估佢唔到，有時捉佢仲無咁驚

有時 Spencer 出來玩，都會比唔同既野嚇一嚇，好多時嚇完就要返籠。如果係我同佢玩就當然係上手帶佢返去，咁返到去都要休息下，經一兩小時鎮定下先回復正常。

咁頭先佢又去來行街，又唔知乜Q野嚇到佢好驚咁躲埋死角位，咁雖然我見到但因仲用緊拐杖真的無能為力，我細佬又唔敢比佢上手，咁我叫我細佬帶手套捉佢，雖然佢有反抗，但係一放番入籠就好似乜事都無發生過咁，即刻又唱又跳，真係第一次見。下次咁既情形我又試下捉佢，睇佢係佢其實係驚慌既情形下情願比人捉呀，定係其實唔同人唔同反應。