啤梨

玫瑰葵花鸚鵡~Rose-breasted Cockatoo 係一個唔錯的選擇
平均壽命:****
說話能力****
嘈吵程度***
親近主人程度 ****
接受陌生人程度 ****
需要飼養空間 ***
模仿說話能力(家中) ****
模仿說話能力(戶外) **
活躍程度(家中) *****
活躍程度(戶外) *****
忍受寒冷能力(成年) ****
掉羽粉程度 *****
喜歡玩水程度 *
弄髒四周環境能力 *
破壞能力 ****
容易患拔羽症程度 *
容易飼養程度 *****
容易繁殖程度 ***


玫瑰葵花鸚鵡是澳洲品種,在澳洲非常之多,但不能出口,都是在保育鳥場才有出售,價錢屬於
中等,嘈吵聲音都尚算可以接受吧,基本上玫瑰葵花鸚鵡很容易飼養,
顏色方面,胸部腹部桃紅色加頭部粉紅色都很特別,性格開朗,很少發生咬毛事件.
說話能力非常之強,令主人非常有滿足感,音色也算清晰.

至於配對就好難講啦 ~ 我當初都是想幫我隻紅金配對, 在牠10個月大時已經另買了隻6個月大混金女俾佢,
想佢地由細個開始一起成長, 初初都無問題, 但到隻紅金大約4歲時, 牠對隻混金女就越黎越差、惡和霸道,
無辦法唔把佢地分開養.
所以要講佢地既緣份啦~~~~~

mavisweet

歡迎歡迎~

其實養鸚鵡好睇你有無時間同地方~
以galah黎講,有時都會大叫~所以要顧及會唔會影響到鄰居~
另外galah都好痴人,雖然都會認主人,但係未至於唔痴另一個~
如果你同女友都會輪流餵佢食野同佢玩~應該都無問題~

如果真係要配一對,以galah黎講,最好搵一齊長大,
因為大個左之後先配,galah一唔岩傾會打到至死方休~所以想配會難搵d~
當然亦有雀友係大個左先配....到時就要睇有無緣啦~

我自己就養一隻galah,男仔,聽講男仔性格會純d,女仔巴喳d,
不過每隻都會有唔同性格,好難講~
最重要係到時你去買雀同女友一齊去,揀隻岩心水,健康,又肯上你地手既就ok~

真正

玫瑰葵花好野黎~~~明智之選~~
不過你講得好0岩~幾十年命，係一個好重既責任~要照顧佢一生一世架~要諗得好清楚﹗
同埋雖然玫瑰葵花叫相對靜~但其實都會嘈，你屋企果度得唔得架﹖﹖
仲有玫瑰葵花有羽粉架﹗要留心一下呢個問題喎﹗
基本上我養豆豆，屋企每個人都對佢好，所以佢每個人都痴~所以我諗應該唔會話只跟一個人~