回復 9# Henryho1121
我無養過雀B, 所以真係唔敢亂講, 就算我養過雀B, 唔同種既雀都有唔同既戒奶時間, 就算係同一種既雀B, 每隻雀B情況都唔一樣, 好難一概而論.
我只係聽好多雀友話, 4-5個月就快戒奶既雀B, 一日2餐奶就得, 亦無聽佢地話咁餵會餓死隻B.
都係果句, 如果你有閒情有時間, 可以餵足佢一日, 又唔介意佢依賴你唔肯學食野, 咁咪照自己方法去做囉, 真係無問題架喎. 如果你要返工無時間, 咁最好既方法就係一日2餐, 中午等佢自己試下學下食野.
你驚佢唔夠飽, 其實好簡單, 早晚磅一次, 食前食後又磅一次, 掌握佢體重, 就知道佢食野情況得唔得. 我D凱克同雞尾都將近1歲, 我日日磅佢地, 知道佢地一餐可以食幾多克食物, 食多食少, 肥咗瘦咗, 心中有個底, 唔駛估估下. |