我見人談論買鸚鵡質量問題 等大家想買鸚鵡更加有一個質量與金錢的平衡的方向。

victor

因我見人在樹樹，談論買鸚鵡質量問題 所以先開主題，想大家發表下個人意見，等各好友想買鸚鵡更加有一個質量與金錢的平衡的方向及比鸚鵡商見到這話題，好好檢討下，鸚鵡價錢不要故弄玄開。

這是我個人的經曆，只想大家分亨，不是有意抹黑某人，等大家可以更加明白鸚鵡在市場某些定位 ，其實大家買鸚鵡幾多錢，大家都肯 大方直接在樹樹講幾多錢，咁樣我相信鸚鵡商，就不會除隨意開天殺價。雖然很多會友講買鸚鵡不要講價錢，最重要質量，但當質量大家差不多，咁樣情況大家是否要討論價錢呢？

我相信在樹樹都知道，我在2011年7月 在雀街買了一隻灰鸚鵡，當時鸚鵡商開5000元，我減了少少4800元買了，但其實在早前己親身去廖生的繁殖場參觀過，繁殖場規模真是幾好，當時我選了一隻灰鸚鵡約三個月大，價錢他開8000元，廖生鸚鵡場買的鸚鵡質量我私人覺得較穩定，但我去雀街見到一隻灰鸚，開只是5000元質量，質量覺得差不多，因我買前己入了鸚鵡樹，睇鸚鵡樹資料兩個星期才買，咁你們覺得5000元及8000元相差遠嗎？可能我睇錢較大，當質量大家差不多，我私人覺得相差很遠，不知你們又會怎樣選擇呢？

因我想買多一隻大達，所以早幾日，我打過比廖生，問一問價錢，他講如有大達，約6300元，鸚鵡樹有位會員，剛在珍xxxxx 買了一隻大達，都是本地繁殖出世，買左三千幾 ，我以的話題，請大比多些回覆，等鸚鵡價錢可以較公開，鸚鵡商價不敢在價錢上再(故弄玄開)

bobyjadeeye

支持  等d想買鸚鵡ge新人唔洗做"水魚"

drdoom

近年d雀價升得好多••
金頭20k都話唔夠貨賣
藍金都開價18k

victor

支持  等d想買鸚鵡ge新人唔洗做"水魚"
bobyjadeeye 發表於 2012-2-27 12:49

其實大家買了回來，就上鸚鵡樹都講下 ，買了實價幾多錢，買後的感想，大家都知鸚鵡樹，全港最多養鸚鵡人上的網 ，咁樣一定可以令鸚鵡商價不敢在價錢上再(故弄玄開)
大家支多多持支

養鳥新丁

中意的話.....500蚊買隻黃化雞尾都值.......唔中意既....50蚊都嫌貴

andygp125

講得好,其實香港噤多間賣雀地方D價格真喺相差太遠,雖然有樣野叫你情我願,(我作為消費者的睇法)

O_O329

消費者當然會比較，雖然成日話鸚鵡養幾十年，五千同八千攤開每年都係多少少，如果質量差唔多，無理由用八千買五千嘅貨，當然最後都係要以雀論雀及售後服務

風中飛鸚

我先申報利益~各大商號~繁殖場~有我好朋友~也有牙齒印極深~把我恨之入骨~

鸚鵡來源有分正途貨源及不明來歷~先講不明來歷~因為比較簡單~有拆貨/自家繁殖/棄養等等~
所以價錢先有參差高低咁利害~

再講正途入口~即是從外國繁殖地~正式申請入口本港~因為自家繁殖及棄養等~遠遠不能滿足市場需要~而由外地引入香港~最先條件是數量~(是很多新人沒有想到的~往往打算自己私人引入)
要大數量一起運輸~費用先可以符合~好多時唯有幾間商號一齊入貨~或一個商號入貨~再拆貨給其他人~所以市場就出現價錢差異~

