開寵物店問題~請大家俾d意見

Mitchell

小妹2月開始失業 ...
想問下大家覺得係藍田匯景商場開間寵物店有冇得做
只賣LB, 雞尾和倉"su" , 小動物用品, 小量雀栗+合成糧
商場背景: 鄰近中產多, 但冇學校....人流不多 鋪租先不說但我覺得ok...
對象:小朋友+主婦 當然我會睇人來賣la...
鋪位: 旁邊係美容院, 地產鋪 + 一間荼餐廳, 放工時間人流不多

mmchu

問心講句，我唔睇好lor！

我老闆之前響灣仔開左間舖頭賣魚，
佢賣淡水魚仔，即係波子呀，孔雀個d咁，
兼賣埋魚缸呀，用品個d，
講真，成個灣仔個條街得佢一間係賣魚，
但係佢盤生意真係蝕到"pk"，
每個月賺返黎都唔夠蝕，
捱左三年蝕左三四十萬，
所以咪以為"獨巿"就有著數，
老實講，如果我雀仔野要買，
我寧願撘幾蚊車出旺角買，
起碼多d選擇兼又多d野睇…

B18

我都唔係柴你台...不過妳賣d下價雀..仲要睇人黎賣....仲有果d野比你賺晒都唔知圍唔圍到皮....同埋就算開頭比你日日賣到雀..又可以keep到幾多日可以日日賣到?(係怕無生客,易飽和)...雀雀又比較少事後服務(eg.好似貓狗沖涼美容果d野),如淨做你話果d可能比較吃力...我覺得如果要做就+埋賣d小精品,or可以加幾行箱箱(做埋箱箱鋪),幫補下都好~~~~
祝你成功,鴻圖大展
以上只係個人意見,不喜勿怒,歡迎任插

Mitchell

多謝大家意見, 我其實都知好難賺到錢, 不過又見到好似獨市有得諗至諗下

楚峰

匯景個場...我個人覺得就死死地...

如果純為興趣...就冇辦法...要賺錢既話...而家做細舖賣細雀應該蝕死...

duncan

商場可能唔比賣雀,請查清楚,唔係就慘喇！

pinko

如有獨市概念,不如開在離雀街較遠的大市鎮好過喇(如將軍澳、
天水圍)但雀牌易取嗎???

hoysiu

以下純粹個人意見, 唔係想柴台
1) 以買家o既角度出發, 買雀的話, 我會出去多雀店o既地方, 多o的野睇, 多o的選擇, 唔會特登走去藍田得一間有得買. 即是說, 你o既客源, 幾乎只有藍田一區.
2) 開一間餐廳, 你覺得多野食揀o既會多客o的, 定係淨係得幾味菜o既餐廳賺錢o的 ?
3) 多樣化給引顧客, 客人唔買都會入黎睇下, 如果得 幾款野, 最多入去睇一次, 都唔會再入去睇, 因為覺得無野睇. 如果係好多野睇, 你睇完都會話比人知o個度有好多野睇, 如果無野睇, 你會叫個 fd 去雀街.
4) 再換個角度看, 養貓狗o既人比養鸚鵡o既人多, 點解o個度無人開貓狗店 ?
5) 起o係o個o的商場仲會賺錢o既係乜舖 ? 都係日常所需, o的人貪近o既舖. 例如 超市, 診所, 食市.

如果真係想開舖, 要諗清楚o的. 加油 ~~

sesese

做牲口生意, 太有良心既話好難賺錢~

Cozzy

做牲口生意, 太有良心既話好難賺錢~
sesese 發表於 2010-1-2 16:34

所以有好多無良開寵物

楚峰

如有獨市概念,不如開在離雀街較遠的大市鎮好過喇(如將軍澳、
天水圍)但雀牌易取嗎???
pinko 發表於 2010-1-2 12:12

講得岩...要開我覺得選新界區...
而家都成日有人問除左九龍同香港...新界有冇賣雀既舖頭...
真係太少...

