急！求救

summer2816

今早發現我隻彩鳳於昨晚半夜拔毛，拔左好多。因佢返左屋企只有兩星期仍然怕人，所以睇唔到皮膚上有冇蟲。另外今早佢吐左十幾粒種子糧出黎，請問而家我可以點做？謝！

summer2816

而家去緊鳥店問藥，不懂用電話post相

summer2816

仲有，佢係拔背毛

sesese

會唔會只係換毛梳毛? 拔出來的毛有無血? 吐糧是無端端吐嗎? 還是嚇親而吐?

風中飛鸚

難題係~任何原因導致的拔毛~都唔易解決什至解決唔到~希望只係寄生虫之類~

summer2816

去左雀店問，睇過應該唔係寄生蟲，買左防咬噴劑同太陽燈，不過噴極佢都係咬，已開始見肉。
而家諗住買塊鏡放入籠等佢覺得自己有同伴，睇下係咪因為寂寞而咬毛。如有好轉及肯定身體冇其他毛病或寄生蟲後，會買多隻陪佢。

macbrush

我唔係好識，不過突然改變得咁緊要，又嘔，會唔會搵個好D既醫生睇睇好D？

風中飛鸚

我唔係好識，不過突然改變得咁緊要，又嘔，會唔會搵個好D既醫生睇睇好D？
macbrush 發表於 2012-2-6 17:35

冇嘔丫?

summer2816

尋日嘔左一次之後，暫時都冇再嘔喇。

wisebudgie

佢d野食有無唔乾淨或過期?

Louis

體內有病都會咬毛, 例如中毒, 內臟疾病, 內分泌問題, 結石等.

風中飛鸚

我睇過一套紀錄片~有隻鸚鵡食左鐵都會咬毛~

summer2816

食物都冇過期，現食K牌種子糧。
唔知道隻彩鳳實際年齡，但鼻只係開始隱約睇到藍色，應該仲係非常小朋友，如果中毒或內臟問題應該冇快顯露出嚟？玩具等等都係最基本喺鳥店買到嘅嘢，佢冇咬籠習慣。昨晚俾左塊鏡佢，但今早仍發現半夜咬甩左一堆毛，越來越見肉。
由未開始咬毛到而家，期間冇轉糧，冇轉籠，但將膠企棍轉左木企棍，另加左磨爪棍，同放左墨魚骨入籠。

summer2816

睇見佢咁，我都急到就快咬埋一份。

sodagreensimon

點解要俾塊鏡佢??咁佢見到咪仲緊張~~

summer2816

因為我唔知佢係咪因為悶而咬毛，所以諗住俾塊鏡佢，試下係咪因為寂寞囉。

carolee

試下張個籠裡面ｄ嘢還原睇下

聽過有雀友放件新玩具入籠，隻雀好驚好冇安全感，咬晒ｄ毛

wisebudgie

我將你個case問左一個對彩鳳有經驗既外國網友, 佢話最好同隻彩鳳睇醫生, 因為佢仲細, 佢一定係嘔而唔係一般既反芻. 另外佢懷疑隻彩鳳中左金屬毒, 應該係食水同個籠同埋d玩具有問題, 建議買膠樽裝spring water (可以係惠康買No Frills牌既spring water, 價錢平). 個籠就換powder coated既籠. (可以去魚街鸚x店買, Hagen Vision M01 籠, 係powder coated架, 好安全, 我都用緊, 不過我直接係ebay訂). d玩具顏料都可能有毒,要小心d.
仲有而家唔好俾佢吹風同埋涷親, 要幫佢保暖.希望可以幫到你.

summer2816

唔該哂！唔該哂！我返去換過哂d嘢！本來俾凍滾水佢，而家會轉bottled water。
佢只早幾日嘔過一次，之後都冇，我觀察多兩日，如再嘔會睇醫生。唔該哂！

summer2816

莫名其妙....莫名其妙....
首先多謝各位嘅建議，尋晚已經將所有有金屬及染色嘅玩具移除，食水由凍滾水轉樽裝水，但籠要等weekend先可以去買。
彩鳳亞歡最新情況係: 佢尋日日間只拔左"一"條毛，今早起身後更加冇發現，全晚"一毛不拔"！完全唔知發生咩事點解會來得快去得快，除左噴防咬劑之外，我只係於前晚幫佢洗過身，見佢好舒服，所以尋晚又洗多次，之後拔毛情況就好轉晒，究竟佢之前發生咩事呀？點解沖身會令佢好轉？會唔會係有d化學物資黏附喺皮膚上，引至不適拔毛？但我又冇用過咩清潔劑....
但點都好，今早發現佢整晚都冇拔毛真係好開心好開心。無論如何一定要好返！靚唔靚係其次，最緊要佢身體無恙。