louisa20047

我對你咩身份冇興趣~我只想問~你憑咩認為人地會俾鸚鵡你?
即使有咬毛問題~你都有信心同時間去照顧佢~我想請問你~你知唔知一隻咬毛鸚鵡係心理生理會有咩問題?
即使有咬毛問題~佢地係我地眼中都係寶貝~你憑咩認為我地會因為佢地咬毛而將佢地交俾你?
仲有~你知唔知唔計鸚鵡~只係買籠~買磨爪棍~買用品~買食物~咁就已經可以等於一隻鸚鵡身價?
唔係話冇錢唔俾養鸚鵡~只係平有平養(雞尾,LB,彩鳳)~貴有貴養~要量力而為~而唔係要人地幫哂你~送俾你

jojo_brilliant

請樓主三思!
明知自己能力，不宜養鸚鵡
可不等到自己有能力先養?
急不了!!!

就等於你有一萬蚊，用五千買架車，一定買到。。
但。。。保險，牌費，油費，車場費，驗車。。。可能都仲負擔到
Touch wood 撞車賠錢。。點賠?!

有經濟能力先諗興趣吧!

風中飛鸚

曾經有人送過隻凱克俾我~極可能係野生~因為惡到死~我話唔要~同佢送俾其他人就得~只可以保證唔會賣左去~
生活點就保證唔到~主人都應成~養左幾年~飛鬼走左~一對夫婦哭成淚人~自己再去買過隻凱克~

rainbowparrot

樓主雖然係學生, 如果金錢上有困難, 但真係考慮清楚照顧鸚鵡既責任, 可以同家人認真商量一下, 其實養寵物唔係壞事, 亦係學習, 減壓既一種, 甚至係發洩愛心的一個出口, 但都要體諒身邊既人, 可能佢地根本唔中意雀鳥, 可能佢地連羽粉係咩都唔知, 令佢地了解雀鳥係最好途徑, 家庭日去下雀街啦, 但唔好買住, 等佢地了解多D先, 可能會好快接受, 仲送埋俾你, 好過到時買左/領養之後唔准你養

Jas602

我係C奶, 有一隻藍黃, 好得閒成日係屋企, 有話事權養咩都得, 有經濟能力, 想領養隻LB都排隊尾~XD
中葵 凱克同錐尾我都好鐘意, 不如俾我啦~~

林林仔

其實錢都係一個幾重要的問題
無錢買雀可以搵人收養﹗
但無錢睇醫生呢？唔通到時出post 問：「學生無錢俾隻雀睇醫生, 有無c兄可以幫我找左條數？」
買隻雀要幾千蚊, 睇一睇醫生都要﹗甚至更多﹗
正所謂買雀容易養雀難﹗

樓主, 唔係想撥你冷水, 我都係養雀新人,養雀我有好多野都唔係好識﹗
但我肯定了2個前題我先決定養雀：
1. 錢﹗2. 時間﹗
你爬文爬左甘耐, 唔知你搞掂依2样野未？
先唔好講錢, 你有無時間呢？如果你要exam溫書、趕論文通頂, 边個陪隻雀边個照顧佢？

雖然話錢唔係萬能, 無錢真係萬萬不能
或者如果你真係經濟唔ok, 會唔會同屋企傾下, 如果有屋企經濟支持, 甘會好多多﹗

依家唔係話買一件玩具, 買個iphone/ipad, 過一年半載就轉款買新機﹗外加一年保養﹗
你講緊係一條生命﹗
而且分分鐘隻雀仲會長命過你, 如果無屋企人支持, 真係好難養﹗

希望樓主唔好怪我忠言逆耳啦﹗

yimaggie

最大問題係羽粉同叫聲
屋企人真係接受到??
仲有某程度上叫聲絕對會影響鄰居
日子流流長 三思而後行 到自己搵錢養活自己ge時候先養啦

fishball

有事真係有... 問題係佢地就算係咬毛唔係你話有心就解決到...

仲有佢地D 駛費都唔少... 你都係睇多D 了解多D 先...
仲有叫家人接觸多D 先, 唔係拎左返去先話敏感先死火了

drdoom

對於一個學生黎講, 無乜話事權,
到時又話大塵,又話大叫, 家人反對
有病又話無錢....

雲雀

要果d品種都幾難收養到 仲要係無經驗的