simonng32

啊 ，明白 ，多謝各位CHING提醒 ，我有上網睇過 ，知道如果熱就2個星期一次 ，冷就1個月一次 ，因為成個月都凍，所以沒幫佢沖 ，見到最近有2日熱返，就幫佢沖一下 ，好彩佢這2天都用平時一樣 ，見人就叫  ，見野就咬 ，有食野 ，屋企溫度長期保持21度 ，只係有時工人出出入入會有風 ，一有太陽就會帶佢出花園哂下

AngryBird

更正
係「忽冷忽暖」

風中飛鸚

最慘這幾天已經發出信息~要大家注意保溫~主要因為氣溫唔穩定~反而凍定左又冇咁危險~

上上落落咁就最易中招~如果香港有日0度~保持左長時間~鸚鵡又開始適應到~你話硬要同佢沖涼~我又唔敢咁大膽反對~

雲雀

我屋企班百厭星 養左2年都未沖過涼

AngryBird

回復 1# simonng32
請勿介意
隻雀身體語言已避開d水請不要追住佢來漓
若雀兒須要洗澡佢自然會在水兜玩水示意
在這種勿冷勿暖天氣下不宜給鳥兒用這樣全身濕透地漓水

BABYPAPA

乾乾淨淨上天呀 重要咁射

Hksupermama

唔好話鸚鵡冲涼，唔知點解香港寵物主人好鍾意幫佢地成日冲涼.狗狗都要每星期冲一次,我聽過有人2日冲一次。

chengKalok

主樓唔好介意, 這裡都是愛鳥之人所以就有所緊張怕牠會生病,
試吓想想....大家都是出於好意,
我都是在這裡學懂很多嘢......

wingbut

風中飛鸚

一句這2日天氣暖左 ，馬上幫佢洗白白 ！表明主人極之心急~平時會沖得好密~在嚴寒下已經停止沖涼~一有空間就立即補上~

不過唔需要擔心~我好有經驗~當隻雀開始有唔願食野~企定定好乖咁~立即打電話俾我~(唔好等佢流鼻水~唔係就要睇醫生)

風中飛鸚

你覺得隻雀好有需要嗎?我絕大部份求助電話~當我問到最近有冇沖涼丫?~不約而同都唔敢回答~細細聲在喉嚨發出:'"有"一個字~

大家每日回家都會沖涼~有人什至早上再沖~但鸚鵡有此需要嗎~>?沖完對鸚鵡有幫助嗎?

在這急跌天氣下~我們已經發出介嚴警報下~主人仲唔好好留在家中~仲半夜帶支鎗形物體在政府機構門外鬼鬼鼠鼠行到天光~

可能有人答~我家開足夠暖爐~關好窗~沖完又用風筒100%吹乾~隻雀開心到不得了~

在冬天~一隻鸚鵡辛辛苦苦在夏天儲備好的毛油~俾主人無情地沖洗晒~為的是主人一時快感~

鸚鵡整個冬天就失去某程度上保暖~

沖涼真係咁重要~>?值得冒咁大險去博~>?成功冇事就損失左鸚鵡表面毛油~失敗就睇幾千元獸醫~

鸚鵡又要辛苦~為的只是主人手感~摸落乾爽?

申請我D鸚鵡極小沖涼~極小病~我樓下隻鸚鵡一年沖12次涼~每年病6次~