我舉個例:我飛鸚從外地運入200隻灰鸚鵡~數量之多~足夠應付運費~但個人又未有能力消化200隻灰鸚~所以就拆10隻俾a賣~10隻俾b賣~十隻俾c賣~如此類推~
當我批發出去時~是否會將質量比較差俾人賣~自己留d好既黎賣呢?咁我是第一首貨源~當然會賣貴d啦~又可以同其他拆家交代~又可以賣貴d~

所以大家有冇聽到~某某讚到一個繁殖場非常好~又有某某彈到佢一個仙都唔值~就係質素高低分別~睇你買到d乜貨~都有撞彩成份~~

Louis

鸚鵡同海鮮一樣, 唔同時間季節, 唔同來源, 就算相差一星期, 價錢已經可以相差一大截. 例如新到步既進口寵物, 環境改變, 水土不服令抵抗力下降而染病, 一星期後死10~20%, 係常見事情, 外行人見到自然覺得驚訝, 以為傳染病爆發, 胡亂猜測發佈流言; 內行人見怪不怪, 所以剛到步數量多時往往會大平賣. 每年都會見雀街有好多亞力山大及細達摩BB, 但可以成功養大就寥寥可數.

繁殖場為維持收入, 非繁殖季節時, 會從其他國家進口鸚鵡售賣, 所以在同一繁殖場同一個品種鸚鵡而有兩個價錢不足為奇, 兩者成本唔同, 售價自然唔同, 本地繁殖成本一定貴過進口, 所以買既時候一定要問清楚.

買家自己亦都要花多d時間, 行多d, 睇多d, 自己作比較分析, 網上言論只可作為參考, 要親自所聽所見為事實, 唔好托朋友幫你揀雀; 鸚鵡好聰明, 識得揀人欺負, 一個老手揀雀, 懾於氣勢隻雀會表現好乖, 但去到個手震震既新手, 隻雀可以咬到個新手爆晒缸.

一隻平一千咬到流晒血, 一隻貴一千純如羔羊, 買家就要自問有無能力及時間去馴化隻野獸, 定係俾多一千當係買心機時間?

所以就算價錢公開, 都只能作參考, 要見到實物再自行判斷.

O_O329

我先申報利益~各大商號~繁殖場~有我好朋友~也有牙齒印極深~把我恨之入骨~

鸚鵡正途貨源待續~
風中飛鸚 發表於 2012-2-27 14:12

主席比特首及特首侯選人更有政治觸覺

louisa20047

鸚鵡同海鮮一樣, 唔同時間季節, 唔同來源, 就算相差一星期, 價錢已經可以相差一大截. 例如新到步既進口寵物, 環境改變, 水土不服令抵抗力下降而染病, 一星期後死10~20%, 係常見事情, 外行人見到自然覺得驚訝, 以為傳 ...
Louis 發表於 2012-2-27 14:13

鸚鵡好聰明, 識得揀人欺負, 一個老手揀雀, 懾於氣勢隻雀會表現好乖, 但去到個手震震既新手, 隻雀可以咬到個新手爆晒缸<------我屋企D葵大部份都係咁~揀人黎蝦

veniaxinfu

其實是市場需求定價格, 金頭黑頭之前無咩人養, 但現在個個都話想養返隻所以就炒貴咗囉.
第二是供應問題, 少就會貴.
第三,  如果質量差不多, 你自然會買平D果隻. 貴個隻你一定唔去想,對買家其實影響不大(最多選擇少幾隻).
我地係消費者, 有權選擇, 但無權叫人去減價(因為我地買的不是必須品).

Mr_fran

各位，我覺得可以買到一隻心愛及健康的鸚鵡真的好講緣分，我第一隻雞尾在雀買，當時新手一名，見到他就被他給引著，用比其他雞尾貴一倍的價錢購回來，養了年半後，有一天出去囇完太陽後下午突然死亡。第二隻小達摩用了比雀街貴一半的價錢從朋友介紹的一個人接手的二手雀，開始由驚人到現在非常喜歡和我及太太玩的一隻鸚鵡，第三隻就是最近接回家的大達摩BB，訂購他時，他只是一隻受精蛋，沒有見到真身，當出生後只靠繁殖場的Up-load 相片、直至接他回家的那天才第一次見到他，只覺得他非常強壯和他就是我想要的一隻大達摩鸚鵡了，價錢我覺得十分合理，售後服務相當好，有查詢都非常樂意回答，但我相信那裡都有好質數及較差的鸚鵡出現，身為買家，要多看，多問，多留意及三思才購買。

