極品龜

風中飛鸚

現在市面有種龜∼炒到非常誇張∼什至有人說∼不要將名字在網上打出∼漁護署會查到∼
希望大家都唔好順序打出龜名∼於是我只提出∼此龜３個字∼第３個字當然係個龜字啦∼
頭兩個字與”銀紙”同意思∼咁都呼之欲出啦∼大家話點解咁神秘∼唔洗丫嗎∼咁大家慢慢欣賞以下故事∼保證非常精彩∼
大家睇左就知道我點解咁緊張個龜名∼

我有位朋友∼年齡已經好高∼準備退休∼想將身邊物品變賣∼而他有一隻多年前以幾百元在裕華國貨公司買入的”銀紙龜”而我另一位朋友∼因為母親多年前曾經養一隻又死去∼但價錢一直有升冇跌∼所以買唔番∼好想買番隻平平地∼咁我介紹佢兩個認識∼我朋友問老人家∼想要幾錢∼
老人家伸出五隻手指∼我朋友跟我說∼５萬元都非常合理∼不過沒有這樣多現金∼問我有沒有∼
最後我同佢加起都唔夠∼待續∼保證峰迴路轉

風中飛鸚

(因為故意太長~所以先迫不得已要分幾次打字~)
我朋友身上有幾萬元~但未夠5萬~就算加起我都未夠~咁我心諗不如收平D啦~於是問個老朋友~
平D啦~我地兩個加上黎都唔夠~(又好彩我冇講唔夠幾錢)
老人家答~:500元已經好平~咁多年黎~我買左好多野餵佢~點止買左500元~你地仲要講價~你地知唔知E家"銀紙龜"好貴丫~你兩個大人大姐~身上加上黎500元都冇~咁失威架~
(容許我形容當時我兩的動作)
我即時按下我朋友手上的四萬多元~怕給他看見~立即自己飛出銀包~機符連身份証/車牌都飛俾佢~我朋友第一時間將裝龜個盤囉起~兩條友連走帶跑上車~
老人家追上~我們即時將車門關上~老人家說:佢個名叫龜龜~要食生蝦~我即時說:我們趕時間~有機會飲茶~兩人上車絕塵而去~
(容許我介紹下隻"銀紙龜")紅肚~背上三條黑線~非常明顯~兩斤半重~大家都估計得到此龜的價值~
咁我自己覺得~個朋友養都一樣~世估唔到螳螂捕蟬~黃雀在後~
故事發展~保證大家拍案叫絕~密切留意明天待續~

風中飛鸚

新丁都估中左D~是有6粒蛋~但故事非常複雜~請細心留意發展落去好嗎?~

過了幾天~我再講開此事~我朋友滿心喜悅~非常興奮講我知~

我幾聰明丫~認識一位人兄~說自己是龜王~家中有石金錢龜公~有多年繁殖龜的經驗~可以幫我們繁殖到龜~
我說石金錢龜幾百元隻~你唔係蠢到囉幾萬元隻龜俾人丫嗎?自己買一打番黎配種都得啦~
你唔係咁蠢嗎?未俾人丫嗎?他說:昨晚已經俾左人~
我說:快快取回~是什麼朋友~
他說:是舊同事~
我說:快打電話給他~
他說:是舊同事的朋友~
我說:快找舊同事~
他說:是在街上撞到~要查回電話~
我說:快去吧~
他說:是舊同事認識的一位朋友再新相識的朋友~
我說:難怪補藥黨做極都有得做~你幾萬元已經被騙了~
故事待續

風中飛鸚

事件已經過左一年~在這一年間~我都以為受騙~沒想過有新發展~所以一直都冇同人提過~(因為冇野好提~事件過去~幾叻都冇用)
點知在一個月前~朋友傳朋友~得知龜已產下3粒蛋~
我立即說:不要打草驚蛇~先套取電話~慢慢再算~萬萬不能提及要取回龜~什至發消息話仲有兩隻母龜~需要找人配種~
事件峰迴路轉~我似鱷魚忽然咬到水牛的腳毛~唔咁大力拉~就住就住~鬆口又怕走甩就一世再搵唔番~
大家覺得我幾辛苦呢個動作~
我朋友終於聯絡得上龜王~(應該叫龜蛋王)
輕輕同佢提下囉D蛋~佢已經話仲有得生~慢慢先~我已經作出最壞打算~
叫佢囉一粒蛋~龜及其他蛋送俾佢~最多一出黎就報警~一拍兩散~
事件到這裡~先介紹一下~我們真的由一位老人家手中得到~就算最後都係送回老人家手~點都好過落係一個無啦啦行過~自稱龜王就成功得到~
事件拉扯左好耐~終於騙到龜王~參觀他的龜王國~及多送兩隻母龜給他~
一去到龜王國~取得最後的三粒蛋~(早前的三粒可能已經孵化出)再問龜王想看看隻龜有冇肥左定瘦左~咁情形冇可能唔俾我地睇~隻龜係我地~
但龜王面露難色~知道自己做錯了~引蛇入屋~

大家記得我先前的比喻嗎?我是鱷魚~咬緊水牛的腳毛~現在回口一咬~咬中頭顱~仲唔拉佢入水~
扯開佢十碌八碌丫~
我們一見到自己隻龜~二話不說抱起就走~
我們說:抱回家養幾日~
龜王說:剛生產不宜動~過一個月才搬動他~
我們說:不必了~麻煩你太耐~3隻龜仔歸你啦~都幾萬元~(石金銳配出的"銀紙龜"苗~都值一萬一隻)
待續

風中飛鸚

於是就由500元一年之後~變成有七萬元隻龜加三萬元龜蛋~(如果唔俾人再呃既話)

zero322

我都想買

ckw3b

快D講啦, 唔好吊人胃口

Jill

主席你留3個位夠唔夠嫁..
好想快D睇

養鳥新丁

三線閉殼龜

louisa20047

三線閉殼龜
養鳥新丁 發表於 2011-8-15 23:55

我見有得賣喎~仲有證添

養鳥新丁

我見有得賣喎~仲有證添
louisa20047 發表於 2011-8-16 00:06

咩價錢...證係多餘既

養鳥新丁

故事發展~保證大家拍案叫絕~密切留意明天待續~
風中飛鸚 發表於 2011-8-15 14:30

你強搶........................

louisa20047

咩價錢...證係多餘既
養鳥新丁 發表於 2011-8-16 00:07

貌似10萬~不過你可以自己打電話去問清楚D

養鳥新丁

故事發展就係......
買返黎果隻係龜母....生左龜蛋...仲要係受左精既....
生左出黎 right?

louisa20047

故事發展就係......
買返黎果隻係龜母....生左龜蛋...仲要係受左精既....
生左出黎 right?
養鳥新丁 發表於 2011-8-16 00:11

甩色先好笑呀

greenfieldlam

唔通係龜仙人?

大M

$$ 好遠哦!  

ckw3b

我睇完以上內容真係O左咀,
點會無啦啦係條街到比左隻龜人地架????

養鳥新丁

我睇完以上內容真係O左咀,
點會無啦啦係條街到比左隻龜人地架????
ckw3b 發表於 2011-8-17 13:28

香港地大把奇人奇事....

風中飛鸚

我睇完以上內容真係O左咀,
點會無啦啦係條街到比左隻龜人地架????
ckw3b 發表於 2011-8-17 13:28

唔係乜野叫蠢呢?