好難講一檔雀好唔好, 每檔都有健康及病雀, 有良心檔主都會將病雀隔離收起自己醫, 免得將病菌傳染開去, 及影響招牌, 係有D無良檔主, 好雀病雀困埋一籠, 做成交叉感染.
揀雀除檢查外觀外, 仲要留意精神狀況, 活唔活躍, 為唔為食, 有冇八卦好奇心, 是否容易緊張等.
當鳥店剛返新雀時, 唔好急於去選購, D雀初到新環境, 容易緊張水土不服, 帶菌者甚至會病發, 等一兩個星期安定落黎, 無病既雀就會回復狀態.
幼鳥好容易冷倒, 雖然滿身羽毛, 但其實身上未有足夠皮下脂肪及肌肉禦寒, 醒既時候, 身體有活動, 個身會熱, 但訓覺時候, 身體冇活動, 體溫會下跌, 所以蓋籠布係唔足夠, 要有暖爐或暖燈保暖. 可以想像一下, 自己只著背心短褲唔蓋被訓覺, 訓訓下都會凍醒, 更有機會冷親. 所以點解有D寵物店係好熱唔開冷氣, 因為唔想冷親D年幼動物. |
發表於 2013-4-9 10:11
|