風中飛鸚

各位，我覺得可以買到一隻心愛及健康的鸚鵡真的好講緣分，我第一隻雞尾在雀買，當時新手一名，見到他就被他給引著，用比其他雞尾貴一倍的價錢購回來，養了年半後，有一天出去囇完太陽後下午突然死亡。第二隻小 ...
Mr_fran 發表於 2012-2-27 15:38

我本身不認識你買鸚鵡繁殖場~我可以中肯回答~咁樣買bb~當然健康~係唔錯選擇~
只係價錢方面就會貴左~能唔能夠接受就因人而異~
大家消費者~各人自己衡量~各自需要~

zero322

好多人話錢唔係首要考慮
但你冇錢又點買到自已鐘意既鸚鵡呢？
冇錢又得 但鐘意隻鸚鵡又唔覺唔捨得
所以真係好難講...

king2403

好多人話錢唔係首要考慮
但你冇錢又點買到自已鐘意既鸚鵡呢？
冇錢又得 但鐘意隻鸚鵡又唔覺唔捨得
所以真係好難講...
zero322 發表於 2012-2-27 18:29

我以前都跟你一樣唔明白點解好多人都咁講∼
d人咁講大多數是提點買鸚鵡既人∼
唔好見平就買！怕人買鸚鵡格價∼
為左價錢問題影響了鸚鵡數質∼
以上我唔知道正唔正確，
都係我自己個人觀點！

錢唔係首要考慮＜－－－唔代表無錢買 或 唔代表唔夠錢買

我自己去買鸚鵡都係想知道出面個公價大約係幾多，之後出到去買的時候價錢如果唔差太遠都接受！

king2403

因我見人在樹樹，談論買鸚鵡質量問題 所以先開主題，想大家發表下個人意見，等各好友想買鸚鵡更加有一個質量與金錢的平衡的方向及比鸚鵡商見到這話題，好好檢討下，鸚鵡價錢不要故弄玄開。

這是我個人的經曆，只想 ...
victor 發表於 2012-2-27 11:56

我黎緊都想買多隻鸚鵡∼今次我打算Budget大約＄8000－10000蚊！呢個Budget我係想買到一隻鸚鵡同一套日常用品！首先我買之前要知道想買的鸚鵡大約公價是什麼！如果出到去見到價錢唔係相差太多既話，自己睇岩邊隻鸚鵡！想買就會買回家！無論到時鸚鵡是＄8000＋日常用品＄2000！還是鸚鵡＄6000＋日用品＄4000都好！只要唔超過我既Budget！我都唔會話有咩問大題！至於買野抵唔抵好講自己心中定義抵到什麼程度才算抵！


最後我都想講！我真係唔明白點解廖生經常賣鸚鵡比客人都叫客人唔好同人講鸚鵡買左幾多錢？！我自己認為會比人既感覺佢既鸚鵡十分海鮮價！至慘係我問很多在廖生那邊買的鸚鵡主人∼知道既價值係貴過出面好多！有時仲賣得貴過鸚鵡店！品質係點我唔知道，因為我都未上過去佢果道！唔知道有無人解釋下這個問題？

tsw

我隻细B在廖生到買,原本平過xx店$800！講價後平多$2000

我都唔明點解要成日講便到平便到貴,又無人攞住枝鎗要你哋買,千金難買心頭好,街市買斤菜都有平有貴啦!

tsw

我黎緊都想買多隻鸚鵡∼今次我打算Budget大約＄8000－10000蚊！呢個Budget我係想買到一隻鸚鵡同一套日常用品！首先我買之前要知道想買的鸚鵡大約公價是什麼！如果出到去見到價錢唔係相差太多既話，自己睇岩邊隻鸚 ...
king2403 發表於 2012-2-27 21:05

搵講價高手(美女)至可以,講價

Jill

識得2者之間拎到平衡都唔成問題