求助 鸚鵡眼紅

romant2ic

5天前在雀街買左隻黃邊小太陽，近2日發現牠左眼較常閉上，有一點點紅，飲食尚算正常，精神都不錯，應直接就醫嗎?有哪間診所推介，現在有什麼措施可以做?

東東主人

時常閉上眼睛就係覺得唔舒服，或者係怕光，眼紅已經係有問題的表現，可大可小，最好都係盡快去看獸醫，你都唔想隻雀變獨眼龍。新雀又可順便做體檢。

romant2ic

已約明天沙咀道肥佬醫生

風中飛鸚

1我公司在附近~
2你的情況本來唔嚴重~但你是新買回家~所以又唔同講法~又可大可小~

romant2ic

今天去睇醫生當檢查下

另外晚上關燈或蓋布後牠好不安，好像整晚不睡，不站在杆上，站在籠的鐵枝，到早上看牠都是同一位置，早上近2天見牠走到籠底做反芻的動作，沒有吐料，但之後又肯食野，好正常咁
唔係太理解

風中飛鸚

初回你家~就等於你被食人族帶回部族中困住~你以自己想法去諗佢~不安是否正常?

你就要令佢知道~你唔會傷害佢~令佢安心長住落去~

romant2ic

睇完醫生
醫生話隻眼冇紅，可能係昨天滴左啲兒童眼藥水
現在沒單眼合上
但醫生知隻鳥道雀街買的，怕體內有病菌，所以開左抗生素藥，
其實現時隻雀冇咩事，咁應該比佢服抗生素嗎

gwensoo

我就唔會餵隻雀食抗生素啦，除非隻雀真係被細菌感染。

Louis

雀鳥最擅長隱藏病徵, 當病情越來越嚴重, 隱無可隱顯示出病徵時, 就已經病入膏肓, 到時餵藥都已經太遲.
既然已經睇左醫生, 就按照醫生指示餵藥, 完成整個抗生素療程.
萬一真係有病隱藏, 就藥到病除. 就算無病食左, 都唔會對身體有害, 因為醫生處方既抗生素, 係經過計算, 份量適中.