新手養凱克問題

sion1232123

琴日買左隻黑頭凱克 都唔太驚人而且可以上手所以帶番屋企個陣有比佢上手玩下
又帶佢係屋企周圍行 不過發覺有啲位佢好中意企 一企上去就唔肯上番手 其他位又肯上
不過見佢企係到又幾relax 比佢係個位到企下習慣下環境 一企企左兩個幾鐘都唔肯上手入籠
之後用左個強硬少少既方法令佢上手(用隻手托起個屎忽再用另一隻手接住隻腳)先入番籠
有咩方法可以治一治?
同埋想問問我隻凱克番屋企個陣發現右眼有時會半開/合埋/係咁眨(買之前冇發現) 全開都冇左眼咁圓
冇眼屎分泌物 視力正常(試過係佢半開個陣係右邊比野佢食即刻鐘埋泥) 左眼好精靈
有少少擔心 洗唔洗帶去vet到睇睇?

Kuen2348

凱克好貪玩，有瓜子便是娘，可以用瓜子引佢，叫佢上手再讚佢叻先俾瓜子佢食，慢慢習慣你既指令
眼好大機會有事，同番買雀果度講問有無眼藥水滴，最好拍埋片俾佢睇，雀街應有眼藥水賣，唔得就睇醫生

sion1232123

多謝！今日用左瓜子引 淨係肯上一隻手
不過又發現一個問題 我隻凱克係雀街買
個店主又喂開瓜子 搞到佢依家食咩都代入左食瓜子
要咬爛左個殼先食到入面啲野
買左合成糧比佢試下咬下 咬碎晒以為係唔肯食
點知完來其他都係 全部咬碎晒入面冇野食
有用合成糧磨粉+水喂 琴日有食到啲 今朝食左一啖就fing糧
水果淨係食汁唔食肉
有冇辦法可以教番佢

Kuen2348

可買專餵鸚鵡奶粉冲水好D，奶溫要38度，慢慢加適量磨粉合成糧在奶中，最初早晚一次，慢慢轉黄昏一次。
糧杯我將合成糧磨碎D，有D大粒D，睇佢食到邊D，再慢慢轉正常size糧，再慢慢介埋奶。

Kuen2348

試下放D瓜子在磨碎合成糧上面，佢肚餓咬下咬下知道食得就會慢慢開始食

gwensoo

回復 3# sion1232123


凱克食生果係食汁唔食肉的, 起碼我屋企果2隻係咁樣.

風中飛鸚

最重要令佢減壓先~

ReBorn

返入籠嘅方法, 都係用食物引佢

食汁唔食肉, 我隻珍達都係咁
不過食粉嘅蘋果, 粟米, 蕃薯
但教唔到佢食菜, 唯有整條掉入籠比佢玩

風中飛鸚

眼睛問題~過左咁多日應該冇事~如果維持到現在都仲有半開情況~睇下獸醫好d~(不過見過有雀檔有眼藥水賣)

florachen

凱克食生果係榨汁走肉。。

sion1232123

真係唔該晒大家 我仲以為得我個隻淨係食汁唔食肉
依家佢已經可以比手仔
但係係佢個籠既範圍外面仲係好驚 但都勉強可以上手
依家每日都會帶佢出籠習慣下 有冇咩方法可以令佢係籠外放鬆啲唔好成日掛住個籠?
食物轉移注意力失敗左 佢又唔肯同我玩
定係本身我隻凱克就咁獨立唔中意同人玩

Kuen2348

可唔可以詳細講下，喺邊度買，買時幾大，番嚟點相處，睇下大家有無計。

gwensoo

隻隻雀性格唔同, 雖然話凱克比其他鸚鵡大膽貪玩, 但都有D會比較細膽同文靜既.

好似我隻凱克仔, 返黎第二日開個籠門, 佢自己就識走出黎, 俾瓜子佢, 佢既刻行埋黎食同上手. 一個星期就會自己係間屋度自由行同搵人玩. 但我之後收養既凱克女, 雖然話俾人養過, 完全唔怕人, 但對新環境好有戒心, 用咗成個星期至肯上手, 差唔多半年, 至肯自動飛埋黎我度搵我玩.

所以, 隻隻唔同, 無需求強. 但只要肯花時間, 佢地好聰明, 好快知道你有做牛做馬既潛質, 唔會再抗拒你做佢地既奴隸.

Chongwail

新手第一次養凱克!一放出黎佢就不停猛叫!正常?同佢吾𤔡食

風中飛鸚

新手第一次養凱克!一放出黎佢就不停猛叫!正常?同佢吾𤔡食
Chongwail 發表於 2016-6-1 23:49

正常~

Chongwail

回復 16# 風中飛鸚 好thx