carolee

原帖由 tangsokwan 於 2008-11-17 14:52 發表
今日一朝早就出左去睇鸚鵡呀..灣仔兩間都多左好多.'城'就多左5隻大白,返左兩日重有o的durty不過好可愛,救命呀~~佢既叫聲簡直攞我命,好似叫我帶佢走咁~~媽呀,等我下個月搬埋屋先,如果有緣我地會再見架+:水汪汪= ...

果時係鸚鵡城就係咁唔小心帶左小雲返屋企;

當時我地入到舖頭, 行過小雲個企架, 佢馬上掛左係我老公心口, 仲挨住佢心口好嗲咁望住佢唔肯走, 於是帶左佢返屋企

風中飛鸚

葵花就係咁,.好多人中招,我有個朋友.想買隻自己已經睇中左既品種鸚鵡,
去到隻葵花伸爪出籠,爪住件衫講蝦佬,咁就中左招,

vvhui1993

原帖由 carolee 於 2008-11-17 21:52 發表

果時係鸚鵡城就係咁唔小心帶左小雲返屋企;

當時我地入到舖頭, 行過小雲個企架, 佢馬上掛左係我老公心口, 仲挨住佢心口好嗲咁望住佢唔肯走, 於是帶左佢返屋企

乜小雲同小寶唔係一齊買咩?
pearl太嘈了,我想同佢揾個女朋友
請問有何高見?

vvhui1993

原帖由 風中飛鸚 於 2008-11-17 23:51 發表
葵花就係咁,.好多人中招,我有個朋友.想買隻自己已經睇中左既品種鸚鵡,
去到隻葵花伸爪出籠,爪住件衫講蝦佬,咁就中左招,

我之前去睇灰鸚,因為飛走左隻
點知去到pearl成日黏住我 ,就係咁樣帶左pearl返屋企

Louis

如果Pearl 同新女朋友仔一齊大叫, 可以接受嗎?
又如果Pearl 同新女朋友仔唔夾, 要開多個籠, 有地方嗎?

Raco

carolee

原帖由 vvhui1993 於 2008-11-19 00:35 發表

乜小雲同小寶唔係一齊買咩?
pearl太嘈了,我想同佢揾個女朋友
請問有何高見?

我是先養了小雲一年多才再帶小寶回家的

以往小雲只喜歡跟人類玩, 完全不喜歡其他雀雀, 但當沒人陪她的時候, 她便去拔兩條腿的毛, 拔得兩隻雞脾仔光光的, 所以一直都想給她找一個伴; 可是相睇了過百隻不同種類年齡大小的鸚鵡她都不喜歡, 每次都是打架收場

原本絕不想買小寶的, 因他出名咬人和由朝嘈到晚, 由於這原故, 他也幾次賣出了再被退回, 我第一次見他便給他咬了一個豉油碟咁大嘅傷口

我每次都會帶小雲一起去睇雀, 小雲卻出奇地好喜歡小寶, 去鸚鵡城看了幾次小寶也如此, 均記妹姐當時教了我一個方法看他們是不是真的合得來, 就是小雲有一大一小兩個籠, 我們帶了個小的去, 把兩個都放進去, 他們不單沒打架, 還旁若無人的互相梳理羽毛很久很久呢! 所以唯有把小寶帶回家

回家後兩個真的相親相愛, 小雲沒有再咬腳仔, 胃口也好了很多,  小寶也沒有再由朝嘈到晚, 慢慢也不再咬人,  他們也會叫, 但每天都是晚上叫2~3分鐘左右, 我個人覺得可以接受; 另一個好處是以前小雲好痴身, 現在我們陪他們玩他們固然會好開心, 唔得閒陪佢地佢地自己又可以玩得好快樂, 唔駛再担心小雲會悶

在我看來, 帶了小寶回家是一個百份百good good good的決定; 鸚鵡跟人類一樣, 能夠找到稱心滿意的另一半是最開心不過的事, 所以我非常贊成妳給pearl找個女朋友, 但最好讓他自己挑選, 否則買左返屋企pearl唔鍾意都幾麻煩

vvhui1993

原帖由 carolee 於 2008-11-21 23:53 發表

我是先養了小雲一年多才再帶小寶回家的

以往小雲只喜歡跟人類玩, 完全不喜歡其他雀雀, 但當沒人陪她的時候, 她便去拔兩條腿的毛, 拔得兩隻雞脾仔光光的, 所以一直都想給她找一個伴; 可是相睇了過百隻不同種類年 ...

你對小雲真好，用咁多時間和心血陪佢相睇！

我地住天水圍，雖然有車，但最多只係自己去旺角雀街和金魚街睇雀，

灣仔果兩間都未去過，又唔識路！真失禮。。。

甚少帶pearl出街，因為佢之前冇腳鍊，而家上了！

仲有佢又唔鐘意入旅行箱，坐車又容易嘔，

如果成日要帶佢去相睇就確係有D難度！

P.S.我前日去左魚街XX"店"見到有隻大白，佢話係公，隻乸係灣仔，因為兩隻野打架所以要分開佢

carolee

原帖由 vvhui1993 於 2008-11-22 00:20 發表

你對小雲真好，用咁多時間和心血陪佢相睇！

我地住天水圍，雖然有車，但最多只係自己去旺角雀街和金魚街睇雀，

灣仔果兩間都未去過，又唔識路！真失禮。。。

甚少帶pear ...

咁你地睇左覺得ok先再帶佢去相睇得唔得呢?

會唔會唔放行街箱好d呢 我家冇行街箱, 老公揸車時我把他們抱在大脾上, 他們都好開心, 從沒試過暈車浪

vvhui1993

原帖由 carolee 於 2008-11-23 00:06 發表

咁你地睇左覺得ok先再帶佢去相睇得唔得呢?

會唔會唔放行街箱好d呢 我家冇行街箱, 老公揸車時我把他們抱在大脾上, 他們都好開心, 從沒試過暈車浪

唉！佢之前架車坐椅是布的，果時都有放係我大脾上,佢又走來走去，又暈車浪！
而家架車坐椅是皮的，我老公怕佢咬爛，所以冇得放佢出來！
我老公今日自己去灣仔"城"睇到有五隻大白，隻隻都任摸！
不過店主個女話而家未知男定女 ，要過多幾個月先知！
到時都可能賣晒！

carolee

原帖由 vvhui1993 於 2008-11-23 00:34 發表

唉！佢之前架車坐椅是布的，果時都有放係我大脾上,佢又走來走去，又暈車浪！
而家架車坐椅是皮的，我老公怕佢咬爛，所以冇得放佢出來！
我老公今日自己去灣仔"城"睇到有 ...

其實妳得一隻, 坐車時看住佢, 照計唔應該阻止唔到佢咬皮椅架?

我知鸚鵡店同均記都有幫客人用羽毛驗dna知道是仔是女的服務, 佢地幾日就驗到,  點解"城"要幾個月咁耐先知嘅? 不過妳影d大白相真係好可愛呀!

vvhui1993

原帖由 carolee 於 2008-11-23 23:38 發表

其實妳得一隻, 坐車時看住佢, 照計唔應該阻止唔到佢咬皮椅架?

我知鸚鵡店同均記都有幫客人用羽毛驗dna知道是仔是女的服務, 佢地幾日就驗到,  點解"城"要幾個月咁耐先知嘅? 不過妳影d大白相真係好可愛呀!

"城"點解要幾個月？
因為佢地等D大白再大隻D睇眼分男女，從來都冇話用DNA驗！所以咪要幾個月囉。。。。

小英仔

鸚鵡相睇又幾得意喎