Lucgy, my Sun Conure.

BABYPAPA

中英對照，全因為你 ( 楚鋒 )..你接受到啦..現在..

hoysiu

急不來, 順其自然, 也不要太在意. 但時間+愛心+食物 必定可以讓牠愛上你. 問題是你的仔女確實有點多, 你的時間和愛心也必分攤開了, 用的時間便比較長. 也可能你有很多寵物, 很自然地會作出比較, 對牠的喜歡程度便會減少. 以下是一些個人意見.
1) 不要給牠飽飯, 在你掌握到牠的食量後, 嚐試餓牠一會才給牠食物, 而且都是用手給. 讓牠知道你是對牠如, 給牠溫飽, 讓牠知道手並不可怕.
2) 多點跟牠聊天, 雖然牠不明白說話的內容, 但牠不斷嚐試著去理解你的行為, 日子有功, 便知道你的行為是善意的.
3) 讓牠多點陪著你, 比如你在上網, 可把牠放在旁邊.
4) 跟牠玩, 比如說 用牠喜歡的食物, 教牠轉圈 等等, 在這過程中, 已漸漸地增進了你們之間的感情.
5) 要有心理準備, 可能要花上一年兩年時間去改變牠. 不要放棄. 加油.

littlecae

我隻折衷,3個月大我已經一手一腳餵奶,一定人手餵野食, 比佢咬到而家d痕仲係度(就黎一年), 日日成手血痕, 用左3個月佢先咬小左,而家....佢仲係咬,突然個隻,望下你隻手,望下望下就咬.... 而家一日一咬, 已經好過以前一日十幾咬
我已經用盡方法, 怒視, 惡,彈咀, 彈尾..... 佢仲係要咁,只有接受, 同繼續努力唔好比佢咬同教佢

hoysiu

我隻折衷,3個月大我已經一手一腳餵奶,一定人手餵野食, 比佢咬到而家d痕仲係度(就黎一年), 日日成手血痕, 用左3個月佢先咬小左,而家....佢仲係咬,突然個隻,望下你隻手,望下望下就咬.... 而家一日一咬, 已經好過以前一 ...
littlecae 發表於 2010-7-15 22:04

彈咀 -- 出黎o既效果會好極端, 一係就係因為驚你而唔再咬, 如果佢唔驚, 就會同你鬥惡. 咬得仲金.

Cozzy

彈咀 -- 出黎o既效果會好極端, 一係就係因為驚你而唔再咬, 如果佢唔驚, 就會同你鬥惡. 咬得仲金.
hoysiu 發表於 2010-7-15 22:07

係彈咀係比較差的做法.....
可以佢一咬就捉住佢個咀唔比佢MOVE....

小鳥必必

Lucgy takes 葵花籽從我手裡。

每次這樣做時，

我覺得這麼近。

其中的事情，我不能真的讓 Lucgy繼續下去，

雖然他 咬我，

它可能由於  我是他的主人 以前 他遭到了很多 bad thing。

我的意思是，他 ...
leoyys 發表於 2010-7-15 21:02

基本上當你隻太陽..>>當年怎樣追你太太..差不多!! 可想言之你性格好性急的一類..take it easy mate!!

sodagreensimon

加油，精誠所至，金石為開∼∼∼

mavisweet

你D中文....用YAHOO翻譯架?仲難睇過英文~

如果Lucgy佢會係你手上面拎葵花子食,就證明佢都算係為食仔一名,
或者可以試下慢慢訓練佢做D動作,試下先比HAND/轉圈 etc.
等佢知道係你隻手到就可以食好野~
再比D耐性,佢就會明白你無攻擊性,同慢慢會逐漸靠近你啦~

加油!!!

tsw

leoyys你用中文好D,大眾容易明,努力加油!

littlecae

7# hoysiu

彈咀對我個隻好有用,而家我剩係做個手勢, 佢已經企定定, 知衰咁'dup'低頭 (唔等於下次唔咬)

carolee

以下係我閉門造車的一些個人分享和想法, 對我家小寶都好有效:


鸚鵡會模仿同類

你可在LUCGY面前和其他雀雀玩, 例如抱抱其他雀, 比佢睇到抱抱E個動作另外一隻雀同你都好開心 (又例如抓頭仔)

跟住伸手邀請佢做同一動作, 初時可能LUCGY會退縮, 但比D時間, 一次唔得兩次, 兩次唔得3次, 唔肯就算, 唔好勉強佢 (小寶都要大半年)

如此類推, 食物都是如此, 食物可先給LUCGY, 如果佢唔要, 再比第2隻雀, 等佢見另外D雀雀食得好開心, 再給佢一次 (不過佢好可能都係唔要)! E個動作目的係令佢知道你好錫佢, 有好嘢都比佢食先, 食唔食反而係其次

有D食物佢已接受咗嘅, 我就會有時比佢先, 有時比其他雀先, 等佢知道唔係佢優越晒

食完嘢我家的雀規定要洗手抹咀, 擺佢係水喉旁邊等佢睇下其他雀我係點同佢洗手抹咀, 跟住幫佢洗, 回想當初小寶都反抗得好犀利, 比佢咬下當然在所難免, 自己要小心執生, 2~3次後佢慣咗就開始冇咁反抗

我E個動作嘅目的係比佢知道我雖然錫佢, 但同其他雀雀一樣, 家裡的一些規條大家都一樣要樽守

這兩個只是例子, 你當然可靈活應用在其他地方

希望可以對你有點幫助, 努力呀!

blanche_lam

重要既...都係"時間""耐性"...

我都話芬達上手都用左3個禮拜...
頭後可能你有嚇親佢既行為(可能你唔覺...但佢可能因為某d事而驚緊你...)
導致佢唔親近你...
俾d時間...唔好急於用佢玩...反正你屋企仲有好多隻可以玩住先...
俾佢自己靜下...每日睇住你同其他仔仔囡囡玩...慢慢佢就可能會想出黎玩...到時先放佢出黎...

可以好似我之前咁...(為食既芬達都係咁教)
先搵出佢鍾意食d咩野...但平日唔好俾佢食...
隔住個籠手餵俾佢食...先慢慢減低佢既戒心(唔好餵咁多...可以每日分段餵多幾次...效果更佳)
之後開住個籠唔好理佢等佢自己行出黎...如果佢行出黎就俾野佢食...
佢慢慢就會鍾意行出黎食野...
再之後可以拎條木棍..."慢慢"遞埋去...俾佢企上去...
佢企上去既話又俾野佢食...之後放番低佢...(切忌急)
再要佢上木棍...又獎勵...又放低...令佢先習慣每次出黎,上棍...都有獎勵...
之後就練習上棍...再上另一支棍...
慢慢就轉上a棍>b棍>a棍>b棍>手指...好多時佢識上...自自然然就上左手架啦~

但我以上講既方法...切忌"急"

起碼呢個方法要持續2-3個星期慢慢一步一步去做...
如果太急進...基本上可以話定俾你知一定有反效果...
曾經我教韶雀友咁做...頭一日做頭一步~ok~但佢因為太急...第二日就做晒其他全部動作...第3日隻鸚鵡驚左佢...@@...慢慢黎啦~
得閒帶隻太陽俾我睇下~~

(為食既雀超易教~)

(楚峰字)

楚峰

呵呵~~~@_@"v

blanche_lam

得閒上黎食飯(BLANCHE字)