灰鸚或大白好？

totoma

請問各一位師兄，我想養一隻鸚鵡，心儀灰鸚或大白，我知灰鸚大約5~6仟，唔知大白公幾多錢呢？
另外那一隻比較容易咬毛自殘？我一般朝十晚九不在家，適合養那一種呢？謝謝

simonng32

我去過差不多全港概店都唔見有大白買。。。。　

風中飛鸚

咁長時間不在家~你點照顧佢呢~

totoma

回復 3# 風中飛鸚


我也擔心這點

totoma

回復 2# simonng32


    我上星期一去雀街有隻大葵$18000,問佢大白，佢話六七月先有，$20000,唔知合唔合理？

風中飛鸚

回復  simonng32


    我上星期一去雀街有隻大葵$18000,問佢大白，佢話六七月先有，$20000,唔知合唔合 ...
totoma 發表於 2016-5-16 14:53

合唔合理點講?以我當然覺得唔合理~但市場上係咁上下價錢~

gadgeteer

$2000, $20,000, 甚至 $200,000 買到隻帶返屋企即刻可以上手，玩雜技，唔嘈，唔病，唔使人餵戒咗奶，特別色，毛色靚， 比賽監償級，會升值，話唔定好多人會話一定合理。

＄20 買隻又嘈，又咬人，又咬毛，又唔上手，又乜都唔識嘅，就實有人話唔合理...

totoma

有道理，即係$20000左右~thanks

風中飛鸚

有道理，即係$20000左右~thanks
totoma 發表於 2016-5-17 19:59

    兩年前見過15000元~不過鸚鵡價錢只有升~未見過趺~有傳現在一粒已受精的大白蛋~都要5千元~
照比例2萬就正常~

totoma

師兄，灰鸚會唔會難養D？怕佢咬毛。

gadgeteer

你問我，我就話一切好睇主人性格，鸚鵡性格，主人可以比幾多時間同鸚鵡互動，同環境因素。可能會有人講你知一般情況邊一種種類嘅鸚鵡好養。但你問我，嗰啲答案参考性近乎零。等同你問：喂，邊種女仔適合做我老婆呢？呢啲真係各花入各眼，又好睇緣份。鸚鵡仲衰，係唔同人，唔同時間，唔同環境下，表現可以好唔同。分分鐘係舖頭好地地，帶咗返屋企根本唔係嗰回事....

咬毛嘛，無錯有啲品種會容易有呢種問題，但我眼見，隻隻品種都有可能會咬毛，問題係你遇唔遇到。你問主席，佢可以話你知，有主人24小時相陪，出盡法寶，鸚鵡都係咬毛。有主人每天只係同鸚鵡相處5分鐘，乜事都無。

totoma

即係好睇彩數，多謝各位解答

gadgeteer

睇緣份，你無理由特登買隻同你唔夾，擺明咬你，或本身已經病嘅鸚鵡。

餘下就睇主人同鸚鵡造化，大前題係：主人決定咗養，又真係帶到佢返屋企，無論鸚鵡生老病死主人都會不離不棄。當然，無主人會想鸚鵡病或咬毛，但當不幸發生，都係咁養。所以，你去揀嘅時侯，無需顧慮太多。我見過不少主人，原本想要某品種，最終帶咗完全唔同品種返屋企。

你要記住：睇緣份。你要嘅，舖頭未必有，就算有，又未必同你夾。千其唔好 set 定我今天或今個禮拜一定要買到。小心慢慢搵，因為一決定咗，就一世嫁勒。

totoma

對呀，鸚鵡咁長壽養一定要三恩，會慢慢物色。

scylam

請問各一位師兄，我想養一隻鸚鵡，心儀灰鸚或大白，我知灰鸚大約5~6仟，唔知大白公幾多錢呢？
另外那一隻比 ...
totoma 發表於 2016-5-15 23:57

如果家庭冇其他人，你又工作時間咁長，容許我建議你買隻膠鸚鵡箅啦，入電池又會叫又唱歌。幾好

風中飛鸚

因為人工繁殖鸚鵡比較依賴人~所以有較長時間照顧會好D~如果只可以早晚提供食物及清潔~是不足夠~浪費了一隻鸚鵡~不如考慮爬虫動物之類作寵物~

scylam

因為人工繁殖鸚鵡比較依賴人~所以有較長時間照顧會好D~如果只可以早晚提供食物及清潔~是不足夠~浪費了一隻鸚 ...
風中飛鸚 發表於 2016-5-20 10:12

贊同。鸚鵡有高智商，丰豐富情感，有時煩過老婆仔女，極需要關注及關愛。而且唔似貓狗已經被人類弮養萬年以上。如果長時間冇人照顧，對雙方都系一種折磨。而且佢地幾十年命.....苦口婆心，實在希望樓主三思。按閣下現在情況，爬蟲類，魚類等等比較不依賴人類的寵物較為合適，退一萬步，可選擇了哥，胡錦，金絲雀等等。鸚鵡科就算啦，不要考慮。對不起請原諒我的直言。如有冒犯請包涵

totoma

多謝各位意見，我就是怕不能好好照顧才不斷爬文了解多些，睇嚟我要等退休才能養了，好彩你哋提點

scylam

多謝各位意見，我就是怕不能好好照顧才不斷爬文了解多些，睇嚟我要等退休才能養了，好彩你哋提 ...
totoma 發表於 2016-5-20 11:05

善哉善哉，退休先養要記得設法令仔女先愛上鸚鵡喎！欣賞你的盡責

totoma

我一直有養開陸龜，執屎執屎，曬太陽所以都有心理準備，但鸚鵡要有足夠互動所以要三思