請問有沒有師兄是住居屋養鸚鵡?

primera

我自已很想試訓練養鸚鵡，現在考瀘愛情鸚鵡或雞尾，有什麼種類合適新手?
我已search 了很多養鸚鵡的壞處，自己已諗好清楚，應該不是大問題，最大問題係怕隔離屋會投訴!
謝給意見!

louisa20047

宜家D人就係唔再識咩叫自省~當佢地自己夜夜狂歡嘈到其他人無得瞓時~就只會怪責野鳥係早上嗚叫而令佢地無得瞓

包容已經係上世紀的事~所以愈來愈多人可以因為自己隻寵物唔係神級而遺棄~愈來愈多人用動物權益做旗號......

十幾年之前~鸚鵡叫狗吠鳥鳴~鄰居間自己溝通溝通/大家包容下就冇事~反正你寵物會嘈時~我仔都會喊~宜家?有幾多鄰居直頭想逼人遺棄/殺左人地隻寵物?

macbrush

有時要睇埋環境時間。 我有個朋友係市區養兩隻葵花，日日狂叫，不過本身咐近都好嘈，從來無人投訴。 我住村屋，咐近比較靜，夏天無問題，因為多數人開冷氣關窗，夏天又咐近日夜都有雀仔聲同蟲聲。 但係冬天就唔同，咐近無哂雀仔聲同蟲聲，只要我日間開一日窗隻迷金叫過幾聲，就即刻會比人投訴。

jennymok

好鄰居真係好緊要, 肯包容已好好! 幸好我鄰居係澳洲人, 聽慣鸚鵡叫

primera

多謝風中飛鸚回答我地依D新人的問題, 我沒搵錯人facebook, 哈哈!! 已加入你，希望搵到隻自家繁殖健康的!
我唔急養的心態去搵雀，因為越遲搵到理論想越有更多的時間去做research，也明白越荷護一樣野就越容易出事，包括人或物件。

風中飛鸚

我養左幾十年動物~真係市面上任何一種存在寵物物種都養過~我發覺一個共通點~
起初越珍惜~越小心~越易死~相反平常心對待~做足生存需求~養死就算~反而養極唔死~
我家的鸚鵡主糧是老鼠藥(講笑)主糧是最普通~只是每晚有生果~果仁就過年過節先有一粒~
主糧仲要得七成飽~鸚鵡從未飽餐~有朋友見到我D鸚鵡~見到合成糧好高興~想盡辦法求一粒合成耀~覺得好慘~其實雀鳥本身唔應該食太飽~保持餓肚對身體有極好好處~(好多人反對)
因為雀鳥(唔單止講鸚鵡)唔同養哺乳動物~例如貓狗~腸胃同人類相似~主人就以自己感覺去衡量雀仔~
長期飽肚易病~係鐵一般事實~保持輕微餓的感覺~對雀鳥有好處~
天生野外雀鳥要不停覓食~小食多餐~必定有原因~所以我又未至於餓死佢~只係每餐份量剛剛好~唔會有多餘~鸚鵡要好好珍惜食物~另外水源反而好重要~我咁懶都不停換水~有好水質對鸚鵡也非常重要~
我們家中鸚鵡失去飛行呢種消耗能量大既運動~仲餵咁飽即係想佢死~

風中飛鸚

1所有人都會經過新手階段~問題重複在所難免~我地長期在這裡~就會出現同一的標題~不斷回答~希望幫到新手養鸚鵡的人~是我們建立目的~
2你搵到大隻佬~唔話肥佬~証明有前途~好有口德~
3我在FACEBOOK內~成日見到D人自己繁殖到雞尾~賣幾百元隻~人手餵大~覺得好抵~(我真係完全唔識呢班人~也不是鼓勵大家去買)只係研究下~
4點解我隻雀講到咁易養~我分享下~不過字太多~下一板再打~

st.donjuan

我也是新手,住新界村屋

gadgeteer

又唔使咁火，我知有好多香港唔用腦，唔做research等。我自己小時候其實都養過下雀仔，相思、桂林相思 ...
primera 發表於 26-10-2015 19:56

唉，見你幾好口，我又講多啲。

你問我，首先，唔係錢問題，係緣份問題。買鸚鵡好講緣份，千其唔好心急，今日睇唔中，下個月買都無問題，唔好為買而買，行多幾間，睇多啲，用多啲時間相處先買。

如果自己知道經驗唔夠，唔好買幼雀。其實買兩、三歲大嘅鸚鵡都無問題。鸚鵡可以有幾十歲命，兩三歲都係好細個嫁咋！唔明點解香港人，係都要買兩個月大嗰啲。養鸚鵡最緊要係耐性同心機，不知有幾多例子，十幾歲大鸚鵡轉主人，一樣可以痴新主人。買兩個月大，風險好大，你養咗一隻，有經驗的話，再買第二隻細嘅都未遲，唔一定第一隻就咁細。

