準備踏出第一步

parrottree

各位好，本人想養鸚鵡，但會考慮領養為先，麻煩大家幫幫手答問題:
1. 那裡可領養鸚鵡？
2. 如領養，牠們是否大多是成年，會難教或難適應新主人？
3. 因上班，可否獨留牠至少9小時在家？
4. 鸚鵡是否一定好嘈，有什麼解決辦法？
5. 有什麼推介品種適合新手？
麻煩晒，謝謝

風中飛鸚

1. 那裡可領養鸚鵡？
一般領養都會打崩頭~用醫頭的錢足夠買3隻~
2. 如領養，牠們是否大多是成年，會難教或難適應新主人？
試想想~一般人放棄得~隻雀本身有一定程度麻煩
3. 因上班，可否獨留牠至少9小時在家？
一般人都唔可能24小時陪伴隻雀~
4. 鸚鵡是否一定好嘈，有什麼解決辦法？
大叫是鸚鵡本性~鸚鵡有分幾個程度叫法~係好嘈同好很嘈
5. 有什麼推介品種適合新手？
應該配合主人性格~例如你沒有太多時間照顧~可以選擇亞馬遜~如果主人多愁善感~唔打算買多隻~想一隻鸚鵡渡餘生~考慮灰鸚鵡

gadgeteer

我又試下答：

1. 那裡可領養鸚鵡？

你問我，無乜選擇，陌生人陌生舖陌生地方有得比你領養嘅，唔好博。你要領養，離不開：愛護動物協會、朋友、呢個網。


2. 如領養，牠們是否大多是成年，會難教或難適應新主人？

你似乎覺得領養有得揀，係無嘅，完全睇緣份，有幼鳥，有成鳥，你可以揀唔養。至於同新主人夾唔夾，更加無人答到你。問題係：同新主人，即係你本人，唔夾又點？你會放棄佢，又叫其他人領養？只可以講你知，有成功領養例子，有好多問題嘅例子。你領養前，隻雀係舊主人無問題，又乖，又識玩雜技，你帶到反屋企，又咬人，又咬毛。你未準備好的話，唔好養。

3. 因上班，可否獨留牠至少9小時在家？

你要到，無話唔得，但你唔好又要鸚鵡好，又要鸚鵡不吃草，你想大部份時間唔使理佢，又想返到屋企鸚鵡黐你，玩雜技，你等同問老闆：可唔可以唔返工但加人工？

4. 鸚鵡是否一定好嘈，有什麼解決辦法？

有：唔好養。你咁問，等同我問你：你可唔可以成世唔發脾氣？你可唔可以成日同日日唔講野？你講野的話，可唔可以保證無論係乜情況下，都唔會越講越大聲，越講越興奮？

5. 有什麼推介品種適合新手？

與其領養，作為新手，不如試下用錢買 LB 養。無錯，LB同中型或大型鸚鵡跟本唔係嗰回事，但你未讀過書，應該由 BB 班讀起，你宜家仲要問我地，可唔可以一讀就讀大學，仲要自修唔使學費嗰隻....

parrottree

謝謝提供意見，我也有諗過養愛情鳥，適合我地呢d新丁
1. 請問是否一定要養一對？男和女？可否養一隻？
2. LB多少歲適合新丁飼養？
3. 為何時常發生LB飛走事件？不是可以剪尾避免嗎？
4. 大窩口有一間鸚鵡店，請問有冇人在那裡幫襯過呢？
5. 可否推介其他信譽好的商店購買LB和鳥籠配套？或者鳥籠有冇二手？响應環保☺

風中飛鸚

1. 請問是否一定要養一對？男和女？可否養一隻？
養半隻都得~但多數人養一對~
2. LB多少歲適合新丁飼養？
LB比較粗生~可以盡量養細隻D都得~
3. 為何時常發生LB飛走事件？不是可以剪尾避免嗎？
可以剪翼~但一樣可以從窗口飛出街~但飛不遠~足夠令你搵唔到~
4. 大窩口有一間鸚鵡店，請問有冇人在那裡幫襯過呢？
貝貝鳥店~我未幫襯過~但值得去睇下~
5. 可否推介其他信譽好的商店購買LB和鳥籠配套？或者鳥籠有冇二手？响應環保☺
用品可以去雀街買~雀就唔好啦~
在FACEBOOK常常有私人住家繁殖出讓~果D咪易養囉~

gwensoo

有點好重要, 如果你想當觀賞鳥睇的話, 隨便邊間衛生環境好的雀店都可以買.

