灰鸚鵡糧食問題求解答! - 鸚鵡討論區 - PARROT-TREE

Rank: 1

21^# 跳轉到 »

發表於 2015-9-14 19:15 | 只看該作者

鸚鵡係強者係上面，弱者係下面，因為係族群中，弱者企上面會被打

加我FB請話知閣下是誰

Rank: 1

22^#

發表於 2015-9-14 20:04 | 只看該作者

鸚鵡係強者係上面，弱者係下面，因為係族群中，弱者企上面會被打
louisa20047 發表於 2015-9-14 19:15

即係話唔擺得佢高過我既地方啦喎.. 一定要低過定平都得?

Rank: 1

23^#

發表於 2015-9-14 20:26 | 只看該作者

岩岩買左紅色H糧不過10月到期應該唔會影響到健康掛

仲有好多問題想問希望各位能解答..

灰鸚會唔會愈學多講野嗚叫就會變得愈少?

灰鸚耐唔耐寒幾度開始會覺得凍?

係咪唔應該比灰鸚企上肩頭?

灰鸚有無話唔鐘意或驚D咩顏色?

暫時咁多先.. 麻煩各位解答謝謝!!

Rank: 1

24^#

發表於 2015-9-15 00:06 | 只看該作者

個人睇法，bb唔好放上膊頭，除左地位問題，仲有安全問題(你同鸚鵡)同習慣問題

加我FB請話知閣下是誰

Rank: 1

25^#

發表於 2015-9-15 00:09 | 只看該作者

即係話唔擺得佢高過我既地方啦喎.. 一定要低過定平都得?
SJANN 發表於 2015-9-14 20:04

世事冇一定，我有葵放得比我高，有葵放得比我矮，主要睇葵性格

加我FB請話知閣下是誰

Rank: 1

26^#

發表於 2015-9-15 00:11 | 只看該作者

喜好係好個別，除非有陰影
叫聲問題，除左性格，係主人教導問題

加我FB請話知閣下是誰

Rank: 1

27^#

發表於 2015-9-15 08:08 | 只看該作者

唔記得講我依隻係二手雀係跟鳥店買既前主人就未見過, 每次佢一見手靠近就好似想咬咁但又肯上手..真係有D擔心唔知點相處=.=

風中飛鸚

樹樹管理員

Rank: 9 Rank: 9 Rank: 9

28^#

發表於 2015-9-15 10:24 | 只看該作者

聽講要習慣比灰鸚咬亦唔可以縮最多只可以示意不對係唔係真?
SJANN 發表於 2015-9-14 14:47

我採佢都傻~

gadgeteer

Rank: 1

29^#

發表於 2015-9-15 11:07 | 只看該作者

另外有時擺佢係鸚鵡架企左30MIN左右到就開始不斷拍翼係代表D咩!?
SJANN 發表於 14-9-2015 18:56

無聊囉。係籠出面的話，實飛，所以要小心。

我隻發霉雀，無聊的話，會靜靜雞用半個鐘摷勻全身，儲起一堆眼睇唔到嘅粉毛垃圾，見無人理佢，有端端咁就起勢拍翼...跟住就一屋都係，佢就會好開心....

...跟住重覆....

gadgeteer

Rank: 1

30^#

發表於 2015-9-15 11:38 | 只看該作者

本帖最後由 gadgeteer 於 2015-9-15 11:41 編輯

灰鸚會唔會愈學多講野嗚叫就會變得愈少?

灰鸚耐唔耐寒幾度開始會覺得凍?

係咪唔應該比灰鸚企上肩頭?

灰鸚有無話唔鐘意或驚D咩顏色?
SJANN 發表於 14-9-2015 20:26

我只可以講下我隻發霉雀係點，同你分享下，鸚鵡呢家嘢，隻隻唔同性格，唔會有標準答案：

灰鸚會唔會愈學多講野嗚叫就會變得愈少?

我隻咩都學，總之佢覺得過癮就學，仲要學到都唔話我知，失驚無神嚇我一跳，電話響，佢會講「喂」，你吹口哨，佢吹埋一份，見到窗外有同類，喪尖叫，無時停，唔會因學到某啲嘢就唔記得以前學過個啲...

灰鸚耐唔耐寒幾度開始會覺得凍?

