本帖最後由 小草妹 於 2011-7-1 18:22 編輯
終於頂唔住無得用photoshop嘅日子 為了讓我親愛的photoshop得到重生嘅機會 我終於下定決心執好係電腦的過萬幅鸚鵡相比d生存空間佢 ~
2010年 9月11日 - 偶遇
上足鸚鵡樹年幾有多 . 終於決定養鸚鵡 原本只係想買隻雞尾仔返屋企 , 偶遇呢隻太陽鸚鵡仔 , 係明知太陽鸚鵡是會極吵的情况下 , 不理後果買了回家 ( 新手請不要學 反面教材 )
記得果日仲撞見到飛鸚買鸚鵡奶粉 , 佢問能叔我手中拎住嘅係咩鸚鵡 , 他說 : 黃太陽呀 !
主席即時用個極驚訝眼神望住我 , 用眼神向我表達佢極希望我千期唔可以放棄 , 勉勵我要撐足30年 , 到呢刻我都仲記得 ... 宜家我好肯定答到你 : 我撐得住 !!!
Happy細個好瘦 得92g , 初時對佢好感唔大 , 又日嘈夜嘈 , 不過當時又係我決定帶佢返屋企 , 承諾過要撐落去 , 所以話比自己聽 : 唔可以唔要佢
偷偷講比大家聽該時我完全覺得佢一d都唔靚 , 甚至覺得佢好似隻禿鷹 , 又唔理人唔同人玩
 
直至有一日 , 佢鬆起晒d毛變波波 , 我突然驚覺 : 原來太陽bb都可以好可愛架喎!!! 漸漸有返好感
2010年11月17日 Happy第一次出街 ~ 係去海濱公園
   
一年前係鸚鵡樹見到成班太陽主人玩得好開心 , 估唔到一年後 , 竟然可以正識認識呢左好青春好美麗又好鐘意搞笑嘅Nike 媽 ~
2010年11月20日 - Happy Sony Nike 第一次一齊玩 , 係海濱公園
  
2010年12月5日 - Happy第一次同好大班朋友齊一齊出黎玩 (就係咁見一見就大獲)
到有機會識到玫瑰葵花仔豆豆 , 仲加個唔舒服到死下死下 , 被我感到佢下秒會碌底咁滯 , 又唔知點解仲會堅持黎玩Nike媽
2011年1月22日 第三次見Nike媽 ~~
  
2011年2月22日 , 首年有Happy陪同食團年飯 , 過第一個新年
   
時日嘅過去 , 見證住Happy慢慢由好bb樣 , 輕飄飄得果92g , 成身綠毛
  
變到宜家變肥妹仔 , 有 102 g , 仲成身橙黃色毛 , 由身體好差 , 變到身體健康好活潑
由 2011年 2月 12 日 甩換第一條剪半飛行羽 , 變到宜家成對翼齊晒 , 可以周圍飛
因為9月11日偶遇Happy , 令我遇上非常青春美麗漂亮嘅Nikeeeeeeeee媽 , 慢慢仲變左個成日過黎痴飲痴食 , 又比我去痴佢飲痴佢食 , 會比我我蝦 , 肯聽我講笑聽我訴苦嘅家姐 , 會肯好似親妹關心我 , 肯花時間聽我講心事 , 雖然大家相處過程可以講係有笑又淚 , 有傷有悲 , 看似好簡單但其實又好似複雜 但相信只要堅持落去 , 一定總有一日會見到彩虹 ~~~
 
有Happy Echo Sony Nike 仲有n咁多隻鸚鵡陪過生日 , 真幸福
唔知幾時 , 踏入夏天 , Happy第一次沖涼
因為受Sony Nike 幸福影響 , 2010年 12月25日 , Happy 失去了自由身 , 從此多個 " 老婆 " (該時未驗DNA , 未知Happy 竟然係女) , 因為是聖誕日 , 取名為 " Angel " 意義像神的天使般帶給我們喜訊和愛
未斷奶奶b一隻 , 極痴人 , 極可愛
極愛齊訓心口
正式同居 , happy很照顧細妹
  
2011年1月2日 , 小天使歸家差不多2星期 , 我和家人出了這2星期第一次街 , 只是短短3小時 , 想不到我就這樣失去了我的女 , 幸好那晚還有個極傻家姐陪我過 , 還為我開心點 , 說是她錯 , 說是她提議讓Angel 住大籠的是她 , 冒著我會怪她 , 以後不理她的後果 , 將這次意外說成全是她錯 , 很感動
2011年2月26日 - 心還很痛但很怕Happy悶 , 膽粗粗嘗試幫牠配隻珍達女 (未驗DNA未知Echo原來是仔)
Echo名字來自戲名Echoes of the rainbow , 寓意是Angel 在彩虹橋帶給我的禮物 , 若果不是牠因意外離開 , 我和Echo就根本不會遇上 .
2011年3月5日 - Happy Echo first touch ~ Happy Echo一拍即合 , 甚至比和angel 相處得更好 , thanks god !
初時對Echo好感不大 , 心裡仍然很想很想angel , 但慢慢 , 這孩子讓我體會到白痴和愛的真理 , 明明對牠沒happy那麼上心 , 但也會比happy 更痴我 , 很感動 , 慢慢接受了牠 , 對牠如對happy一樣好 , 不偏心
   
極不幸 , 身有蟲 , 齊齊噴藥
Happy一直對世事很冷漠 , 幾乎對著我也是很冷漠 , 人人手也肯上 , 人對牠做到的我能做 , 人對牠做不到的我又不能做 .... 所以我曾懷疑過牠是否認得我
但是在最近的日子 , 和身邊的人發生了了很多事 , 被最信任的人利用 , 被玩 , 被騙 , 幾乎每次Happy也在我身邊看到事情發生 , 每次看到我哭 , 也會用平時沒見極堅定 , 又有點驚訝的眼神望著我 , 我知道牠叫我一早不應這樣做 ...
之後突然有次牠看到那個人會發惡兇那個人 , 直到 ..... 那人一次又一次當著happy 面前向我道歉 , Happy 竟然會主動接近她逗她陪牠玩
看到的那刻真的很感動很感動 , 我知道牠一直只是想保護我 , 而我一直只是懂質疑是否愛我 , 是否親我 , 嫌棄牠
從那次開始 , Happy變得極痴我 , 會從遠處飛來找我玩 , 熱情很多
只可以說 這288 天 , 得來不易 , 當中辛酸比笑聲多 , 但也感恩生命中能有這 288 天 , 讓我體驗愛與被愛
也感謝Happy不離不棄 , 牠大可不上手攻擊我 , 但又沒有
我期望往後能和這兩個 小朋友 渡過更多個288 天
在此希望大家會對自己鸚鵡好點 , 別嫌棄牠們會攻擊人不理人 , 只要你愛牠 , 總有一天 牠會回報 |
發表於 2011-7-1 18:12
| 
表面上係一個賺人熱淚既帖....其實.....
真正目的係毒更多人養太陽.....
發表於 2011-7-1 22:11
| 