有關玫瑰葵花飲食餐單&飲奶問題。。

HEYPAY4

我隻玫瑰四、五個月大。。識自己食糧，日食兩餐奶、每次10ML，因為店員話所謂嘅斷奶、只不過係啲人懶，話如果隻雀仲肯食奶嘅話，就應該每日都俾少少佢食、咁樣會強壯啲，老闆仲話佢有啲十多歲鸚鵡都仲日日食奶當補充劑。其實有冇根據？有冇咁嘅需要？佢話佢賣果啲雀只要仲識食奶、就算識自己食糧、都會堅持日餵兩次。佢話最緊要就份量唔好多，寧願稀都唔好濃，同埋要佢自願開咀食、佢唔開咀就唔好迫、食少餐。我驚食太多奶玫瑰會過肥，大家有冇邊隻低脂配方合成糧好推薦啱玫瑰食？？

HEYPAY4

主席。九歲？

風中飛鸚

你D鸚鵡食到九歲~都可以俾支針筒餵下~好處係:

有些雀友帶鸚鵡睇醫生~藥要食0.1ML~滴落水兜~隻雀都唔知食左幾多~?用針筒餵佢~又唔肯食~

shadow

等我補充下啦；
其實louisa意思唔系話斷奶斷到乾乾淨淨（滴奶不沾的情度），只不過喺講因為玫瑰比較容易肥，唔洗日日食咁頻密。始終過肥對身體有負擔，影響身體健康。

我阿折仔三歲大啦，每個月都保持有一餐奶（唔得閒就2-3個月有一餐）。我喂呢半餐奶，其實喺同阿折互動增加信任度。等距重溫起細個吃奶的回憶。希望記得吃奶呢個行為，方便以後萬一有病的時候方便喂藥。

HEYPAY4

鸚鵡奶高蛋白高脂肪，大左長期餵=謀殺，尤其係玫瑰如此易肥的品種
louisa20047 發表於 2013-1-28 15:43

咁大單，咁請問應該幾時完全唔俾佢飲奶好？因為我果隻幾個月大咋。應該合成糧作主食，種子糧、新鮮蔬果當零食？

louisa20047

餵熱野~小心溫度唔好高過40度(我自己餵的上限)~太高溫會燙穿素囊

louisa20047

奶粉唔可以做長糧~我以前用奶粉(特別用途)~每日少少~一隻本身四五百克重的葵花~就算跑足一個月+冇食種子~一個月後都重左幾十克~咁試想下~如果長期食鸚鵡奶粉~隻雀仲唔肥死(真係肥到病死)
如果你想做下"鸚母"~與其用鸚鵡奶~不如將鸚鵡糧打粉開糊(其實我唔建議俾鸚鵡食粉)~又或者直接餵溫水
至於合成糧方面~唔好俾高蛋白質/高脂肪/高營養......之類的糧~用普通糧~唔好食咁多種子零食~俾多D健康生果蔬菜

louisa20047

鸚鵡奶高蛋白高脂肪，大左長期餵=謀殺，尤其係玫瑰如此易肥的品種