kolaball

謝謝你們的解答！

Joe我有試過俾佢出來試飛，但飛唔起撻左落地，佢跌左落地個樣好似好接受唔到咁...企番好又開始咬...

我怕讓佢不停試飛，只會不停受挫折....

唔知點先可以幫到佢，唔再咬毛可生番對靚翼...

JoeLee

咬毛的原因雖然很多。但大多數的個案都是出於幾個原因。其中最大的原因係天生的性格。我們人類天生就有不個性格。有此人生性隨和,而另一些人就天生思想偏激。灰鸚亦一樣,有些生性隨和,凡事處之泰然。但有些就事事驚青。一隻灰鸚一生中是否咬毛就取決於這天生的性格。灰鸚係羣居動物,當一隻灰鸚獨自在人類家庭生活便需要由自己克服不同的壓力。如果隻灰鸚的性格係事事處之泰然,佢就可以自己克服許多壓力和心結.相反地,如果隻灰鸚事事驚青,自己就好難消除壓力。當某些壓力变成解決不了的心魔,最終就開始咬毛。

在某些個案中,雖然隻灰鸚的咬毛被醫好,但因天生的性格改不到,所以遲些當有某些驚嚇或壓力而自己又克服唔到,咬毛又再開始了。

JoeLee

在我家的灰鸚幼小時,我用以下的方法幫助下佢哋學習飛行。目的係幫佢哋建立自信:

(1) 將灰鸚置於離地一至兩尺的地方棲息。當佢想飛時,就會滑翔到地上。初時佢似跳落地或跌落地,但因離地不高,就算佢係跌落地都唔會有問題。到遲些當佢學懂拍翼,就不再似跳落地,而是滑翔地降落地上。到這時,可將佢置於更高位置,佢就滑翔得更遠。

(2) 主人用雙手拿實灰鸚雙腳。將灰鸚高舉。跟着將拿實灰鸚的雙手慢慢下降。灰鸚的本能反應係不断地拍翼。用此方法不斷重覆,就令佢習慣拍翼。當主人將佢由高處下降的速度加快,佢會更起勁地拍翼. 但要留意灰鸚的反應。一向凡事都驚青的灰鸚可能受不了。要慢慢習慣。

kolaball

感謝joe的建議!我會試試!

我睇得出我隻小寶寶好有性格，又好百厭，貪玩同唔好脾氣....但我地怕縱壞佢所以一般都沒順佢意

佢未咬翼之前飛得好叻，飛得好高又識得轉彎，佢真係好鐘意飛，但屋企不夠大所以我沒有俾佢周圍飛費時撞親，可能因為咁搞到佢唔開心自殘....我真係好內疚

JoeLee

不用耽心。就如一般識飛的鸚鵡被剪了翼。初時會唔開心。但遲些就冇事

kolaball

我會繼續努力，希望會好起來.....謝謝！

JoeLee

*****加油！*****

JoeLee

Kolaball,

您講及:" 爬過好多網上資料都無我呢個情況"
以下係我找到的網上資料:

kolaball

謝謝你的資料Joelee !很有用!我的小寶寶真的只咬翼同尾,現在起碼知她這樣子是因心理病而不是生理病....

我都只是上台灣及大陸討論區找資料,沒有想到去看外國網站...!我會多找找看,謝謝!

ngwaikeung

我隻灰全身毛咬清得番頭同絨毛，咬左足足两年有多，好番又咬，近半年揾到原因依家好番哂。

kolaball

Waikeung 你果隻係咩原因咬？有多大？我估隻應該比我家的大吧....我的先5個月左右，有排佢咬⋯

ngwaikeung

我隻好细胆，其實半年前好番，因為搬屋見到好多红白藍膠袋驚到周圍飛，第二日咬左百幾條毛，之後咬到得番绒毛，所以要留意佢驚乜，我依家隋左夜晚困籠外平時都係俾佢自由活動，最主要唔好俾佢見到大纸盒、红白藍膠袋、红色購物車，依家D毛生番维持左半個月，其實原因多數因為環境轉變、受驚、苦悶，我隻養左快3年依家4歲，養左未夠1個月開始咬毛，之前養左8年幾個隻都有咬毛，但多同佢玩已好番，所以隻隻性格唔同要留意多D。

JoeLee

Kolaball，
唔駛客氣。很高興我們從討論中得出的結論可以從網上的文獻得到確定。

Wai Keung,
多謝分享。

kolaball

養灰鸚真係唔簡單,由BB餵奶到學飛,由了解生理到心理需要,都是學問來的....就算我在養她之前已經看過不少參考書,做多少功課都幫不上忙,畢竟每隻鸚鵡的情況同性格都唔同...仲要越叻的就越難搞我都想能夠跟你們一樣,讓雀雀在家周圍飛,她一定會開心很多...可惜屋企真是太細,怕她會撞到或是去咬電線....

由佢條頸光頹頹到有毛有翼,再到宜家爛毛鳥,其實都只是短短兩個半月,已經好像經歷很多....
我會繼續努力,希望她能好好成長!

JoeLee

灰鸚好叻的。當佢識飛後，會在您厔企環顧一輪。當佢在您屋企揾到一至兩個'落腳地'，而佢又發現您唔驅趕佢，咁佢以後就祇會在這些'落腳地'之間飛來飛去。您會發現佢的飛行路線係日久不變的。佢只會在受到驚嚇或被驅趕才會在屋企內亂冲亂撞。所以您可放心因佢不會任意亂飛的。至於咬嘢，就要觀察一吓了。衹要在佢'落腳點'的附近冇乜嘢吸引佢，佢通常在'落身地'企定定好耐，閉目養神。