TVB 新聞透視 (寵物病了)

發達鳥

原來香港是有獸醫管理局的. 雀友們若然您們認為某獸醫的收費不合理或有濫收的情況可向獸醫管理局投訴的. 詳細內容請往 TVB網站  http://mytv.tvb.com/  重溫以下節目.

21 Mar 2015 新聞透視 (寵物病了)

kentgundam

Thx for sharing

風中飛鸚

我剛剛有睇呢集~我一早講~有好多化驗係不必要架啦~獸醫憑經驗已經可以知道~仲要隻鸚鵡受苦~

Louis

就係因為人們對獸醫不信任，以及濫用投訴權利，令到獸醫們為求自保，判斷病症時皆要求做測試化驗，白紙黑字，有根有據，唔怕俾人投訴斷錯症，做成惡性循環，獸醫與病人皆雙輸。

ReBorn

所有主人都應該睇呢集
睇獸醫時要多問問, 多溝通, 要問d咩入面有教

風中飛鸚

比喻就係~你去睇醫生~係100%傷風~不過都照下X光~驗下血~種下菌~

咁比喻都唔好~因為人類識講野~可以透露好多資料病徵俾醫生~

gwensoo

我認為純綷醫德問題.

我屋企養咗幾隻胡錦, 其中有2隻病咗, 帶去銅鑼灣睇過3次醫生.

DR FRANK 俾我既感覺好老實, 唔會係咁叫你驗乜驗物. 另一位女醫生就係咁叫我照 X光.

事例一, 母胡錦產後虛弱, 我驚佢難產, 帶佢睇醫生, 女醫生斷証話只係產後虛弱, 無難產, 但佢都建議我幫隻母胡錦照X光, 話睇下裏面仲有無蛋. 我心諗, 有蛋又點, 無蛋又點? 唔通你有藥俾佢食咗唔駛生隻蛋出來? 我認為無需要照, 所以直接拒絕.

事例二, 公胡錦肺部感染, 第一次係 DR FRANK 睇, 叫我俾隻雀留院住氧氣箱同食抗生素, 2日後出院. 返屋企一日後情況又轉差, 第二日帶返去診所, 今次係女醫生睇, 一樣建議住氧氣箱, 另加抗黴菌藥, 我無異議, 但佢又叫我俾佢照下X光, 睇下個肺乜野情況. 但因為要照肺, 所以必須麻醉, 令佢可以攤開對翼, 咁至睇得清楚個肺的情況. 我當然拒絕, 因為隻雀好細隻(得 13g), 又病緊, 你麻醉佢, 分分鐘佢受唔住就咁死埋都唔定, 另外, 個肺肯定係受到感染, 有影又點, 無影又點, 你d藥 work 就得啦.

個女醫生俾我感覺唔係太好, 我帶得隻雀睇醫生, 預咗俾你地賺, 只要隻雀好返就 ok, 但係, 都唔好提議我做d咁無謂, 又好大風險的事情.

風中飛鸚

我聽過好多人讚呢位DR FRANK~但好似聽講退休啦~

gwensoo

回復 8# 風中飛鸚


咁我真係唔知佢要退休, 1月份剛買雞尾果陣, 打過電話去約 DR FRANK 想幫雞尾做 BODY CHECK, 不過姑娘話佢放大假, 要2月份至返香港, 之後, 我見雞尾好健康, 就費事去 CHECK 了.

風中飛鸚

回復  風中飛鸚


咁我真係唔知佢要退休, 1月份剛買雞尾果陣, 打過電話去約 DR FRANK 想幫雞尾做 BODY  ...
gwensoo 發表於 2015-4-8 14:34

退休未必係真架~一個傳一個~只是傳言~因為曾經傳過佢番祖家~

coffeessss

多謝分享, 實在太好了