三角仙

頭先又出左去搵左一陣....聽到好似多多既叫聲
一路圍住斜坡搵,都係搵唔到
其實係某一種雀隻既叫聲,只係多多學左...所以我誤會左以為係多多叫
我搵緊既時候有個伯伯經過,話琴日都見我頭鍔鍔...問我做咩事?
同佢講完一輪...佢話琴日樹林入面有狗吠 可能見到隻鸚鵡,又話而家好多蛇.........即刻打沉左我
未計佢搵唔搵到食...已經有貓,有狗,有蛇可能令佢冇命

有呀,每次出去我都會帶埋瓜子...不過一直都未見過佢
至於叫聲...我真係冇錄低

BB爸爸

有冇夜間搜索隊嫁

sonic

希望在人間！

三角仙

多謝各位咁有心
轉頭要落飛鸚舖頭,又眠一眠先...琴晚得幾個鐘訓,我仲要訓下醒下...而家好眼訓

OnOn

見倒個post係三角仙出, 已知不妙, 因為有前科,
一開已經來到第七版.

現在只希望可以盡快揾番佢.  
努力......多多同你有緣嫁......所以緣份未盡的

順帶一提,  大家真係要小心,  無論家中或街上

CHICKEN

加油呀!
我好喜歡多多心口ge毛毛!

lowbchu

我要晏d先出到,加油呀, 攞埋d玩具出來希望有幫助

梅頭

唔好放棄呀!!我都有試過走失雀，真係好難受
雖然我搵唔返，但希望以下資料幫到你
打去愛協、漁護報失(打去愛協有用，如果有人拾到雀會多數打去愛協，我果時走失雞尾、愛協都有打俾我..雖然唔係我果隻)
報失完後最好過幾日問一問，唔好怕唔好意思
lostpet.spca.org.hk<<去依度登資料，不過唔好登腳環no.

貼街招最好夜晚貼，小心俾食環捉
如果可以入尋雀notice入人地信箱

(打住咁多先..返緊工呀..加油!!!)

梅頭

愛護動物協會 tel: 2232 5553

打1823再搵漁護署

Mandy

頭先又出左去搵左一陣....聽到好似多多既叫聲
一路圍住斜坡搵,都係搵唔到
其實係某一種雀隻既叫聲,只係多多學左...所以我誤會左以為係多多叫
我搵緊既時候有個伯伯經過,話琴日都見我頭鍔鍔...問我做咩事?
同佢講 ...
三角仙 發表於 2009-10-17 07:30

問louis拎~~

kkkk007

唉,三角仙發生咁大件事我而家先睇倒,=.=,身為佢/FD既我不能及時盡我一分綿力.真係於心有愧,幸得樹樹其他有會員拔刀相助,本人都安心很多

風中飛鸚

唉,三角仙發生咁大件事我而家先睇倒,=.=,身為佢/FD既我不能及時盡我一分綿力.真係於心有愧,幸得樹樹其他有會員拔刀相助,本人都安心很多
kkkk007 發表於 2009-10-17 21:58

大家都以鸚鵡為中心~其他禮儀唔需要咁執著~有時間打電話安慰下三角仙~你地後生仔~易溝通d~

big1

唔好放棄,加油呀!多多一定會番嚟架.

三角仙

今朝再出去搵....都晏左少少出門口,5點半去到琴日大概聽到雀叫既山坡下等運到
行行企企兜兜轉轉,上左山搵一陣...聽到特別既叫聲,即刻想辦法確認叫聲既位置
知道位置喇,剛好有一班街坊坐係度傾偈   走去問佢地之前有冇聽過尼一種叫聲
點知個答案都幾失望..."樓上3樓有人養鸚鵡丫,朝朝都聽到佢叫,佢果隻係白色"...
不過佢地都話如果捉到會call我!!  8點15分收隊....
睇黎每朝去搵鸚鵡好快就唔再需要...過多兩日就一個星期,如果冇飛到去人地屋企既就餓死左 ; 飛到去人地屋企既就點都搵唔到,只能夠電話等消息

今日又告一段落,我又需要眠一眠...
我同某網友既作息時間又接近左喇,不過我唔係上網bid野

manman

你唔好咁啦，我心信“多多”同你一樣都好掛住你呀，只不過佢唔識返來揾你，佢一定會堅強咁等你去搵佢接佢返屋企，你都要好堅強地咁搵佢呀。唔好放棄呀！

lowbchu

唔好灰心la...佢地有本能去保護自己+搵野食, 你不如買個大聲公搵佢la...
佢會等你架

sallyyau

請三角仙努力, 不要放棄, 如果日後真的未能尋回, 你亦無心無遺,

HelloWin

邊有咁易餓死...

人食樹皮都崖到一排啦

加油!!!

sesese

三角仙唔好灰心, 但我估多多可能真係越飛越遠都未定, 現在唯有遠你家那條路貼多些街招, 要再印街招的話就打比我!

mmchu

三角仙唔好放棄呀，多多等緊你搵佢返屋企架！