大家好！Mo仔主人初來報到，及斷奶問題^^

Henryho1121

本人於上一個月18號在雀街能X買了一隻迷你金剛。
由於初黎報到，唔識貼圖，有冇先生小姐們教路？等我可以Share Mo 仔比大家睇睇，哈哈！

另外，想問有關戒奶問題。我在網上找了有關幼鳥戒奶方面的資料，都說幼鳥大約在90天就會開始斷奶。他現在差不多4個月大（證書表明date hatched 是 06/2015)，但仍然要餵奶（每天3次），未學識食糧，會把糧咬碎，但唔肯定有冇吞，就算有都係食唔飽自己。
本人給Mo 仔的糧有2種：
1) Sitt
2) Harrison's 既 High Potency Coarse (紅色大粒果隻)

Henryho1121

有冇師兄師姐可以解答到我疑問啊

風中飛鸚

hi~我都有養迷你金剛~你可以改為早晚各一次~慢慢去到晚上一次~可以維持長D時間~
晚上一次甚至可以去到兩歲~開始改用合成糧磨粉加鸚鵡奶粉兩溝~慢慢減少奶粉~直到全合成糧粉溝水~再由每晚一次改兩晚一次~一星期一次~由第一步去到最後一步~可能已經兩三年時間~
但去到最後~都要維持每星期一次甚至最賴都一個月一次~七個月一次~但不能停~
因為要令鸚鵡習慣呢個動作~將來萬一有事睇醫生~餵藥就可以有準確份量~鸚鵡睇醫生一大困難~就係藥份~
所以請留下最低記憶~

風中飛鸚

仲有~我家的迷你金剛~粗生到呢~

Henryho1121

回復 4# 風中飛鸚


飛鸚先生：
我有打算早晚各餵一次奶粉(牌子是exact)。但不成功！原因是去到中午後，他會對住我慘叫，苦苦的看著我，然後我就..."好啦好啦，餵你啦"。我知道我咁做可能會令佢之後對我產生極大的依賴，而且會喪失一次學習食糧既機會，但當我考慮到佢仍然是幼鳥，餓壞的風險大，我就餵佢了！不敢冒險！

另外，佢唔鍾意留係籠，一放佢出黎就自己行上我膊頭，比佢食糧，有時咬2下糧就玩其他玩具。除了我特意比糧兜佢，就只有籠內才有糧和水供應。換言之，除了在籠內，佢就冇任何機會接觸合成糧，學習食野既機會不多。

我有什麼可改善之處嗎？4個月大仍然要餵奶又是正常的現象嗎？

gwensoo

其實,  1歲大既小朋友可以餵, 4歲大既小朋友亦可以餵, 十歲大既小朋友都可以餵, 你有時間有閒情就得.

我諗, 最好唔好俾鸚鵡控制你, 佢地好醒, 知道點樣食住上....

4個月大正常應該識食野, 我隻凱克買返屋企時都話4個月(不過我覺得唔止, 因為食野好叻完全唔駛餵).

學主席話齋, 早晚一餐奶糊乜都夠, 中間肚飯自然識得自己搵食. 又, 野外雀鳥其實都係早晚搵食多, 中午時段通常瞓覺同玩.

Henryho1121

回復 6# gwensoo


我琴日就係餓住佢，佢不斷兩聲兩聲咁望住我叫 (細細聲)，個肚顯然好細好凹。然後就有啲唔開心 (唔知佢係唔開心 定餓壞左)，之後我就怕左佢，餵佢。佢食完，隔左一個鐘先開始活躍起來，叫聲顯然不同 (開心聲)。

4個月大，一日餵2餐，會唔會餓死佢架help？好驚有咩差遲就整死佢！

gwensoo

所以, 你咪俾佢既叫聲同眼神控制住囉......佢地好醒既~

我自己未試過, 不過正常4個月早晚一餐奶我就未聽過有人餓死鸚鵡. 但我未聽過又唔等於無發生過, 所以你自己考慮.

又, 肚仔唔餓, 又點會有學識野既動力? 當然有D好獨立既BB雀, 就算你想餵, 佢都唔肯俾你餵, 係都要自己食, 每隻雀既個性都唔同....

