請問大家知道什麼是金錢廯嗎?

南瓜

早兩/三個月前我隻灰鸚胸口有點脫毛,所以同佢去睇醫生,化驗羽毛證實有金錢廯,請問有無人的鸚鵡亦中招?如何治好了及有什麼要避忌?謝謝!!

風中飛鸚

顧名思義,用好多金錢先醫得好既癬

tangsokwan

金錢癬係真菌感染,要食抗生素同塗藥膏,好長手尾.....

南瓜

佢已經食了四星期的抗生素了,及用藥水抺身,皮膚問題亦好些,醫生說可做的已做了,若牠再身痕再回去看醫生(已看了6次),但因裝修\搬遷等問題,現在較有空,見佢仍然通身抓,亦懷疑已傳染了給另一隻灰鸚,(但佢無咁癢)所以想同牠們到大圍,請問哪裡哪一位醫生較好,有名稱可提供,謝謝!!!

carolee

我以前隻狗都有過金錢癬, 好麻煩同好長手尾, 醫左兩個幾月先完全好返曬, 用左都有成萬蚊; 用紫外光燈照落去, 會見到螢光綠色; 要直至冇曬螢光綠先係完全好返!  當時醫生話治療期間唔好曬太陽,  鸚鵡嘅金錢癬唔知係咪都係咁?

傳染性好高, 除左會傳染比人, 醫生仲話要好小心同鸚鵡隔離, 因雀雀都有機會會傳染到!

[ 本帖最後由 carolee 於 2008-11-16 23:51 編輯 ]

風中飛鸚

我從來沒有金錢,癬就多,

南瓜

是真的嗎?但醫生只說會傳比雀,但無話會傳比人,(d翳生,姑娘很鍾意她,每次她覆診,起碼有四個人圍住她,連有時睇開個醫生明明在鄰房看症不關佢事,因有另一個醫生睇緊她,都會走過來同佢玩五分鐘先走番去睇症)我無將牠們隔離,因為由此至今另一隻的身痕程度都差不多,不覺得有惡化,只不過原先個隻仲有點痕,反正看醫生,索性一齊睇及化驗吓好d咁解?之前個幾次連的士在內都使咗我成四仟銀,不過無計喇,貴都要睇,醫好至算.(好彩佢哋七/八年來都無病過,今次算當一次過)

大M

原帖由 tangsokwan 於 2008-11-16 23:33 發表
金錢癬係真菌感染,要食抗生素同塗藥膏,好長手尾.....

金錢癬是真菌感染, 一般在你我身上也找到,只是在身體弱時發出。可以用藥洗澡或吃藥，貓狗我知怎辦, 鸚鵡唔知! 請見諒

Louis

金錢癬呢種真菌, 存在於空氣中及家居環境, 可以感染人類及動物, 具有傳染性.
感染金錢癬後, 皮膚表面會也有一個個圓形傷疤, 所以叫金錢癬.

診斷方法: 用紫外光燈(照銀紙燈)照皮膚表面, 大約一半種類真菌受紫外光照射後會發出熒光綠色, 但此方法未必準確, 搽在皮膚表面的藥膏/藥水, 亦會發出熒光. 應該用種菌方法先準確, 從患處拔幾條羽毛, 放入培養皿, 等三四日就知道結果.

治療方法: 一般食抗真菌藥一月就會好番, 唔食藥等自然好要兩三個月, 但係最好唔好等自然好, 隻雀可能因為痕癢而咬毛拔毛. 抗真菌藥/藥膏會對肝臟造成輕微損害, 但停藥後肝臟會慢慢復原. 治療期間暫停沖涼, 保持隻雀同環境乾爽.

感染原因: 免疫力下降, 環境溫暖潮濕, 助長真菌大量繁殖, 造成感染. 例如: 沖完涼後無徹底吹乾, d毛"up"住, 體溫加潮濕, 造成感染.

大M

Louis 講解得很詳細