本帖最後由 jennymok 於 2013-4-6 13:03 編輯
大部份嘅主人都會買玩具比雀雀玩, 但一般價錢都唔平, 萬一佢地唔鐘意玩或驚咗個玩具, 就會好浪費, 以下嘅一d自製玩具, 大家不防試下因為我d雀都愛玩:
(1) 先蒸熟粟米, 同時間用蒸粟米d水來煲下d粟米葉, 粟米肉切出後將芯同葉曬乾, 佢地會咬爛個芯或一片片咁撕開d葉, 有得食有得玩, 用盡條粟米! 又或者去買比BB煲開奶茶嘅粟米芯, 1包約1斤$15。
(2) 青椒、黄椒、紅蘿蔔切成條狀比佢咬下食下!
(3) 將成個青椒掛入籠, 响青椒上開2至3個口, 裏面可以放d瓜子, 等佢慢慢咬開佢, 因為佢地最鐘意咬爛曬d野! (如果擔心雀雀驚個青椒, 可以放响籠邊比佢望慣先)
(4) 我每次去Pacific Coffee買咖啡, 我一定會攞幾隻厚紙碟, 因為呢d紙碟夠厚又無臘响碟面, 夠曬安全, 我隻大白最鐘意咬! 有時我仲會將紙碟捲住條栗米芯, 再用紙繩(購自吉之島$10店)紮起去掛入籠比佢咬!
(5) 將紙巾盒剪開(1開2)放籠底比雀雀咬, 我隻太陽最鐘意! 我多數會買無乜顏色圖案嘅紙巾盒, 而廁紙簡我就唔會比佢地玩喇, 因為廁所細菌比較多同潮濕!
(6) 將一對唔著或爛咗嘅襪洗乾淨, 捲成一個球狀同佢地响籠頂玩拋波! 我隻大白同細葵都好鐘意, 拋落地下又無聲唔怕嘈到人, 佢地好快就會攰包括你自己, 放電一流!
(7) 細雀最鐘意咬扁d飲筒, 可以响7-11攞d彩色飲筒剪成一節節(1至2cm長度), 用紙繩穿住掛入籠比佢地咬!
其實每隻雀鐘意玩嘅玩具同遊戲都唔同, 大家不防share一下! |