得救見證

在以前~雖然我並沒有返教會,但當我遇到不如意的事~我都會第一時間祈禱~事無大小,一於照求,在我心裡總覺得 [祂] 會聽到, 祂會給一些指示.
現在我想和大家分享我其中一件非常感恩的事~
在2002-03年正值在太太懷孕其間 , 因為我太太本身比較弱 , 所以曾經祈禱請保守我太太 , 並承諾一定會認識祂 ; 但時間的過去, 我當然都沒有去過教會。直到我太太開始準備生產時 , 我就在產房外等候 , 我當時已十分担心 , 突然醫生話我太太有突發意外 , 需要搶救要入手術室 , 我叫醫生無論如何都要幫我 , 醫生說: [我們會盡力。]我當時的心情真是十分沉重。
我這時只想起祂 , 於是我祈禱 ~神呀~ 今次無論如何你一定要幫我一次 ,如果我太太逃過此劫 , 我一定會返教會 , 祈禱完了。此時姑娘抱著bb給我看, 原來是醫生叫姑娘用bb引開我 , 因為要將我太太推到深切治療室 , 但他們的神情和做法都十分嚴謹 , 令我看著bb都無法放開心情。經過醫生及護士們的悉心照顧 , 好快我太太就康復了。有一天我經過青怡堂 , 見到大家都是好開心的樣子從教會出來 , 我就轉身背向教會 , 倒後行入教會 , 然後慢慢當自己由教會行出黎 , (大家覺得咁可以騙到神嗎?) 當然我又一次呃神及呃自己。
再過了幾年 , 我覺得自己心口開始忍忍作痛 , 於是我再次祈禱求神 , 但痛楚一樣冇變 , 入院見醫生 , 醫生一見就說:[你咁肥~到心臟科留院啦 , 檢查了好多野 , 都檢查唔到有什麼事 ~ 在留院期間我食唔到食品又好痛 , 已十分担心 , 而且在晚上d院友又一個一個咁發病 , 他們不斷地搶救 , 有些院友可以救回, 但有些就死去了 , 到天光一間房8個人死靜2個 , 看到這個情景 , 我個心仲更加驚。好不容易終於等到出院的一天 , 而有一個朋友知道我的情況 , 就話幫我做法事 , 可以將佢消滅。] 我對他說 : [我是基督徒] , 但他說你個神冇用 , 不過你有你信 , 我先幫你驅鬼, 等你舒服d先啦 , 等隻鬼走左你先再信你的主 , 心想我是基督徒 , 不過信多一樣都無防 , 星期日朝早我想到街上燒付 , 當我落到街 , 個心口好痛 , 思想好亂 , 憂鬱症又令自己心情極差 , 想起打個電話俾一生人最好既朋友講低啦 , 點知佢又未訓醒 ,令心情更加差 , 行到鐵桶側邊 ,我想燒定唔燒呢 ? 諗左好耐 , 突然諗起教會 , 望神原諒 , 於是我走到教會 , 即時推門想入 , 點知門推唔開 , 點解推唔開 ? 教會成日都開門 , 歡迎任何人入去 , 神既門幾時都會打開 , 我再推都推唔開 , 唔通神真係唔原諒我這個罪人 , 我已經冇路可走 , 唔知道仲有乜可以做 , 好似生命再冇意義 , 於是轉身離開 , 突然背後有人叫我 (是張玉琴姑娘) : [先生! 你是否想入黎呀 , 我地冇咁早開門 , 不如你入黎坐啦。] 張姑娘好似天使聲音叫我 , 我第一次真正步入教會 , 坐在沙發上 , 以為教會只得出面幾百呎及 (柏藝) 綜合大樓後面一間房 , 胡先生番到 , 問我是否熱 , 入去我開冷氣啦 , 我心想 [入就入啦 , 冇乜再好怕] , 一轉入大廳 , 高高的十字架宏偉地座落大廳中間 , 我當時眼淚從眼球內射出 , 為什麼要強調射出 , 因為從未試過 , 眼淚係直射出黎 , 紙巾都冇用 , 覺得神太偉大 , 咁既罪人都肯原諒 , 再入黎係慧媚和志文 , 好多謝佢地。
神咁考驗我都係正確 , 從此之後我生命交了給神 , 神要我做什麼我就做 , 教會是我的家 , 您們是我家人 , 冇人比你們美麗 , 每一個人在內心發出一份愛 , 這愛令您們每一個人都面貌俊美 , 我要改變我以往所有 , 先可以報答神及弟兄姊妹家人對我的愛。
我即時界了煙 , 食左幾十年 , 話界就即刻界了 , 全憑神既力量 ,
我仲每日做運動 , 飲食均衡 , 改變性格 , 關心別人 , 我咁既罪人都能改變 ,只有神才有這樣的力量 , 咁有辦法收服我 , 令我全心全意敬拜主 , 信靠主 ,
如果當我落台時有掌聲的話 , 榮耀讚美全歸我主。