就相差差不多10%, 會唔會脂肪過多呢?
醫生話 : 金剛都有不同品種, 有大有細, 縱使同品種都有身型上嘅大細分別, 所以唔能夠一慨而論, 而High Potency糧比較適合餵換毛中、患病中、戒奶中嘅雀, 而我隻金剛又唔似野外鸚鵡有咁高嘅運動量, 都係Adult/Pepper Lifetime適合d!
但有d情況係 (a)有d雀好細食, 如果食Adult/Pepper Lifetime係唔能夠吸收足夠嘅營養(因為量唔夠)! (b)有d雀要食好多野, 如果食High Potency就會變成脂肪過多(因為量太多), 但係如果食Adult/Pepper Lifetime除咗能吸收適合份量嘅嘅營養之外仲有飽肚感!
問題(2) : 雖然上次醫生話唔好餵瓜子&果仁, 但係呢d係鸚鵡嘅生活樂趣, 所以我每日都會餵3, 4粒鑽石瓜子(safflower seeds), 但Dr. Tiger梗話唔好啦, 我就問鸚鵡響野外都會食瓜子, 問題真係咁大?
醫生話 : 鸚鵡係羣居動物, 如果响野外揾到瓜子同果仁一定不能獨享, 什至要爭食, 加上佢地要飛來飛去揾食物, 有足夠嘅運動去消耗。但家養鸚鵡每天能獨享源源不絕嘅食物同零食, 又無足夠嘅運動去消耗過多嘅油份同脂肪, 就會容易做成肥胖!
問題(3) : 我地係混合餵2種合成糧, Harrison’s & Goldenfeast嘅, 會唔會油份或脂肪過多呢?
醫生話 : 醫生睇過Goldenfeast嘅成份後認為營養都幾平均, 混合餵飼無問題!
問題(4) : 其實合成糧、生果、蔬菜餵食份量係唔係無限制呢只要隻雀食得落?
醫生話 : 唔係! 鸚鵡就等如小朋友, 鐘意嘅食物多一多都食得落, 一直以為水果好健康, 佢食得落都比佢地食, 但醫生話一d好甜嘅生果, 例如芒果, 木瓜, 香蕉, 車厘子就一星期一次好喇! 尤其係果乾,抽乾後果糖仲多, 都係唔好!
而份量點計? 以我隻黄頸金剛287g計, 每天嘅食物份量係40g!
而佢地一手爪起嘅份量係等如人用手爪起嘅份量一樣, 例如我隻金剛食半粒車厘子(一手爪到)就等如我食咗一堆好似蘋果咁大嘅車厘子一樣, 再餵就等如過多喇! |
發表於 2013-8-26 13:25
| 
人都唔可以食太多，雀只可以食天然食物
