cash

我都係腰痛架，我自己睇開果間係類似推拿咁，佢會將全身o既骨拍過晒，好痛，不過整完之後如果你照佢地教咁好好保養(都係d企同坐姿勢)，其實睇兩次已經ok，350蚊一次，另外針炙我都有識幾好o既，o係葵涌，150蚊一次，你想睇邊樣?

[ 本帖最後由 cash 於 2009-6-29 17:45 編輯 ]

cash

原帖由 大M 於 2009-6-29 17:46 發表
全身o既骨拍過晒

係呀~~你有無試過泰式按摩?類似咁啦(咁當然佢唔會同你按摩啦)~將你個人扭黎扭去，未試過聽落就好似好驚，其實都真係痛架，不過真係好好，因為果度個師兄話由於腰部長期受壓，最近尾龍骨果幾節d軟骨會壓到痴住，開返佢之後再加保養，條腰就唔會痛，我未睇過之前都唔信，第一次去睇，佢叫我趴o係度，然後按住我痛果d位同我講：你呢度呢度呢度痛係咪呀?梗係啦，因為你呢度突左出黎(當時手指按住脊骨第四粒)你條腰盤骨左邊上左，你又企得衰，側埋一邊企側埋一邊坐，所以第四粒骨咁....跟住就幫我拍...做完之後第三日，平時O既痛患已經唔痛~~呢次經歷，已經係兩三年前喇~~不過咁，就算佢地整好，都真係要靠自己好好保養，如果唔係好易痛返架

cash

原帖由 風中飛鸚 於 2009-6-29 21:09 發表
我就係長期腰背痛人板~早上起身硬晒~灣都灣唔到身~真係跌張銀紙都汁唔到~
長期睇跌打~睇完好小小~第朝又係咁~長期要查止痛藥膏~

睇跌打係無用架主席 腰痛一係睇針灸一係睇推拿一係食止痛藥先得，教你一個自我保健方法啦 你每朝起床時唔好好似做sit up咁起身，咁樣係會令盤骨下果粒底骨移位移上去架，粒底骨移左上去壓住神經線條腰就會成日痛，痛o既範圍唔一定，有時左有時右，總之你按極都按唔到痛果個位o既，因為係神經線被壓令你痛，起床時你要打側身咁起身，平時坐姿應該係要用patpat果兩舊骨坐，腰要伸直，初時會勁唔慣，因為會覺得好累，同埋最好唔好坐梳化喇，對條腰好傷架~表達得唔好唔知咁講你明唔明~~如果唔明就見面教你~~
p.s:除左主席大家都盡量試下呢種保健方法啦

cash

原帖由 cckwan 於 2009-7-8 00:28 發表
cash,

可否介紹你的推拿師 和 針炙師給我?
我不懂pm私人傳送給你...
cckwan@hotmail.com




引文

我pm唔到比你~已send email比你~