尋找紅金剛鸚鵡 (已尋回)by( STEPHEN547)

風中飛鸚

本人的紅金剛鸚鵡於7月6日在錦繡花園飛走, 請發現他行蹤的人士提供資料, 如能幫助本人尋回失鳥, 定必重酬, 多謝幫忙!

風中飛鸚

在你所講的時間內~我朋友在加洲花園入口樹上~見到一隻紅金剛~問我有冇人唔見左紅金~

我話冇~後來佢話管理員知道是那一家人走失~我想管理員一定會通知那家人~所以我便沒想到

在網上發消息~估唔到咁多日後你先開題問~我現在搵個朋友同加洲花園管理處聯絡中~

你快d打電話俾我啦~

風中飛鸚

#10  

將個故事大剛同大家分享~

話說在6月頭~在加洲花園一個朋友致電比我~話有一隻紅金剛~係天空飛~飛到樹上~叫我帶隻紅金引佢落黎~我正想出門口既時候~佢打電話黎話個管理員知道邊個人唔見既~咁我就唔入去啦~點知今日見到個post~時間同地點都好接近~所以我地即刻想盡辦法同失主聯絡~結果好快吳先生打番黎~我就將事實話比佢聽~吳先生即刻去到加洲花園~搵到管理員~但管理員只叫佢留低電話~吳先生就好失望咁離去~打電話比我~我教吳先生再同管理員講"隻紅金對屋企人好重要..有個老人家茶飯不思..好希望搵得番.."
其實當日~管理員捉到隻紅金~記得有一戶住客有養鸚鵡~就以為隻紅金係佢既~捉左去佢屋企~當今日吳先生問到管理員~佢唔敢即刻答吳先生~所以叫吳先生留低電話~而管理員即刻打電話都果戶人到~同佢講有人想認番隻紅金~我估果戶人同管理員講""快d叫佢黎拎番呀!!!嘈到pk呀!!""於是管理員打電話比吳先生..叫佢星期六早上10點去認隻雀~吳先生即刻打電話比我~我話唔好等到聽日啦~廢事夜長夢多~於是吳先生請求管理員帶佢去到果戶人家到~叫工人拎隻雀出黎比吳先生睇下~隻雀一見到吳先生~就係咁叫自己個名"紅豆..紅豆"吳先生100%肯定係自己隻雀喇~於是同管理員講..打電話比戶主..話認得隻雀喇~戶主話依家係外面..叫吳先生明早10點黎拎番隻雀啦~於是吳先生高興到跳起(跳起係我估嫁姐)..打電話比我..我都非常開心~我會影d相比大家睇下~