雞尾眼腫一問

bulbul

雞尾有一隻眼腫左,食得玩得便便靚，唔知係咪冬天訓ge時間多左，去雀街買左眼藥水，佢話要滴晒兩隻眼,佢有冇教錯我呀？

bulbul

還問一下藥水使用後需不需要放在雪櫃，謝!

parrotlove

係警另外一隻眼都會感染倒..安全啲滴晒兩隻眼

Mr_fran

全中，要兩隻眼都滴，開左就放雪櫃，及留意開口後只可保存日期都多數是一個月，自己check真啲啦。

bulbul

thx....昨日不知道只滴了一隻眼
但係...今日睇佢隻眼已經冇咁突@@
支藥水真係咁堅@@

仲有呢.....係咪滴到好返就唔駛滴?
定係....係唔係都要滴足一星期?

Louis

相中見到係結膜炎, 下眼簾結膜腫起.
我唔知你支眼藥水係乜名或成份, 如果係有類固醇, 就可以暫時迅速消腫, 但一停藥就好快會腫返. 由於支藥多數含抗生素, 為免病菌會產生抗藥性, 最少連用一星期, 每日最少滴兩次.
雀街買既眼藥水有兩種: 1.)抗生素, 2.)抗生素+類固醇
如果眼睛有傷口或眼角膜有擦傷或潰瘍, 就唔可以用類固醇眼藥水.

另外, 隻雀亦有可能作病, 因為好多種病都會伴隨結膜炎, 例如上呼吸道感染, 感冒, 鸚鵡熱等, 所以注意保暖, 留意隻雀精神, 胃口, 及大小便狀況.

bulbul

感謝用心的回應~

我買左lee個粉藍色ge 眼藥水,請問有冇用錯...T^T
http://forum.parrot-tree.com/vie ... highlight=%B2%B4%2B
我唔知佢有冇傷口....不過昨晚見佢內眼皮同眼角紅左 ......今朝冇咁紅.....見佢下眼皮有少少野.....好似毛打結咁.....同佢抺又抺唔到個喎@@

佢隻眼計埋今日腫左第三日...昨晚開始用藥

除左訓得多左少少之外....暫時食得訓得玩得叫得同柯得 (雞尾已有六至七歲)

Louis

這支就是含有類固醇+抗生素, 使用一星期後, 病情不論有無改善都應該停用, 因為類固醇只適合短期使用, 長期使用會對身體有害. 如果眼睛病情一星期後未有好轉, 應轉用不含類固醇既抗生素眼藥水.

眼皮下羽毛打結, 係因為淚水整濕眼皮下羽毛, 乾左之後就會硬化及打結, 等隻眼好返, 唔再流淚水及唔再需要滴眼藥水, 眼睛周圍羽毛就會慢慢回復原狀.

bulbul

了解~如果一星期都未好就同佢轉用Genoptic la

Update 近況
眼仔已比先前消腫了一半
至今滴了4次
要捉實佢滴藥變得好難.............佢已經變得越來越會逃走了....................
成日整到個咀向下.......成日搞到d 藥水"線"走晒........有時唔小心經過佢個咀.......好驚抺唔切....怕佢食左



眼仔冇咁凸冇咁立體了

沒有肚柯

parrotlove

用巾包住佢黎滴會好啲.未好之前最好唔好見光

bulbul

了解~佢而家個籠頂長期蓋上報紙遮光

update 近況

今朝滴眼藥水滴得超成功~兩隻眼都滿滿的浸滿藥水~
眼仔還有小小凸...但看得出一日比一日好.....
不過...........放工回來便看見一堆醜便便.............擔心
佢而家還是經常睡........食野方面....會食晒一天份量的合成糧.....
自從眼腫之後都比平時叫少左.....又冇爬籠搞搞震..........
今晚又會凍多一兩度..........擔心

parrotlove

用黑色布會好啲..報紙都會光入...
好番就會爬籠搞搞震...放心啦

bulbul

但如果佢個籠成日黑ma ma........佢就會唔食野wo : <

bulbul

佢呢兩日好返好多啦......有人回家也會叫門歡迎^_^
只係有時便便多水.....



呢邊d眼仔毛好醜....未腫前已經係咁樣一忽忽..........還是o向好耐之前已經是腫的.......記得以前間唔中眼珠有白點....特別係佢三四個月大時....唔知係咪先天有眼病@@

bulbul

最近眼仔好似沒有那麼大進展
還是還有少少腫...少少紅
到星期一晚就完成整個滴眼藥水療程...........
如果唔好......係咪又要換另一個藥水呢.........
還是休息一會兒再用會好一點


眼仔仲係凸起

靚眼

醜眼

Louis

1. 便便多水=多小便, 係使用類固醇後現象, 停用類固醇眼藥水後應回復正常.
2. 從前眼中有小白點, 係眼角膜潰瘍, 痊癒後白點就會消失. 如有此"眼中白點"病徵, 切勿使用含類固醇眼藥水, 容易令病情惡化.
3. 療程完成後, 如眼睛仍未痊癒, 可轉用不含類固醇的眼藥水, 繼續治療. 留意大小便有否轉黃, 如果大小便呈現黃色, 代表肝臟受損, 應立即停藥.

bulbul

1. 便便多水=多小便, 係使用類固醇後現象, 停用類固醇眼藥水後應回復正常.
<停了藥兩日,差不多沒有多水的間題
2. 從前眼中有小白點
<那個小白點昨日發現回來了,在靚眼上眼角位置

用藥最後一日便便顏色變淺，停藥兩日d便便顏色也差不多回覆正常
...但還是不活躍常睡....但胃口超好....比正常冬天多吃了一點點
但是......眼還是跟上圖一樣小凸.......內眼皮開始又變紅....@@
咁係咪又要滴藥.......但d藥d副作用又未退晒.....

wongleung

学习了，谢谢，以前给他们搽眼霜的。

Louis

如果已經轉用 Genoptic, 請問已用左幾多日?
新發現眼睛小白點, 可以影到相嗎?
另一個可能係上呼吸道感染, 疱疹, 或其他疾病, 導致眼睛發炎, 滴眼藥水只可暫時舒緩眼睛病徵, 不能根治病因, 需要同時服藥.

bulbul

沒有轉用~完全停藥了三日
因為佢d便便水得太緊要...同開始淺色...我唔敢再加重佢個肝ge負擔 T^T
小白點今天又發覺沒有了@o@.....真神奇........但肯定唔係因為光線而產生的反光

而家真係唔知搞咩隻眼會咁樣...今朝睇佢又係小小紅腫
講返狀況...佢比先前精神返好多.....便便正常
唔會好似滴藥期間成日都訓覺...但係未有爬籠搞搞震
叫聲響亮...放大喉龍咁叫.......先前唔叫同埋只有細聲叫
食量驚人.....未病時冬天一日食兩藥匙合成糧...而家三匙都食得落@@
但我知佢輕左...未回復正常
唔知今次會唔會影響到視力
比隻手佢上手佢....經常好似睇唔到有手咁...冇反應...冇咁快上手....
見佢冇反應輕輕掂佢腳仔...佢好似嚇親咁.....好大反應
唔通佢一直都見唔到手@@