絕對唔耐寒，一兩歲以下，天氣涼，一定要開暖燈，你買定都得嫁勒，我隻發霉雀，養多年，冬天我都照開暖燈比佢。

係咪唔應該比灰鸚企上肩頭?

我唔會，因爲佢一上膊頭，就會咬我耳仔，試過眼鏡都比佢咬甩...

灰鸚有無話唔鐘意或驚D咩顏色?

呢個隻隻唔同，你要自己觀察下，基本上灰鸚係好細膽，好怕新事物嘅物體，一驚就飛，要小心。我隻乜都驚，淨係識得雞飛狗走，無鬼用。

Rank: 1

31^#

發表於 2015-9-16 01:53 | 只看該作者

聽講要習慣比灰鸚咬亦唔可以縮最多只可以示意不對係唔係真?
SJANN 發表於 2015-9-14 14:47

你係想練金鐘罩定鐵砂掌?我從無聽過有人咁教的

俾鸚鵡咬住~唔係唔可以縮~而係縮唔到~硬縮下場只有一個~傷更重~(傷口被拉開/成隻鸚鵡被你拉起~鸚鵡為自保~咀會發力以將身體提起~結果請自己想像)

鸚鵡未咬住~縮係冇問題~但最重要係之後反應~盡量唔好俾佢心想事成~佢就唔會覺得咬人係對佢有利
更進一步~有能力的話可以教佢有後果(里樣我教你唔到~因為我對灰鸚了解唔夠深)

聰明的鸚鵡~你可以教識佢地"痛"/"放口"但里個係睇個別個體+主人習慣

Rank: 1

32^#

發表於 2015-9-16 10:45 | 只看該作者

本帖最後由 SJANN 於 2015-9-16 10:53 編輯

咁都好d=.= 幾驚真係好似網上講果d咁養得灰鸚就要預左比佢咬唔好驚佢咬.. 因為佢鐘意用口探事物最多只能習慣或盡量減少次數唔好俾佢心想事成係話唔好比佢知我驚佢 ? 佢應該係想擊退我咁係咪即係我唔好退= =?但始終想摸佢就唔知點入手..

gadgeteer

Rank: 1

33^#

發表於 2015-9-16 11:14 | 只看該作者

灰鸚咬人，以我有限經驗，有幾點要留意：

1. 鸚鵡咬人，一定要知原因，知道原因，作為主人，你就會知應該點做。

2. 例如新雀回家，隻雀未適應，佢自我保護意識強唔想人掂佢，好正常，尤其灰鸚係好怕好怕死嘅生物。係咁嘅情況，無理由仲特登伸隻手比佢咬。應該盡量比空間隻雀，等佢適應。

3. 摸唔摸得隻雀，同摸邊度，其實唔到主人話事，佢比你摸的話，你自然會知嫁勒，最緊要唔好心急，唔好貪心，記住來日方長，最緊要係建立互信。你問我，唔好摸住，試下上咗手先，同佢熟落咗先。呢個過程，可以好快，可以好多個禮拜都未必成功，完全睇隻雀。

4. 就算熟咗之後，要緊記，鸚鵡每天每刻都可以有唔同心情。呢頭同你玩到好癲，任摸任摷，個頭發脾氣唔比你掂咬到你爆缸都得，什至唔鍾意你摸鍾意第二個摸都得。

5. 唔同人可能只可以摸唔同地方，所以千其唔好以為你摸得頭，人地又摸得頭，隨時第二個摸頭比隻雀咬爆都唔知乜事。

6. 熟咗之後，有互信之後（可能講緊幾年光陰都唔定），要緊記鸚鵡都係會咬人，但我嗰隻，咬人會分力度，會細細力咬，同大大力咬，但唔會爆缸因爲隻雀知道佢唔係想整親我。係咁嘅情況，要視乎佢咬係乜原因。通常細細力咬係佢同我溝通嘅其中一個方式，我會無乜野。大大力咬都可以係，但如果明顯係佢發脾氣的話，我會 NO 佢，等佢知我唔鍾意。係 work 嘅。

7. 鸚鵡玩得癲起上來忘晒型咁，都係可以咬人，仲可以好大力添。我會 NO 佢，同比佢冷靜番下，通常好快無事。

小小分享...