chachas

實在太好了，比佢休息下先，觀察一晚，如果仍然有問題才帶去睇醫生啦！

makjoe

我都睇到眼濕濕

wendy2307

一定要休息,俾佢在黑暗和暖的環境下抖,多些用溫柔的語調同佢傾計叫佢,一定work

ronald729

知道，暫時睇落都冇乜異樣，明天再報告一下

laylay

揾返太好了！我都係藍田街坊呀！希望你宝貝快d平服心情啦，下次小心哦！

林林柿

恭喜哂

嚇死個小朋友了,下次要小心D

不過都唔關你事,因為你番左工,有冇整窗網?_?

idy_chimwf

恭喜

風中飛鸚

今日反應點丫?

ronald729

昨晚見佢冇黎氣即刻打比主席請教,主席話先比佢休息一下先,再睇今日,今日見佢應該其中一隻腳應該受左傷,行路就住就住,於是拿拿聲"又"打比飛鸚大哥問下意見,結果應該唔係斷腳,所以呢2日要比佢再休息一下,但重點係要留意體重
同埋飛鸚大哥頭先我同你講話佢只食平時的4份1左右,但同你收線後冇耐佢又係咁食,重開始細細聲講番野同有少少開始想玩玩具,所以暫時睇佢生命危險應該係冇,不過只係隻腳仔唔知佢要抖幾多日先會好番,點都好,今次執番條命仔,同埋飛鸚大哥的寶貴意見,真係幫我慳番唔少醫葯費

chocolate

真係好驚險，希望鸚鵡快D回復正常。

ronald729

恭喜哂

嚇死個小朋友了,下次要小心D

不過都唔關你事,因為你番左工,有冇整窗網?_?
林林柿 發表於 2012-7-7 09:42

我地自制左個格格網加圓木,平時佢地會自己由籠爬上去玩,為獨是出事的窗係冇格格網,因方便晒衫,而且因平時佢地係唔會去倒個邊的,但最近太太買左D新既晒衫夾,重點係好多種唔同顏色,結果就吸引左呢隻臭BB出左去,跟住失足,由於之前見佢失足都係由上而下,唔會飛前,所以起初重點搜索樓下單位及斜對面以下單位,真係估唔到平時唔向前飛既佢,會飛越樓下停車場到對面大廈地下後梯出口,而且好好彩地佢冇選擇向右邊飛,因為右邊係山,重要飛去山係近過飛去對面的,今次真係買個教訓,門窗關好~唔好咁心存僥倖