Henryho1121

回復 8# gwensoo


姐係你建議我都係1日2餐算？
如果採用1日2餐，咁點先知佢捱唔捱得掂？如果佢真係唔肯自己食野呢？

louisa20047

重點係你開奶岩唔岩，有尐人一日餵三四餐都可以餓死鸚鵡(係真係餓死左)，有尐人可以一日餵兩餐都養返生隻半死鸚鵡，重點唔止餵幾多餐，仲要計奶開得岩唔岩

gwensoo

回復 9# Henryho1121


我無養過雀B, 所以真係唔敢亂講, 就算我養過雀B, 唔同種既雀都有唔同既戒奶時間, 就算係同一種既雀B, 每隻雀B情況都唔一樣, 好難一概而論.

我只係聽好多雀友話, 4-5個月就快戒奶既雀B, 一日2餐奶就得, 亦無聽佢地話咁餵會餓死隻B.

都係果句, 如果你有閒情有時間, 可以餵足佢一日, 又唔介意佢依賴你唔肯學食野, 咁咪照自己方法去做囉, 真係無問題架喎. 如果你要返工無時間, 咁最好既方法就係一日2餐, 中午等佢自己試下學下食野.

你驚佢唔夠飽, 其實好簡單, 早晚磅一次, 食前食後又磅一次, 掌握佢體重, 就知道佢食野情況得唔得. 我D凱克同雞尾都將近1歲, 我日日磅佢地, 知道佢地一餐可以食幾多克食物, 食多食少, 肥咗瘦咗, 心中有個底, 唔駛估估下.

風中飛鸚

重點係你開奶岩唔岩，有尐人一日餵三四餐都可以餓死鸚鵡(係真係餓死左)，有尐人可以一日餵兩餐都養返生隻半 ...
louisa20047 發表於 2015-10-14 03:37

餵三四餐都餓死~佢可能一粒奶粉開12公升清水~

Henryho1121

回復 10# louisa20047


咁點先叫開得岩？

Henryho1121

回復 11# gwensoo


呢個方法好似可行！聽日開始用！(今天要上班哈！)

Louis

建議你買個電子磅, 每日幫隻雀磅一次體重. 體重可以反映身體狀況, 健康正常的話, 每日體重應該維持一樣或慢慢上升, 如果係持續下跌, 即係隻雀唔食野, 可能病左, 絕食, 或唔吸收, 就要求醫或改變餵食習慣.

Louis

建議你買個電子磅, 每日幫隻雀磅一次體重. 體重可以反映身體狀況, 健康正常的話, 每日體重應該維持一樣或慢慢上升, 如果係持續下跌, 即係隻雀唔食野, 可能病左, 絕食, 或唔吸收, 就要求醫或改變餵食習慣.

Henryho1121

回復 16# Louis

我有電子磅架，未餵奶有120—123g重 (肚餓狀態)，餵左奶就大約140g重
昨天他咬糧咬左一個下午，但好似由始至終都冇呑過！
某某店店主話，佢有咬就有食少少，唔食就唔咬，但似乎唔係！

Henryho1121

奇怪既係，4個月大都仲未識食野！

scylam

奇怪既係，4個月大都仲未識食野！
Henryho1121 發表於 2015-10-16 09:34

一系雀店作大或者根本唔知佢真實年齡。大多數出世紙好求其，並不能反映真實情況。
一系就繁殖場冇好好為鸚鵡戒奶引致長期依賴人餵食。為幼鳥戒奶這個過程十分重要，好影響佢個性發展

Louis

我有十幾隻鸚鵡, 只有兩三隻係棄鸚, 其餘全部有我自己由bb開始餵奶餵大. 以我個人觀察經驗所得, 當隻雀開始學飛時, 就係開始戒奶時候; 當能夠飛行自如, 就已經戒奶, 懂得食乾糧. 試過個別例子係, 原本已經完全戒奶, 日日都食乾糧, 突然有日開始唔肯食野, 係要扭計食奶, 我唯有餓佢, 同時每日記錄體重, 監察其健康狀況, 等佢餓極, 死死地氣去食乾糧.