我阿媽丫..

玡敏

唉..我細家姐3個禮拜之下攞左幾隻倉鼠番黎養na,(幫人地養住sin)我阿爸又唔比啦.話好快d攞走佢地........講番正題sin啦..今日我細家姐又同我阿媽嘈架..講講下我阿媽講埋去d倉鼠度.話.:「你幾時先肯拎走d死人臭倉鼠呀!?」咁話..跟住我細家姐就出去左na~我阿媽又走左攞起個倉鼠龍(有倉鼠係度..5隻)放係出面..佢明d出面曬到死架啦..仲話:「曬死你地班臭倉鼠!」..d倉鼠都唔關事既!點解要累埋佢地喎?!臭又點呀?你山埋門唔得假?仲有,d倉鼠都有生命架!仲話要攞去掉落垃圾車度\3/咁我諗佢地死左一定番黎搵佢丫!!有一次落雨..仲張佢地放出去淋雨..係度話:「佢死佢事,你咁緊張做咩姐?!」我依家真係超嬲爆嬲勁嬲..唉...

goby

講堅...5隻倉鼠臭得去邊ar?
我都係過來人..成日黎一招先斬後奏..
你細家姐咁樣..係唔尊重你阿媽..當然你阿媽咁做都好殘忍la~
但我相信如果你細家姐之前好聲氣d同你阿媽講..我會覺得你阿媽唔會咁激
小朋友要求大人尊重..首先係自己識尊重人
比著第2 d再激d既阿媽..可能學主席所講..再有"愛心"d已經沖左出大海,等佢地(d鼠鼠)快高長大,增強佢地心肺功能~

風中飛鸚

我幾想有亞媽鬧下

funnymimi

如果用木槺墊籠, 近日天氣悶熱, 5隻倉鼠加埋啲味真係會幾勁, 我以前用木粒嗰啲貓砂, 吸臭吸濕都會好過木糠好多, 既然你家人唔喜歡, 假如勉強都仲可以留到嗰個寄養fd過嚟接返佢哋, 首要先搞好啲衞生, 望就望你家人唔會再咁反感囉~

心雨

有D木槺吸濕臭~ 其實真係唔覺臭...
除非你好耐未換~
夏天呢D熱天氣要換多D...

我媽話養鼠唔吉利....

個時養到我都唔想再養, 掉晒籠同用具~
因為好悶...日光日白就訓, 我訓佢地先出黎玩~
同人個D時間都唔岩~
夜晚佢地係咁出力玩跑轉圈, 嘈死~

[ 本帖最後由 心雨 於 2008-8-19 00:09 編輯 ]

sam

寵物唔係個個鍾意，尤其蛇、虫、鼠、蟻，更甚，家人唔接受都冇計，無謂為了這事傷家人感情

風中飛鸚

倉鼠有味,但好輕微.不過唔喜歡的人就會覺得好勁好難聞,

心雨

倉鼠其實唔係好臭...~
經常清洗同更換一d都唔臭...
雀仲臭d~

風中飛鸚

鼠的生命力驚人,又有得晒又有雨水,一定快高長大,你亞媽幾有愛心.

yuki

你媽媽咁做係激動咗D, 但係在你家姐帶倉鼠回家前,

應該先徵求家人同意喔, 我相信你哋唔會唔知家人對這些小動物的喜惡,

現在個個都滿肚火, 好難溝通, 你哋嘗試平心靜氣同媽媽解釋吓,

倉鼠只是暫幫朋友寄養, 幾時會攞番走, 無謂繼續傷害大家既關係丫...

忍一時風平浪靜, 退一步海闊天空麻..