玩得好地地，的的突然發惡 ﹣＿﹣

rannes_man

一路同佢摸頭，間中比零食佢食，好地地佢都好開心的，
我都冇換過 R 頭嘅位置，都冇做任何突然唔同的動作，
的的突然好大力咬落我隻手度，成塊皮比佢咬甩左，係咁流血 ﹣＿﹣
我即刻粒聲唔出罰佢入籠，唔彩佢。。。。

旺旺

你應該大聲鬧佢，停止互动放入籠

318128

其實灰鸚唔鐘意比人摸太耐傢

rannes_man

回復 3# 318128


    咁都唔駛咬我架∼∼∼

dororozwei

回復  318128


    咁都唔駛咬我架∼∼∼
rannes_man 發表於 2013-10-27 20:45

非洲灰鸚鵡雖然很聰明,但不能當他是狗隻那樣看待
始終鳥類大腦結構與哺乳類不同,偏向於本能的反應
舉個例子,就如倉鼠被人突然摸背,不理你是否主人第一反應就是咬

kcps103152joe

因為鸚鵡有返咁上下智慧，思想，佢有佢性格，唔可以當狗咁
d師兄成日同我講，唔比雀咬過唔叫養過雀

rannes_man

回復 6# kcps103152joe


    我都知心急左少少架喇。養鸚鵡我真係有排學。
其實已經比佢咬過好多次，但今次係最不明所以同埋最痛的一次。

scl

樓主想減少被咬，＂了解＂是不二法門。

鸚鵡本性敏感及神經質，小小事也會有反應，以咬人來表達是常事。如主人能細心觀察鸚鵡，是能看出其情緒變化，及早以合理行動回應，方可減少被咬。（例如發惡前，曈孔會收細，羽毛收緊等）

要緊記鸚鵡要主人先了解牠，比心機站在牠角度看，會易於了解其內心。

想現在才是你此份學習的開始，牠會天天考你，看你有多了解牠，當牠感到主人了解一個水平時，就是你及格並少被咬之時，人人成功時間會不同，比點耐性吧！說實鸚鵡真是比狗難以了解呢！

另Ｒ一陣可停手，如牠再需要會以行動向你要求，你就可以了解牠之表達，互動中你便可以控制自如，不會因R太久被咬了。有時鸚鵡急便便時也不想再被R，主人再R令牠更急，不舒服是自然，以咬以示意停止也正常之一，當然隻隻有所不同（溫柔的會避開），所以才要主人去了解才明白原因，當你找出答案時，也許知道未必是牠故意呢。

kcps103152joe

回復  kcps103152joe


    我都知心急左少少架喇。養鸚鵡我真係有排學。
其實已經比佢咬過好多次，但 ...
rannes_man 發表於 2013-10-27 21:58

其實我覺得大多數人都唔建議第一次就養大鸚鵡
不過佢肯比你摸同上手都算唔錯架啦
有冇諗過拍返條片分享下?我幾鍾意你d片，好有point

風中飛鸚

我已經解釋過一百次~初回家放在籠內~勿取出來上手玩~

新環境佢本身好驚~灰鸚善於假裝~於是佢假裝服從~但內心非常恐懼~佢唔理得你係靚女定八兩金~

在發現可能有危險前~當然先下手為強~出盡力咬你~要你知道佢唔好蝦~

相反你放在籠內~一段時間~都冇取出~等佢習慣環境同你隻手~佢會慢慢愛上你~咁你點整佢都得~

現在關係由咬手開始左~日後就要更多時間修正~我一開始已經傳左小草妹既POST你參考~你可能冇睇到~

日後你自己都有陰影啦~何況佢~慢慢修復關係啦~

318128

回復 4# rannes_man

我都是養灰鸚,不過佢上月上天堂了,灰鸚要教傢,當佢想咬妳或咬妳時,妳一定要SAY NO,之後輕輕指下佢嘴,佢習慣和知道後,就會明白咬妳是不對,佢信任妳之後,都會咬妳傢,不過佢會好細力!

rannes_man

回復 10# 風中飛鸚


    其實我有睇架∼ ：（ 本來都諗住放0係度唔理佢一個禮拜，
點知初初0個幾日未有籠時我一拎起企架佢就自動企上我手，仲會低頭叫我摸，
我以為佢唔係 BB 見慣人所以快熟習，有籠後佢又開始會叫我放佢出黎玩，
所以我先唔理大家的建議 ＞＿＜

rannes_man

回復 9# kcps103152joe


   我會呀∼ 遲D一定會 ：）

davy

我屋企隻衰野以前都係咁, 用手餵野佢食佢就借D倚咬你隻手; 嗚低頭扮俾你摸,你一摸佢,就咬!
不過養耐左知道佢D古惑野, 就唔會中計!
佢地真係會知你對佢好,等到佢越來越信任你, 呢D情況就會慢慢消失!
而家我襯佢唔覺拍佢背脊,佢一擰轉頭想咬, 望清楚係我就剎制唔咬, 一係舔一舔我隻手就算,
不過都養左足足一年先有呢個關係, 灰鸚真係要用好多耐性~ 樓主加油

quinlam

我都係養灰鸚的，爬文後知道灰鸚心理太複雜又易咬毛，所以我初期冇點理佢，過一星期後才慢慢與佢互動。
因為我怕初期對佢太熱情，當熱情過後小理佢時佢感到被冷落會咬毛。所以我每日只用15分鐘與佢互動，之後由佢自己玩。

macbrush

對我隻灰鸚真係無乜用，迷金還有小小，因為太貪玩。 灰鸚咬都係想你停止，鬧佢佢唔會有咩感覺，重要係佢咬，你就停，重 reinforce 左佢咬這個行為。

你應該大聲鬧佢，停止互动放入籠
旺旺 發表於 2013-10-27 19:18

quinlam

對我隻灰鸚真係無乜用，迷金還有小小，因為太貪玩。 灰鸚咬都係想你停止，鬧佢佢唔會有咩感覺，重要係佢咬， ...
macbrush 發表於 2013-10-28 12:05

我也覺得大聲鬧佢係冇用

simonng32

我覺得如果係佢主動上你手，問題不大，重點係佢咬左你之後你概反應

rannes_man

我需然冇乜經驗，但我有點覺得係要睇性格，
我呢幾個月睇左好多網上外國教鸚鵡的 TRAINING 片，
無論係教唔好咬定係唔好大叫，佢地全部都真係教唔好鬧，因為佢地唔會知呢個叫做惡，佢地平時都好好大聲叫，
所以鬧反而會鼓勵左佢，佢地覺得有回應，0個D VIDEO 都係教即刻停止同佢互動，同埋唔理佢。
我自己教狗咁多年都學左一樣係動物唔可以比佢覺得佢得裎 （唔知鸚鵡係咪呢？）
所以其實我初初都真係，佢一咬，我唔會縮 （所以成手損晒）就由佢咬完，就放番佢入籠，
但我睇完琴日有人同我講要鬧後，我試左一次好大聲鬧佢 NO，試多幾次佢又真係冇再咬喇WOR∼∼∼∼
所以我諗。。真係要睇性格。。
我真係對鸚鵡冇經驗，要你地話我知我咁諗岩唔岩呢∼∼

風中飛鸚

無錯~都係要睇性格~我有隻鸚鵡~從來唔大叫~到佢有需要大叫時~我反而冇阻止佢~