凱克還是亞馬遜?

parrotnewbie

家有一個5歲及一個8歲大的反斗星，一直都想飼養寵物。一來可以熱鬧啲，二來希望可以陪伴小朋友成長，三來希望可以培養佢地愛護動物及責任心。由於我小時候有養過雀鳥，覺得比養貓狗較易打理，所以想養隻鸚鵡。諗咗好耐，都未決定到養邊種。而家考慮緊凱克或者亞馬遜。希望師兄們可以比啲以見，謝謝。

scylam

回復 1# parrotnewbie

本人覺得要養好鸚鵡遠比養好貓狗困難。要養好系有一定難度。如果純粹為倍伴孩子，不如養狗。又可以一齊出門玩，這方面鸚鵡好困難。慎重吖，你的目標鸚鵡壽命有三四十年。而且玩厭左又好難轉換主人，佢地會自殘。到時會非常可憐。三思後行。

風中飛鸚

以問題而論~小朋友應該凱克會適合D~

parrotnewbie

突然諗起，小朋友凱克上到手嗎？會唔會咬到流血？我驚我唔係屋企嗰時佢地自己唔識照顧佢同佢玩。有冇師兄有小朋友可以分享一

parrotnewbie

回復 2# scylam

狗未養過，但貓同雀仔 (彩鳳，仲生埋bb)。所以先諗住養返雀。

Kuen2348

凱克唔識講嘢，敎玩動作一流，較細只，小朋友較適合。
亞馬遜講嘢叻，但有時發情會有攻擊性。
要買就買剛開始學戒奶會好玩好多。

風中飛鸚

俾小朋友玩~先要摸熟隻雀性格~

sarachoi

我屋企係先養凱克，一個月後加一隻黃兜吸蜜。我隻黃兜好聰明，但亦好小氣。隻凱克好傻，好友善。佢地日間同籠，放出黎玩既時間都一樣，晚上就會分籠，相處好好。但如果掉轉買隻黃兜先佢咁小氣就未必接受到。你要清楚自己隻吸蜜性格再決定。

parrotnewbie

回復 7# 風中飛鸚


    即係要大人養熟先可以比小朋友接觸？

scylam

回復  風中飛鸚


    即係要大人養熟先可以比小朋友接觸？
parrotnewbie 發表於 2016-6-11 21:51

真系好睇運氣，好難講。可以同你好友善，但是對其他人（包括小朋友）好惡。所以我曾經建議閣下養狗倍小朋友。

風中飛鸚

回復  風中飛鸚


    即係要大人養熟先可以比小朋友接觸？
parrotnewbie 發表於 2016-6-11 21:51

    當然啦~

Harry

同意Scylam , 好睇運氣，隻隻性格都唔同。但唔主張冇大人係到比小朋友自己同佢玩，由其是5歲8歲咁細！凱克咬起來一定見血！