Kathy

10# Cozzy

或者掉返轉講~
開頭個個都雄心壯志開寵物店都係鐘意寵物~
最後頂唔住都要向現實低頭做一個無良商人~

風中飛鸚

e方面我係專家中的專家~
1商場店舖未必能做寵物生意~(好多商場都會注明~)
2寵物生意有分專做本區及遊客生意.(遊客意思不是指外地到港的人~是指出街行下行下~想搵野買既人)
3做本區生意就要選擇位置明顯~不能去到死角位置~
4做遊客生意就要到旺區~在旺區邊皮都可以~不過旺區租金貴~一落場就要博命~
以你性格就不能到旺區~因為壓力也相對大好多~

如果以我專家身份講一句~要睇你心態~是買花帶定養家~是完全唔同~

點解咁牙察話自己係專家中專家~因為每日接觸創業的人~最快倒閉的紀錄~是鱟地方的餅店~
1號開業9號結業~裝修15日~頭尾唔夠1個月~即是裝修時間比經營長~
當店主到我公司做招牌~我已經宛轉提過~不過我做生意~人家唔死就我死~冇辦法啦~

所以在那區做那一行業~現時那一行業最有得做~我最清楚~

各行都有高低潮~今年美容大旺,出年補習大旺~年年在轉,我最清楚~

Cozzy

主席開補習係咪好d??

風中飛鸚

補習又再複雜d~

先講簡單(區域小型補習社~以小學為主)~是比較穩健行業~只要不太離譜~租金不是太誇張~好小倒閉~

但補習社選址好緊要~不是近學校一定好~要交通方便~

風中飛鸚

寵物店/食物館/都會受到政府唔同部門監管,要先清楚法例所需要留意地方,
想成功先要了解市場,理想同事實未必相同,要進一步了解市場,先向同行了解,
如果有問題,歡迎你打電話俾我,
邊個地點做乜野生意會發達我唔知,邊個地點做乜野生意唔得,我就可以俾d意見你參考,

風中飛鸚

今年食物店狂開業也狂倒閉,好簡單証明市度又開始轉向,
如果市場暢旺,開既行業會五花八門,唔會側向一個行業,
整體市場是不停在轉圈,有定律的,只要把握到時間,跳上跳落,就好易搵錢,(但跌死居多)
我做的行業就站在最前,往往睇得太清楚,
舉例:當我見到要跌市,因為見先一步,所以市面反而歌舞昇平,國泰民安,同人講就跌市都俾人笑到面黃.
到市場要起飛,四維叫人出黎啦,又俾人笑,

HC928

今年食物店狂開業也狂倒閉,好簡單証明市度又開始轉向,
如果市場暢旺,開既行業會五花八門,唔會側向一個行業,
整體市場是不停在轉圈,有定律的,只要把握到時間,跳上跳落,就好易搵錢,(但跌死居多)
我做的行業就站在最 ...
風中飛鸚 發表於 2010-1-4 12:26

好有 "眾人皆醉我獨醒"的味道，好有同感 ! !

好似而家人人都話海嘯危機已過，其實，危機四伏就真，2011年的經濟會向下滑，2012年的經濟會大崩潰，樓價會跌四成，又有幾多專家肯講呢 ? 而家仲出緊2012到期的掛鉤PRODUCT，邊有公司會踢爆呢 ?

我阿SIR講過，係香港千萬不要做生意，D 鋪租貴到不合理，又成日加租，30萬要好耐才儲到，但會好快蝕哂，有錢就投資去做生意好叻的公司的股票度，起碼仲有息收，又唔使勞心勞力.

風中飛鸚

好像現在的樓市表面似是穩步向上,但支持力其實好唔尋常~比以往古怪~咁就唔係咁健康啦.現在正是買又死唔買又死既時間~現在唔買就短期內都唔可以買啦~

Cozzy

好像現在的樓市表面似是穩步向上,但支持力其實好唔尋常~比以往古怪~咁就唔係咁健康啦.現在正是買又死唔買又死既時間~現在唔買就短期內都唔可以買啦~
風中飛鸚 發表於 2010-1-4 23:17

中國人係好鍾意炒樓的,有中國人的地方就有貴樓...