彩鳯受傷了，點算？

fongfongclara

想請教大家。我的細種彩鳯蕊仔（四歲）被同住的鳥咬傷左腳，帶了她去大圍睇獸醫,開了抗生素及消炎藥,已經服了六天,仲有一天就夠七日藥了,當然獸醫之前叫我再帶她覆診,不過我應該未必會帶蕊仔睇醫生了,因為獸醫說過要住院,麻醉,X-ray ,手術,而我知價格要三幾萬才能夠醫,但蕊仔太細我唔想佢做這些麻醉,同埋醫藥費太昂貴了,⋯⋯⋯ 而本身蕊仔亦有咬毛情況而化驗了所有亦沒異常,獸醫估計是缺鈣及發情期及情緒病,我已盡力買了很多很多營養及補充品,護理品及玩具,
蕊仔服用以下藥：Amoxyclav , Enrofloxacin ,Meloxicam
蕊仔現在情況:腳合不到,放不到地,只輕借力放紙巾上借力
傷口:受傷的腳沒有瘀黑, 四趾沒有變黑,見腳腕的傷囗已合,結焦,
狀態:食量,便便正常
環境:行街箱平放,沒有企棍,企布及廚房紙上,放進房間25度以上,24小時暖風機,暖胆,放濕器,
想請教大家以下問題:
1.蕊仔七日後應否停藥?
2.蕊仔日後的獨腳生活有什麼要注意呢?例如籠有沒有特別給受傷鳥呢?(除了和其他鳥分隔,拆企棍,保溫外）
3.會唔會有另類醫治方法呢?

謝謝大家

風中飛鸚

放心~吉人天相~

fongfongclara

感謝大家,蕊仔的腳終於可企,不過當我放佢入鐵籠才知道她的腳合不到,仔細看,現在佢爬上下傷的腳因合不到所以好容易kick到.於是依然在行街箱生活.
現在剛2星期,希望可以有進展
感謝大家

wongleung

祝早日康復

Louis

回復 3# fongfongclara

普通皮外傷, 一般傷口兩星期已經癒合. 以我個人經驗, 彩鳳/雞尾/愛情鳥被咬斷腳趾, 三至四星期傷口已經完全癒合唔痛, 兼且行動自如.

風中飛鸚

你留意下野生白鴿~好多都打交斷腳~佢地點生存?都冇睇獸醫~

你只要保持到佢食到野~飲到水~佢自然會有辦法生存~

fongfongclara

Louis 兄,好多謝你,明白! 好感謝
1.佢開左好多藥我,因每次只用0.1-0.6ml,所以剩下好多,咁我再餵多四天,共十天先
2.她活動能力:要單獨腳企,行,因現在沒有放她在鐵籠,在棉布上彈彈下,還是未放到腳落黎,我都好擔心,
不過蕊仔好堅強,希望佢會撐過,!
食野OK,但少飲水(以前都飲得少)可能加上有藥水佢更唔飲.
而我會全部降落底,不過應該什麼時候比佢回籠好呢?大約兩星期傷囗合了應該可以了嗎?

Louis

1. 你先 check 下醫生開既藥, 食完七日後仲剩幾多, 如果剩一兩日份量, 就食埋去, 對健康唔會有影響, 無謂剩少少浪費. Amoxyclav 與 Enrofloxacin 均為抗生素, Meloxicam 係消炎消腫止痛藥, 七日後可停.

2. 日後如果選擇單獨飼養, 最好用獨立籠, 唔好用孖籠. 因為有機會被其他雀咬住腳趾唔放, 難以逃脫.
受傷後已經過了六日, 你應該觀察到隻雀, 活動能力有否困難. 例如, 爬行, 跳躍, 飛行, 飛撲, 踱步, 進食, 飲水等, 如發現活動能力有困難, 一般做法係降低企棍, 降低糧杯及水杯, 使其容易取食及上企棍休息. 如沒任何活動困難, 一切可以依舊.
因為康復期間傷口可能做成痕癢, 留意有冇出現咬傷口問題.