to : 風中飛鸚

poohpooh

我想問下呢,
你知唔知邊度有地方可以做一個無接縫既膠盤呀?
即係好似膠雜物箱咁成個啤出黎果d呢~
因為我想做一個91cm x 56cm x 15cm高既膠盤,
用黎做籠底既底盤架.

風中飛鸚

有丫~你問正我啦~我識一間公司專做你所講既野~

先要用木做一個你指定呎吋的模~上下凹凸各一個~再用人手打磨光滑~因為會令將來製品表面有決失~

所以要花很多時間去做此動作~~

打滑完凹凸模之後~可以安裝在上及下的壓機中~再將適當厚度及大小的膠片~放進特制大形焗爐~將膠片完全

軟化~再把軟化膠片放上模中~上下加壓將膠片壓成理想形狀~冷卻後取出~將壓出多餘部份切去~

再將切口磨平~就完成第一"街"段~

取出制成品後~可以開始用水沙紙打磨光滑~以下三天打磨情節唔細講啦~

另一方法係去日本城~差不多呎吋就算啦~然後用手拿出銀包~左手囉出30元~右手取貨~回家用爛之後重複再做多次~三碗水煲成六碗水~倒落坑渠~藥到病除~

楚峰

有丫~你問正我啦~我識一間公司專做你所講既野~

先要用木做一個你指定呎吋的模~上下凹凸各一個~再用人手打磨光滑~因為會令將來製品表面有決失~

所以要花很多時間去做此動作~~

打滑完凹凸模之後~可以安裝在上 ...
風中飛鸚 發表於 2010-4-8 17:59

haha........................................睇到我呢...我真係好鍾意睇飛鸚回post~

風中飛鸚

亞ada~痴線0既都有fans丫~奇唔奇丫~

楚峰

蔡瘋華都有fans啦~

poohpooh

首先唔該哂風中飛鸚你咁詳細既回覆先,
我係日本城都有搵過呀,
就係連差唔多既size都無至令我頭痛死囉,
所以我至唸定造........

你可唔可以幫我問下你朋友如果做一個大概要幾錢呀?
我正考慮緊做個啤膠箱好d , or 痴膠箱好,
我都知痴既一定平好多,
但因痴既膠絕對唔可以露出膠兜內位(會比佢地咬哂),
所以邊位就點都有縫,我係怕d邊位會難清潔囉.

再唔係就做不锈鋼,
但就會嘈死人,
佢地另一愛既活動就係.......推哂d野野街.........同埋.......飛身彈地......
所以盡可能我都唔想用呢.

楚峰

首先唔該哂風中飛鸚你咁詳細既回覆先,
我係日本城都有搵過呀,
就係連差唔多既size都無至令我頭痛死囉,
所以我至唸定造........

你可唔可以幫我問下你朋友如果做一個大概要幾錢呀?
我正考慮緊做個啤膠箱好d ,  ...
poohpooh 發表於 2010-4-8 21:26

飛鸚既膠籠唔會有你擔心既問題@@"

poohpooh

如果係比鸚鵡我相信一定唔會有問題既......
問題係我比龍貓住...
佢地無野多係牙最多,
佢地乜都會咬無乜唔咬......
窗簾布,木傢俬,0.5cm厚膠板,皮梳化,鐡扣,電線,電話見到乜得一件事就係....食左先講,
所以就算用膠底盤,四邊我乜會加上鋁槽封邊,

但內部就唔得囉,
因為佢地係直接企係底盤不加墊材,
所以無縫就唔怕有碎kick住,
如果入碎既就要支解成個籠才拿得出底盤來清洗......咁就煩喇......
痴既膠如果比佢地炮到黎食左就危險喇.

佢地排牙同鸚鵡個嘴一樣.....咬少陣都唔得既.....
係有樣野仲要煩d就係....佢地多對手..把口伸唔到就用埋對手抓抓抓.....唉........

小卡

你養惡魔,好恐怖

風中飛鸚

當年起獅子山隧道~搵一班咁動物~節省好多人手~

可以用膠片直接屈曲兩邊可以嗎?~全個無縫實在太貴~(數以千計)

如果只用5.5mm厚膠片~選擇任何兩個邊軟化屈曲~(其餘兩個邊唔得)咁都可以做到~(3/4幾百元內)

poohpooh

哇~~而家有個仲大既難題呀,
就係我原本訂左果個籠,突然話無貨,
想找另一間佢地都話無哂貨,
我又要由頭搵過喇,
沒有新籠.....就連底盤設計都要叫停......真頭痕,
我打算直接向大陸果度買,如果無合適既就訂造個吧,
希望唔好湯人啦.

真係唔該哂各位大大既幫忙先喇.