大便問題

gilgil

我隻大白黎左成星期玩得訓到但唔肯食同飲水，我每日兩餐奶加合成糧（磨碎）的比佢食，佢每次肯食一支，（十ml）之後要迫先肯食，每次食五支左右，佢d大便好奇怪，有時糊仔一篤（杰的），有時好正常一條同粒帶透明小便同白色尿酸，但今日就好水好似人肚痾咁。係咪我比水大多呢？因我見佢係籠水都唔肯飲，就喂奶時頭兩三支比較thick，之後就加多少少暖水再喂希d既糊仔兩至三支。
我每餐用七十ml水，兩至三匙奶粉同一匙合成糧粉開，正確嗎？
佢會晤會原先係一對既現在得返一隻所以唔肯食定未肯戒奶呢？比瓜子佢佢只會解體，唔食架都！
不過體重就每日重dd，無輕到，我每次一早空腹磅既，同埋佢好鐘意玩，出黎又好鐘意人成日爬上我膊頭，咬爛哂籠既木棍只係絕食…

gilgil

明白啦！我好怕我聽日個心忍唔住就帶佢走，一見佢好難冷靜…
同埋因為屋企隻蝦餃好跟我，一食完就爬上我手同身同我玩，咬我衫既繩同紐咁，又偷我眼鏡上我膊頭。但佢見我叫我隻狗就即刻唔多鐘意，都幾霸道！我怕佢已經唔記得之前同燒賣既時間喇！都時發脾氣！
d鸚鵡係咪都係小氣d！

Louis

依家屋企隻仲細, 可能的話, 儘量唔好去雀街呢d多菌既地方.

另外一隻, 聽日睇時, 花多d耐性時間, 仔細觀察精神狀態, 好奇心, 為唔為食, 食野有無困難, 便便狀況, pat pat 乾唔乾淨, 雙腳抓力等.

gilgil

明白哂啦鸚鵡博士！thx
咁我明天連蘋果都唔比佢食，咁腸胃炎要食藥係咪要同佢睇醫生？佢可能食左d木（條木棍咬到可拍斷）同埋籠底d報紙，仲有食左我件衫d線，奸都暈…超百厭！仲自己開門爬上籠頂咬野，又咬穿左籠布…糧又唔見佢咬半粒…激死！
希望個新大箱快d做起啦！明天去睇燒賣咩情況，如果好唔到又咬唔到糧係咪真係要放棄呢？如果嘴好返d但又食唔到又點好？好爭扎呀？又應承左蝦餃帶佢返黎…如果返左屋企係咪應該分開佢地一排先呢？
仲有我老公叫聽日車埋蝦餃去睇下係咪掛住佢喎！好似唔係幾好喎！

Louis

暫時呢兩日唔好餵其他野, 包括生果, 要戒口, 只係餵奶同合成糧;
如果回復正常, 即係腸胃無問題, 可能係因為食左生果, 使d便便一 pat pat;
如果戒口兩日都重係 一 pat pat, 可能有腸胃炎, 要食藥;

依家d 便便一 pat pat, 代表流失水份, 開奶反而唔好開杰d, 保持正常水量, 等身體可以補充水份.
或者開稀d, 但要餵多餐, 因為好快會消化晒, 好快再肚餓.

道理同人肚瀉, 要飲番多d水一樣.

gilgil

仲有佢d便便今日好似人類肚痾咁，成篤爛既，仲有嗅味。佢只有食人手餵既野同剛剛食左幾啖去皮蘋果，佢會唔會有病？肚痾呢？我係咪要開奶杰d少d水？定吹到風扇冷親。因佢入親籠就雙翼垂下是否熱呢？我只開微風吹會唔會都病？定比水少返d看下情況有冇變？

Louis

因為太緊張或太興奮會加速腸臟蠕動, 令便便提早排出, 所以d便便仲含有好多水份.

gilgil

未呀，我明天放假去，之前去得果日又咁岩黑雨，明早就去睇蝦餃！唔該哂同多謝你呀！
可能佢真係太興奮啦，玩唔停爬唔停架！

Louis

隻雀已然可以從奶中得到足夠飽肚(卡路里)及水份, 所以會飲少d水及食少d糧.
飲多左水, d便便都唔會一pat pat, 一 pat pat 會因食物, 心理(太緊張或太興奮), 及疾病所影響.

有無探過另一隻大白, 咀部情況點呀?