請問想到澳門一天遊,有無好介紹

芳姨

呢幾日得閒,有朋友放假,想到澳門玩下,吃下,順便同何生攞多少使用,請問各位有冇好介紹呢?唔該晒.

芳姨

好多謝你們的介紹呢,昨晚回來了,不過都冇時間吃齊你們介紹的好食野,(因為要去賭場),只去過官也街,因我們太早到,盛昌飯店12点前還未開門,只好到對面嗰間,吃了水蟹粥,雞煲翅,生炒骨,雞呀,菜呀等,四個人$560元,不過雞煲翅就麻麻地好食,$298元一個中煲.

小灰

如果夜晚你想食宵夜的話....
三盞燈絕對是一個好選擇....
有很大隻蝦的雲吞麵...   還有一間阿伯蛋茶的.....
但這些你要去到再問人在哪啊... 沒地址....
但應該個個人都識的...  @@" ....

煙花

原帖由 芳姨 於 2009-3-11 00:41 發表
唔該晒你們呀,羸左帶手信給你們,+:三八萌=

買豬肉乾果d,可以去間叫冠環球試下,係十月初五街果頭,我覺得佢好食過鉅記,咀香園果d

煙花

原帖由 小灰 於 2009-3-11 00:37 發表
煙花你冇講雞蛋仔果間野....

因為我唔記得果條街叫咩名

小灰

雞蛋仔果間野....
起新馬路 the body shop 對面有條長斜路 (斜上)....
上到最高... 再直落...  落到八八九九會有間街邊的雞蛋仔舖...(不定時開舖)
佢 D 雞蛋仔 & 格仔餅 都係 5 蚊, 但係好好食....

又或者你可以去完瑪加烈 之後.... 出返黎(不是葡京方向)... 會見到匯豐銀行.....
就是匯豐銀行旁的那條街... 條街有間 ok 的....

芳姨

唔該晒你們呀,羸左帶手信給你們,+:三八萌=

小灰

煙花你冇講雞蛋仔果間野....

芳姨

原帖由 煙花 於 2009-3-11 00:28 發表
希望仲睇到未訓啦

剛剛準備上床,明天一早出發,麻煩晒你呀,thank you!good nigh.

小灰

葡國菜<---除左蕃茄屋....
水坑尾(水坑尾都在新馬路附近)果邊有間叫坤記ge葡式餐廳(國美附近的), 我同屋企人去過食, 雖然係幾重味精, 但係真係幾好食, 而且都唔算好貴 @@
另外... 新馬路果邊有間叫佛笑樓 地址:澳門福隆新街64號 (即係紅窗門), 雖然我冇食過, 但係我D朋友成日都話果間野好食。

如果唔介意食貴 D .... 九如坊葡國餐廳 <--- 聽講都唔錯 ga~ 聞說前澳督府大廚 都係入面做~  但係真係貴左少少... 你預一百蚊一個菜啦~~~ 我冇食過 (因為太貴)... 但係我朋友食過都話好食....

煙花

原帖由 芳姨 於 2009-3-11 00:33 發表
嘩!煙花果然係澳門通,咁多資料,唔該晒呀,咁多好野食, 不過都唔知有冇時間吃齊,多謝你呀.辛苦晒.

其實澳門仲有好多好野食,但唔知芳姨鐘意食咩,所以唔知點介紹好

芳姨

嘩!煙花果然係澳門通,咁多資料,唔該晒呀,咁多好野食, 不過都唔知有冇時間吃齊,多謝你呀.辛苦晒.

煙花

希望仲睇到未訓啦

煙花

原帖由 芳姨 於 2009-3-10 23:45 發表
是呀,約好左明天一早出發,四個人去,食下玩下.

祝你好運~~

有空可以試下瑪嘉烈蛋撻店,幾出名,不過7蚊一隻葡撻,都唔平,但去到澳門又點可以唔試下
佢係近葡京都有分店,唔洗特登去路環咁遠

地址 :新馬路馬統領街金利來大廈17B地舖
----------------------------------------------------------------------------------------------
你話豬扒包方面,我其實唔覺邊度特別好食,總之唔好去氹仔o既大利來....有骨又貴,又要排隊,又乾......

同埋有時你係旅遊區行行下會見到有個伯伯賣麥芽糖餅,可以試下,幾好食架,又唔痴牙,都係2蚊雞.....

仲有就緊係近大三巴o既台灣帝鈞碳烤胡椒餅同潘榮記,第一間唔洗講係食胡椒餅,去台灣必食,難得澳門都有,可以食下
而潘榮記就係食蛋餅,仲要係減蛋金錢餅
蛋餅點減蛋法?其實佢係用全蛋黃做,無蛋白,所以特別香,仲要用炭火整,四個人買10蚊,一人幾塊食下

潘榮記
新馬路大砲台街1號B地下
---------------------------------------------------------------------------
仲有都係近返新馬路o既頤德行(李康記),間野除左豆花同豆漿係無野賣o既
呢間野勁呀...... ,首先唔好講味道......係一條橫街入面居然有檔野要排隊,呢樣都唔緊要.........,最緊要係我下午2點幾3點果陣去到排,排左15分鐘左右啦........,卒之有位到我地入去,5蚊一碗唔貴呀,但想叫個熱豆花....果陣......,佢就話"賣曬,凍熱頭漿都賣曬,得返凍豆花要唔要?

緊係要啦,排咁耐唔要仲得了.......,不過佢除左加糖水之後,仲會加入花奶,我第一次食豆花會加花奶~
卒之等到佢扲黎啦,真係名不虛傳,個面波平如鏡!d 豆花又白又滑,花奶仲可以帶返出小小豆味,5蚊碗真係要黎試下
不過記得早d 黎,因為當我地未食完果陣,佢已經賣光光........雪櫃d關掉,老闆係度埋緊數,一日係咁多碗就咁多碗,賣曬就無,唔理係幾點......所以有興趣就早d 去啦

不過人人都話無豆味,我都有同意,不過都幾好食呀
地址 :                 新馬路新埗頭街19號D地下

[ 本帖最後由 煙花 於 2009-3-11 00:19 編輯 ]

芳姨

是呀,約好左明天一早出發,四個人去,食下玩下.

煙花

原帖由 芳姨 於 2009-3-10 23:19 發表
麻煩晒煙花,明天準備出發,希望羸多啲吃雞鮑翅,

明天出發嗎

芳姨

麻煩晒煙花,明天準備出發,希望羸多啲吃雞鮑翅,

煙花

原帖由 芳姨 於 2009-3-9 22:26 發表

唔該晒,的確好介紹,不過唔知識唔識去呢.

澳門好細姐.....問下就識
等我又整理下有咩小食好食先

mong2009

路在口邊,有禮問人就得.
我係新手^^

芳姨

原帖由 車輪手 於 2009-3-8 23:22 發表
上網睇反今晚tvb食神

唔該晒,的確好介紹,不過唔知識唔識去呢.