但如果你想隻雀痴人, 可以同你有互動的話, 最好買由人手餵大的雀, 如果唔係, 你好快又會上黎開POST 問點令隻雀唔驚人同可上手.

gwensoo

我屋企D雀都有剪翼, 但仍然好飛得, 所以放出黎既時候仍需注意關好門窗. 建議最好裝防蚊網之類的東西, 防止佢地唔小心飛走.

gadgeteer

你問我，我都養過唔少 LB，我意見係，先唔好睇LB幾大，你去睇嘅時候，揀隻黐人嘅。多過一隻黐人的話，就揀隻年紀大啲嘅，你要返工，買隻初生每兩個鐘頭要餵一次奶唔多實際。

我嘅經驗係，LB 手養大，大咗之後都唔一定黐人，我試過唔少。大咗嘅LB，唔黐人的話，就養幾耐都唔黐人。所以，唔好煩，一買就買隻黐人就最好。

plusle

我在貝貝鳥買了2隻鸚鵡，如果再買，都會再去呢間

chuntemp

我最近都係貝貝鳥買左隻, 老闆同老闆娘好好傾, 有問必答
而係FB 問佢地野都會覆你
不過佢地好似冇賣愛情鳥

風中飛鸚

唔知道我有冇佢Facebook~呢

parrottree

請告知貝貝facebook, 吾該 ^_^

chuntemp

FB SEARCH 貝貝鳥

風中飛鸚

等我試下~

louisa20047

1. 那裡可領養鸚鵡？
愛協以往有極少量LB/彩鳳/雞尾~詳情唔清楚~但我估入會費同領養費夠買N隻
後樓梯(有D人會將隻有病的鸚鵡掉出街就算)
2. 如領養，牠們是否大多是成年，會難教或難適應新主人？
唔講領養~講失戀鳥(二手鸚鵡)~多數失戀鳥為亞成/成鳥(睇品種)~多數歲幾左右就被掉~有D有D經歷/見識的鸚鵡會自己揀主人~唔合佢地眼緣的主人下場都不太光明~但合眼緣的話就會一拍即合
3. 因上班，可否獨留牠至少9小時在家？
環境安全的話
4. 鸚鵡是否一定好嘈，有什麼解決辦法？
教好隻鸚鵡~可以冇咁嘈(一日嘈24小時變一日嘈一小時之類)
養隻細聲鸚鵡~把聲細D就冇咁嘈
5. 有什麼推介品種適合新手？
學某鸚友講:"點解要甘分？是為左死左冇咁「肉痛」？？
如果你有心養，做好功課，點解唔揀一隻自己喜歡既而又系自己能力範圍內既，一起終老？"

louisa20047

1. 請問是否一定要養一對？男和女？可否養一隻？
LB係群居鸚鵡~養一隻的話~你要做佢的朋友/玩伴/情人......幫佢解決一切需要
2. LB多少歲適合新丁飼養？
唔建議養要全食奶果D
3. 為何時常發生LB飛走事件？不是可以剪尾避免嗎？
翼係引擎~尾係呔盤+剎車掣~一架車冇左呔盤+剎車掣係咩下場?我家鸚鵡剪左翼+冇風都飛到上天花~所以唔使諗剪翼/剪尾可以令隻鸚鵡做裙腳仔
4. 大窩口有一間鸚鵡店，請問有冇人在那裡幫襯過呢？
5. 可否推介其他信譽好的商店購買LB和鳥籠配套？或者鳥籠有冇二手？响應環保☺
早排有單"病毒二手鳥用品放售"~如果有相關知識處理~環保係好事

cherrie802

1. 請問是否一定要養一對？男和女？可否養一隻？
養半隻都得~但多數人養一對~
2. LB多少歲適合新丁飼養？ ...
風中飛鸚 發表於 2016-8-22 10:57

    😨响雀街買有咩問題嫁？我屋企嗰隻亞馬遜响嗰度買，會有咩注意番呀？我見佢都幾精靈咁🤔

風中飛鸚

😨响雀街買有咩問題嫁？我屋企嗰隻亞馬遜响嗰度買，會有咩注意番 ...
cherrie802 發表於 2016-8-31 23:30

唔係雀街D雀有問題~唔好誤會~係比例上~雀街D雀死亡同發病率高D~如果既然高D~就可免則免啦~

最主要係雀街D貨源比較複雜~來自四方八面~價錢當然也比較平~如果已經買左而冇事~算好彩囉~如果有選擇~可以睇下其他店舖~

cherrie802

回復 18# 風中飛鸚


    謝謝回覆！