Spencer 無端端發癲

macbrush

Spencer 今日係企架企企下，唔知乜野嚇親佢，佢無端端飛佢落地，咁我等佢行埋我處先比支棍佢上，佢都上，不過一路上一路吹氣洶我，放番佢上企架之後，半個鐘後唸住放番入籠，點知我一放支棍埋去佢就飛，咁跟住係地下唸住上棍番籠，但係每次都係一路吹氣好唔高興先上棍，上左棍我行兩步佢又飛，有兩次佢直頭唔係好肯上，一路劏豬咁大叫，我放埋D佢又上。 佢平時又無飛咁多，所以開始無力唔係點控制到，翼撞到野仲甩左共四條飛行羽，其中一條仲要有 1cm 血未生哂，好彩自然止左血。 前後玩左十次都有，最後又肯上棍比我放佢番入籠…… 而家佢好似驚支棍，我唸又有排教同令佢信番我……

king2403

其實拎支掍比佢果時試下叫下佢個名睇下佢咩反應先在叫佢上！
有時咁短時間要佢接受咁多次唔鍾意既事情我怕會影響到佢！
如果真係怕左而家果支棍的話，你都係去買過第2支吧！
我隻鸚鵡都試過驚左一樣野之後，就永遠都驚果樣野！
我未拎到埋去佢身邊，在10米8米見到已經想走定先！

macbrush

報告番，其實佢第二日基本上都無事，當佢係籠內，係一切正常，不過如果我開門佢就驚驚地，不過氹下就會無咁驚。係今日玩玩下可能以為我突然想開門，自已失足向後跌落籠底，到而家都有D慌張，我唸要佢完全忘記都要過多幾個禮拜，日日慢慢開下門訓練下咁先得。

macbrush

你講得對啊！有雀友之前睇過佢玩過，話佢以前個主人應該唔係成日放佢出籠，所以佢要慢慢習慣企係D活動既野上面，雖然都訓練左一排，我唸都未係到完全無所謂既地步，一有咩其他因素影響，佢就想搵D穩陣D既野企。

有機會係喺你隻手企唔穩
jacko_lee5811 發表於 2012-3-30 09:44

macbrush

我每日放佢出來都關窗簾，所以應該唔會係出面。 好可能係我屋企人一些動作。希望佢快D復原啦，不過佢而家都肯從我手上食野，比玩具佢都接，係呆D，同好明顯只會肯做簡單動作，我都廢事叫佢做，等佢自已冷靜D先。 因為我都知擒日佢真係好驚，叫到劏豬咁，最後我唸都係佢覺得再走都唔係辦法，又可能以經太過疲倦，先死就死上棍唔再飛睇下我會點。

四支飛行羽真係好肉赤，又有排都飛唔起……

回億一下當時環境及人物, 屋內屋外, 有冇野可以嚇親隻雀.
一般成年鳥被嚇親, 靜養三日至一星期就復原. 期間唔好騷擾隻雀, 只需要正常清潔, 加糧換水, 暫時唔好摸佢唔好上手, 等隻雀自己冷靜平復思緒後, 就會好似平時 ...
Louis 發表於 2012-3-30 08:30

jacko_lee5811

有機會係喺你隻手企唔穩

macbrush

其實佢係完全唔驚我，而家發惡都只會淘我唔咬我。 不過之前佢唔係咁鐘意企手，所以我比支棍佢，咁佢接受就無再攪。 但係唸下，佢擒日好似有一次自已係支棍想行上我隻手，不過行到一半飛左去咁解，可能都係時間唔要支棍。

你可以用手隔住個籠比d佢鐘意食嘅食物, 同比玩具佢玩, 等佢無咁驚你隻手!
jennymok 發表於 2012-3-29 23:18

Louis

回億一下當時環境及人物, 屋內屋外, 有冇野可以嚇親隻雀.
一般成年鳥被嚇親, 靜養三日至一星期就復原. 期間唔好騷擾隻雀, 只需要正常清潔, 加糧換水, 暫時唔好摸佢唔好上手, 等隻雀自己冷靜平復思緒後, 就會好似平時講番野, 主動索食及撩人玩.

jennymok

你可以用手隔住個籠比d佢鐘意食嘅食物, 同比玩具佢玩, 等佢無咁驚你隻手!

wingbut

哦！咁你要比多D時間佢先得了。轉左主人比較要用多些時間呢！加油---------------不過多D用手會親切D快D建立感情！

macbrush

收養左佢三個月

吓！三歲你養左咁耐都無上手？
wingbut 發表於 2012-3-29 22:49

wingbut

吓！三歲你養左咁耐都無上手？

macbrush

  係灰鸚 快3歲

灰鸚？----------幾大？
wingbut 發表於 2012-3-29 22:44

macbrush

等佢冷靜完過兩日試下

我隻qq都有一段時間怕左支棍！對我隻手就多左信任，我無用棍大半年囉。系頭兩個月用棍，當佢怕左支棍後就再無用了。你試下用手喇！可能會有意想不到的效果呢！
wingbut 發表於 2012-3-29 22:35

wingbut

灰鸚？----------幾大？

macbrush

佢唔係好鐘意上手，上棍都攪左好耐，希望唔好真係怕左支棍。 佢而家自已係籠，落哂布冷靜緊，不過我聽到佢爬來爬去。

wingbut

我隻qq都有一段時間怕左支棍！對我隻手就多左信任，我無用棍大半年囉。系頭兩個月用棍，當佢怕左支棍後就再無用了。你試下用手喇！可能會有意想不到的效果呢！

tsw

佢怕咗棍

yimaggie

俾佢冷靜下