葵涌走失小達魔 - 舊日尋雀記錄 - PARROT-TREE

Rank: 1

11^# 跳轉到 »

發表於 2011-6-8 21:25 | 只看該作者

首先要多謝飛鸚幫忙發帖及好言安慰,的確令心情平伏一點
但仍很担心她捱肚餓, 無水飲, 呢幾日間唔中都有驟雨,遲些重會紅雨, 黑雨,打風,....
嬌生慣養6年多, 怎捱得過? 單是想下都已經難受死.
但她在天上飛, 我在地上走, 找到的機會能有多大呢 ?
無論如何都是我的疏忽, 窗隙開大咗少少, 慢咗掩埋的疏忽, 7年來沒有多過5次,
但卻走雀2次, 真是既自責又無奈....
7年來養了6隻, 走2隻, 死2隻, 現剩2隻, 真是果頭啱啱克服完傷痛又來第二單,
都只因為相處過程太開心幸福. 所以傷痛極極極'''金', 真係好難頂,
因此3年前死了隻女, 便說過不再買新的, 我認我懦弱, 但實在不想再面對.
就說今次, 昨天2:30pm, 發現走了"慧慧" 所有原先安排要做的事全部擱置,
好似傻婆周圍搵, 但落到街, 望向天空, 根本無從埋手, 搵到天黑收手,
心情極度沈鬱, 食不下嚥, 然後去貼街招, 到大廈派傳單....
回家見到空著的籠子, 不能釋懷,徹夜無法睡, 只等5:00am, 可以落街再搵,
搵到10:00am, 收到報料踪跡(狂喜),  昨天和今早搵的地方全錯, 扑到去報料地點,
又找不到(狂失望), 當然不放棄, 繼續搵到天黑都找不到.
回家後發覺心口曬燶, 面就微燶, 腳有水泡, 但最恐怖是到現在也毫不眼瞓.......
真的不知道她會否飛定一個範圍, 或是會周圍飛, 會否識回昨晚睡的地方睡, 係就有希望...
真希望明天有奇蹟出現, 給我找回她.
發了這麼大段勞蘇, 但這些只有同是愛鸚鵡的人才會明白.
親人朋友中沒有人養鸚鵡, 只好難為你們做聽眾了.
多謝各位的提議及祝福, 別以為我是新會員, 其實我幾乎每天上樹,
但我不熟電腦, 幾年前辦註冊時不成功, 所以一直做塘邊鵪.
在此正式同大家打個招呼,  祝大家好!
putter

TOP

mmchu