你地既雀有無話好怕嘈

nashvampire

你地既雀有無話好怕嘈( 頂, 佢自已係甘叫又好地地喎 )
妹妹豬原來好鬼怕嘈, 開頭都唔知, 只奇怪  怎有時無啦啦係度大叫, 但佢唔係叫我地喎~
有時洗衣機 最尾乾衣 轉緊時係甘叫, 樓下有車行過 隆隆隆聲 佢又甘叫, 電視大聲d又叫, 我地洗完頭係佢旁 吹頭佢又叫~頂~~
開頭都唔知咩鬼事甘架~~ 但知道咩事後 每次做親以上行為    都會捉佢出來 安撫佢, 係甘摸佢個頭仔同  係甘同佢傾計分佢心
好似揍仔甘 ^^!!

macbrush

咁就慘啦，佢好快就知道有咩唔喜歡就大叫你會安撫佢……

jennymok

我隻大白如果瞓咗覺(約10:30pm), 一開電視或燈, 佢就叫!
而我隻細葵如果瞓咗覺(約11:30pm), 一關電視或燈, 佢就叫!
晚上一個怕光一個怕黑, 我都比佢地攪到精神分裂!!

如果有朋友到訪, 人多傾計比較嘈, 佢地都會大叫, 其實佢地好愛"靜"!

davy

都唔知佢地係怕定鐘意, 屋企聽歌佢地又跟住唱(叫), 睇電視佢地又跟住一陣講(叫)...
屋企越嘈佢地就越嘈~~ =_="

Harry

你地既雀有無話好怕嘈( 頂, 佢自已係甘叫又好地地喎 )
妹妹豬原來好鬼怕嘈, 開頭都唔知, 只奇怪  怎有時無 ...
nashvampire 發表於 2013-4-26 15:21

你以上講果啲我3隻都中!唔係一隻，係三隻一齊嘈！係衷女好啲，我一開門走先大叫幾下.

Harry

重有，每次佢哋一叫你就放出來，遲啲你就好唔得閒啦....佢哋好醒，好快就會知道原來叫就可以出來玩!

scl

回復 3# jennymok


同意! 牠們是比較愛靜, 靜時情緒安定不叫, 所以每天要有一段時間予以安靜較好.

scl

Hello 仔不會因洗衣機聲(牠距機三呎)怕嘈大叫; 電視機太大聲會叫, 所以只要了解牠們可接受音量, 收細聲音一點問題自然解決; 也會因主人聊天太大聲而叫(我感覺牠是以為人在爭吵), 一收起激動情緒就不叫.

主人要明白牠們對自己叫聲不會不喜歡, 卻會對外來機械電視聲不滿, 要互相習慣適應, 過份縱容(如一叫就帶出籠)會有很大後果.

另養得鸚鵡就要預了牠們大叫.

彈頭

凱克叫起上黎真係幾嘈，
不過，我兩隻好少好似你隻妹豬咁大叫!
你要留意因咩事，拎佢地叫得咁勁!
我每次開風筒，佢地一定吹口哨 !
我無乜訓練佢地，  但我會教佢地守規舉 !
鸚鵡始終都係用叫聲黎溝通， 唔多唔少都會擾民!
所以，要佢地守規舉係必須的!

gooza1984

我反而鐘意我兩隻寶貝嘈巴閉，因為我覺得佢健康精神先會咁嘈。我隻灰鸚仔2年前病過2個星期一粒聲都冇出過，而家唸番都好驚，所以我好enjoy佢地既叫聲。另外佢地叫既時候通常亦都講好多野，佢地會叫對方名，叫對方錫下先，摸下先，i love u，等等，所以我好鐘意佢地把聲。有時都會擔心太早嘈醒隔離屋d人同太夜驚嘈住人訓覺，不過佢地都好乖，一關燈就訓覺唔講野。

louisa20047

我班葵~電視太大聲會大叫~但如果改為音樂+我唱歌~佢地一係瞓覺~一係同我一齊唱+跳舞
平日其實唔會點叫~係一到發情期就會叫多D

scl

回復 10# gooza1984


同意! 會叫好過唔叫, 病了最麻煩!