報佳音

王斯拉

我想在12月12日去遊行，便問王斯拉意見。佢話明天同我哋去老人院報佳音啦。雖然我去都幫唔到手，但好耐無去過就去吓啦。當日一行三十多人大部份係長者同婦女係三点鐘就去到三門仔老人院。準備好塲地之後有位姊妹叫我幫手整音响同打碟。我就坐低整野同欣賞佢哋表演。跟住就牧師分享福音。當時我感受係大家嚟表演同長者分享聖誕喜樂，用說話禮物去關心佢哋；與佢哋和好。我想如果我去遊行就好唔同，我哋會投訴去爭取、表明立塲不同，用說話行動去抗爭。遊行會好激動與去報佳音之平安剛相反。昨天可惜因為王斯拉扭親腰(攤咗係床,唔郁得)未能參加聖誔派對，藉此說句祝福……聽阿！天使高聲唱：榮耀歸與新生王；地上平安人蒙恩，神人和好再相親！………
黃思耶

joankong

王斯拉好返d未呀,
尋日黃思耶特登走黎話比我地聽你整親條腰,好擔心呢,
希望王斯拉快d好返,祝聖誕快樂,新年進步

風中飛鸚

冇乜野丫嗎.腰骨好長手尾,要醫好呀,

王斯拉

多謝各位關心,唔好意思去唔到依個我咁想去嘅派對,我真係好想去架,尤其好想見吓啲曾經見過嘅舊朋友.
雖然下次可以去,不過唔知有無咁齊人 ?
唏呀.....真係講都無人信.25號早上九時多扭親,一直攤咗係床,唔郁得 !直至我老公返嚟孖我電療,又搽藥(因為無醫生睇),臨瞓前有個姊妹特登打電話嚟孖我祈禱 .一直瞓到天光,情況有點兒好轉,就係企到起身(不過要成10分鐘至起到,因為郁吓都痛),之後問樓下個朋友借到張輪椅,就去睇醫生,當時情況都唔睇好架,都預備入醫院 !
蝦....點之打咗針食咗藥,瞓咗個靚教,竟然好返七成咁多,真係感謝神讓我可以得到合適嘅醫治,依家可以行動自如(為著穩陣都係慢動作 ).重可以睇埋你哋當日嘅開心情景添 .
話我長氣都係咁話.......好感恩 .

芳姨

王斯拉,有否睇跌打呀?仲有三成要醫好斷尾呀,祝早日康復,新年進步,身體健康.

王斯拉

原帖由 芳姨 於 2008-12-27 23:00 發表
王斯拉,有否睇跌打呀?仲有三成要醫好斷尾呀,祝早日康復,新年進步,身體健康.

有呀,,,,多謝妳關心呀 .

sesese

  我而家先睇到, 王斯拉你無咩大礙嘛? 醫生話你咩事呀?
我以前都試過突然間唔郁得, 條腰痛到坐唔到企唔到, 照完一輪後醫生話我d 骨無事, 原來係肌肉發炎, 淨係塗藥膏但都痛左成個禮拜...
祝你早日康復

王斯拉

我好咗好多喇SESESE,多謝妳呀,好可惜當晚(25號)去唔到,孖唔到妳碰面傾計!
係呀條腰痛到坐唔到,坐到又企唔返起身,瞓唔到,瞓到又起唔到身,好痛苦 !
醫生無話我咩事,只係孖我打針同俾藥我食,不過佢嗰支針啲藥好勁(成支滿晒),
我老公見到都心寒 !
我就好返好多,不過我老公依幾日就辛苦啦.... ,要做家務,又要照顧四隻寶貝(五隻加埋我),
又要返工.今日佢生日我都陪唔到佢出街食午飯(25號至今日我未落過街)!
依幾日我隻雞尾又生咗兩隻蛋(總共生咗15隻),真係好生養 .

sesese

你好返d 就好啦, 最緊要身體健康, 新一年都祝你身體健康先
又生白蛋呀? 定係有機會有bb 呢? 不過點都要補補佢, 唔係一味咁生唔得掂呀