合成糧的選擇

東東主人

請問各位師兄師姐，有沒有購買 Goldenfeast Goldn' obles II 合成糧?  你們對這糧的評價如何？ 與 Harrison 比較又如何？ 這合成糧不如 Harrison 普及，不是到處有售，但早前到鸚鵡天空購物，該店售貨員大力推薦，說同是有機，營養更均衡，大家的意見如何？請賜教，謝謝！。

sonicwai

因為係醫生介紹harrison, 話好健康organic無添加色素, 2年前都試過比goldenfest佢地試

macbrush

我樣樣好既都買包，成日比唔同既佢地食。 無必要話食死邊隻既，你食飯都唔會日日果幾碟餸啦。

louisa20047

我以前係俾Goldenfeast~本來一直都係咁餵~但後來店家同我講話新貨品質有D唔穩定~試過幾次斷貨之後就換左H糧

個人睇法~G糧幾好食+冇咁硬+成份種類多+冇防腐劑(有D鸚鵡糧話自己冇防腐劑~但其實某D成份有防腐功能~但就話佢係營養成份~詳細可以自行上網找找相關資料)~其實係幾好~只係品質唔夠H糧穩定~(宜家唔知佢品質如何~如果穩定返~其實係一個不錯的選擇)

風中飛鸚

需知進口寵物糧~要有一定數量~唔可以入到剛剛好~所以通行牌子~多人食~自然新鮮D~

相反~我入左一個貨櫃鸚鵡糧~係全世界最有益~但唔通行~拆櫃第一包當然新鮮~賣到個貨櫃中間~已經開始變~去到尾~可能已經幾年~生晒谷牛~

所以最有益都冇用~只好選擇去流最快的糧~

東東主人

多謝各位提供的意見，亦很受用，對往後選擇雀糧時很有幫助。

風中飛鸚

簡單D講~有益冬蟲夏草~過左期都係冇用~

wilson_lau

我想問下各位師兄平時餵合成糧時,會唔會間中俾啲種子糧鸚鵡當零食咁食呢?如果有既話,通常幾耐一次?

CTL

平時都有用以鼓勵作用.只要以合成糧為主食便不成問題.

風中飛鸚

鳥類同哺乳動物的消化系統完全唔同~大家人類往往用自己感覺~去衡量隻雀既感覺~

在野外~當糧食短缺時~鸚鵡都係食到天一半地一半~鳥類感覺同我地完全唔同~對於大家餵雀好似餵狗咁~我就係另類人~