最後，一定要買暖燈，你揀呢個時候買，好快冬天，買定看門口包無錯。買多個 UV 燈膽替換，夜晚暖燈，日頭就曬 UV。

LIONYIU

中哂point..............

primera

又係呢啲問題，我見親就火滾  

問題係，點買六合彩至中頭獎？小朋友去邊間學校讀書至考第 ...
gadgeteer 發表於 2015-10-26 11:06

又唔使咁火，我知有好多香港唔用腦，唔做research等。我自己小時候其實都養過下雀仔，相思、桂林相思、了哥、海南了哥、石燕、朱屎喳等等...但就從未養過鸚鵡。所以只係想問清楚，我唔介意俾貴小小買隻健健康康的，買左返來唔聽話咪慢慢教!依個世界唔會包生仔吧!!謝謝各位師兄大佬關照~~

我亦搵過風中飛鸚的facebook，我見到個大隻佬，希望沒有搵錯人~ 哈哈哈!

gwensoo

回復 31# Louis


原來如此, 明白晒, THANKS!

Louis

唉, 又有故障, 唔俾講~~
gwensoo 發表於 2015-10-26 10:27

    由於系統舊, 未能支援特別香港口語字, 例如:"口既", "口甘", 當顯示到呢字, 就會出現中斷情況, 敬請見諒.

gwensoo

回復 29# gadgeteer


所以咪要多D有經驗既師兄教下大家囉, 我都係爬過文, 考慮好自己既情況, 至敢養鸚鵡. 但就算爬過文都未必符合實際情況, 有時都會高估咗自己既能力(包括對鸚鵡尖叫同周圍搞破壞既容忍力), 總之, 我地D新人都係一邊養一邊學, 最重要就係真心對待自己隻雀, 唔好當佢地係玩具.

gadgeteer

啱，問題係香港人好奇怪，買鸚鵡，往往唔識養，但又要買得兩個月大嗰啲，跟手問人點解有問題，明明舖頭見到時唔係咁樣，等等，千篇一律。

養兩日，見隻鸚鵡唔採人，又唔肯出籠，就用樹枝引佢，用手捉佢出黎。隻雀驚到震，然後上黎呢度問點解....無奈....

gwensoo

回復 26# gadgeteer


師兄, 又唔駛咁火滾既. 我明白你既感受, 但係, 你亦要明白, 養鸚鵡係一生一世, 點都希望揀到隻痴自己既雀, 健健康康快高長大. 你知啦, 鸚鵡睇一次醫生輕則幾百, 貴則幾千幾萬, 無人想揀到隻病雀, 一來傷荷包, 二來傷感情, 而且成日要為隻雀既健康擔憂, 個人都會神經衰弱既. 又如果, 隻雀好健康, 但就超級驚人, 咁呢十幾廿年....只可以當佢係觀賞鳥, 既苦咗隻雀, 又令個飼主好失落, 何苦呢?

gadgeteer

我三十幾年前康樂街(即雀街)買左隻雞尾~養左好多年~無用籠~無用架~無剪翼~無窗花~打開窗~只用一個籠的底 ...
風中飛鸚 發表於 26-10-2015 10:43

鸚哥你就係成日咁講，搞到個個以為養親鸚鵡就好容易，隻隻痴人，隻隻識玩雜技，隻隻識講嘢，隻隻都唔會飛走，隻隻都長命百歲.....

gadgeteer

真的很多謝大家的所有意見及見意，我已大約知點處理。現在的問題只是可以在哪裡買到一隻健康不怕人的雞尾？
primera 發表於 26-10-2015 09:19

又係呢啲問題，我見親就火滾

問題係，點買六合彩至中頭獎？小朋友去邊間學校讀書至考第一？做份咩工至可以發達？

風中飛鸚

其實雀街既雀都有唔怕人既, 前排一位雀友係雀街買咗隻雞尾返屋企, 極之好彩, 隻雞尾竟然唔怕人, 一返 ...
gwensoo 發表於 2015-10-26 10:22

我三十幾年前康樂街(即雀街)買左隻雞尾~養左好多年~無用籠~無用架~無剪翼~無窗花~打開窗~只用一個籠的底屎盤~放間木屋在上面~完全自出自入~從未出事~

gwensoo

唉, 又有故障, 唔俾講~~