yytpinky

小草妹 個blog好正呀,多謝分享!
請教一下咁多位,和尚鸚鵡同太陽鸚鵡係咪都係一樣咁照顧?
依家d天氣適唔適宜同佢地沖涼?有雀店亞叔教去曬太陽,然後用香片茶葉泡茶,微暖後入茶落噴壺,再同鸚鵡噴身,再等佢曬乾,唔知咁樣得唔得呢?要曬幾耐太陽呢?
另外,行為問題,當行埋籠邊,佢食緊嘢或就咁企係度或我伸手入籠時.佢會鬆毛宿頭,同翼會微微宿下宿下,咁即係咩意思呢?但伸手埋去佢會上手又唔會咬我,咁又即係點解呢?
thx^^

yytpinky

回復 13# 小草妹


多謝你解答呀~~~^^
哦~~原來係咁~~明白!頭先扒文,見到有一個係講沖涼,我見佢用花灑沖,
仲用暖水,之後用風筒吹,我仲諗緊點試水溫:p.......不過隻鸚鵡好似有小小味,條尾仲好多
時點到盤底d便,仲諗住雀店亞叔教用香片沖涼可以去味添:p

原來佢谷起鬆毛輕微鬆翼係嚇我咪攪佢,不過我就算唔理佢坐到好遠,佢都係一路食嘢,一路鬆毛,一路輕微郁翼,一路好細聲咁add add add ,再加個頭係度up下up下咁....就算佢唔食嘢企係度都係咁,唔知咁又係咩呢?有病?.......一放佢出嚟上完手會自己行上膊頭,之後就周圍飛,仲狂叫,叫得好響,唔通傻咗:p

yytpinky

明白,唔該晒你呀~~我嗰隻都俾摸,但冇你嗰隻個樣咁enjoy~~haha^^
我嗰隻唔係bb喇....俾糧佢,佢只揀瓜子食,其他全部撥晒落盤底@_@
俾青椒唔食,粟米幾啖,西蘭花又係幾啖,蘋果又唔食.....同埋d糧要擺落兜先食,手揸住餵佢唔食,總之就做唔到
好似你咁訓練叫佢埋嚟然後再獎佢食嘢...佢出親嚟都要上膊頭,飛上我頭,或空間大d會周圍飛唔肯落嚟@_@