點解屋企會咁煩?

Mandy

由我番到黎屋企呢一刻開始冇寧靜過
媽咪一直話人乜話人物
又拖曬d野出黎要我執
佢而家退左休o係屋企冇野做, 就走黎我間房搞我d野
平時成日用既野放o係就手既位, 而家佢同我放曬入個箱度
不停咁嘈人
佢執完既地方空間唔會多左出黎
反而d野要拎果時更加麻煩
點解自己間房既野自己想點唔可以話事?
點解一定要執到一個個箱執空曬d櫃先算整齊?
點解我間房一定要佢順眼?

成日都有種唔想煩唔想番屋企既感覺, 寧願夜d番唔洗俾人煩唔洗咁多無謂既嘈

MANDYLEAD

我日日都比呀媽煩架啦~又叫我做呢樣做果樣,咩都叫我做~又成日話我唔比心機讀書
我努力過佢都唔知啦~又唔識體諒人~又成日講d好過份既說話,唔識尊重人,唉
慣哂啦~嬲又嬲過,嘈又嘈過,打又打過,咪又係咁
算啦~

Mandy

我日日都比呀媽煩架啦~慣哂啦~嬲又嬲過,嘈又嘈過,打又打過,咪又係咁
算啦~
MANDYLEAD 發表於 2009-8-17 16:39

佢真係平心靜氣講兩句都唔得囉, 煩到只會逼死人既地步

yuki

我日日都比呀媽煩架啦~又叫我做呢樣做果樣,咩都叫我做~又成日話我唔比心機讀書
我努力過佢都唔知啦~又唔識體諒人~又成日講d好過份既說話,唔識尊重人,唉
慣哂啦~嬲又嬲過,嘈又嘈過,打又打過,咪又係咁
算啦~
MANDYLEAD 發表於 2009-8-17 16:39

打又打過 ... 小 mandy 好惡啊 !!   

Louis

呢種經歷, 係人都會有, 算啦, 好多無野做既阿媽都係甘.
最終方法, 一係鎖房門, 一係自己搬出黎住(如果自己有能力既話).
冷靜d諗下, 你已經好幸福喇, 自己有一間房, 屋企又有工人幫忙, 如果自己搬左出黎住, 所有既家務都要自己做, 呢d亦係自由既代價.

MANDYLEAD

打又打過 ... 小 mandy 好惡啊 !!   
yuki 發表於 2009-8-17 16:42

我成日比呀媽打架.......................以前
依家好好多啦~大個啦~唔會再成日同佢嘈,嘈黎無用,因為佢根本唔講道理~
嘈落去只會比佢打 點解會打呢,因為我駁咀,佢唔順氣

yuki

um ..
我記得 好多年前 ..
媽咪 曾經幫我執過個什物櫃 ..
當時佢起電話到 .. 係咁同我講既
" 我幫妳執好個櫃喇 .. 有好多嘢都冇用架啦.. 我幫妳掉咗喇  " ..
我好嬲呀 ..  佢根本就唔知我入面 D 嘢 有冇用 ..
而且 入面真係放咗好多有紀念價值既嘢架 ..
由果日起 .. 我冇再打開過 個櫃 ..
因為 我知道 .. 如果我當時有咩重要既嘢冇咗 ..
我唔知我會點 ..
直致 ....  幾年後搬屋 .. 都已經唔記得晒 lu ..

算啦 .. 唔開心係有既 ..
不過 諗多 D 平時 媽咪點錫妳 .. 保護妳 .. 照顧妳 ...
咁就好快冇事架喇 ...
嬲一陣好喇  .. 如果唔係, 唔靚女架 !! KISS KISS ~~~

Mandy

呢種經歷, 係人都會有, 算啦, 好多無野做既阿媽都係甘.
最終方法, 一係鎖房門, 一係自己搬出黎住(如果自己有能力既話).
冷靜d諗下, 你已經好幸福喇, 自己有一間房, 屋企又有工人幫忙, 如果自己搬左出黎住, 所有既 ...
Louis 發表於 2009-8-17 16:46

咁我又無諗到咁遠阿
只係唔明點解我間房既櫃唔可以放野..

Mandy

我成日比呀媽打架.......................以前
依家好好多啦~大個啦~唔會再成日同佢嘈,嘈黎無用,因為佢根本唔講道理~
嘈落去只會比佢打 點解會打呢,因為我駁咀,佢唔順氣
MANDYLEAD 發表於 2009-8-17 16:47

唉~ 我又何嘗唔係呢
最記得果陣幼稚園得果幾歲, 俾人用鞋抽打到成隻手臂瘀曬腫曬(打多幾下已經係一個小朋友既成隻手臂了)
第二日番到學校我班主任隱約見到我衫袖下面, 佢走過黎抽高我衫袖
見到全部瘀曬, 仲叫埋個主任黎睇

YVONNE

有陣時爸爸媽媽係煩d,
思想方式又唔同,
所以我d朋友都話阿媽唔係用嚟溝通,
只可以用嚟孝順。

我的大伯, 他的麻煩指數, 是眾多老人家中一等一的。 幾個月前，過了身,我伯娘的感嘆：「佢話响度嗰陣就嫌佢煩, 而家想俾佢煩都冇機會了......」。是珍惜眼前人，叫我永世難忘！

有d野而家覺得好緊要, 將來想起來只會一笑置之,
所以做人不妨阿Q d, 咁自己都會開心d.

carolee

好想跟你們分享這首歌, 我每一次聽都會好感動:
  



我想大部份人都會有兩個mandy的經驗, 我也不例外, 唔明白點解父母有時會強加他們認為對的東西在自己身上, 我每次聽過這首歌便能釋懷; 由其是聽到阿旦中段的獨白一定會流淚, 其實父母做的雖然未必一定對, 有時更會令我們覺得反感, 但無容置疑的是, 他們的出心一定是為了兒女好, 一定是出於愛, 就像我們為自己寶貝雀雀做的, 他們也不是每一件事都喜歡, 所以只要拿出包容的心, 想著父母對自己的付出和愛護, 便沒有任何事值得生他們的氣

big1

妳想媽咪煩妳定當妳透明丫,出發點都係想妳好.

Mandy

大家既教誨我收到了~ 其實呢個道理明左好耐.. 不過有時激氣又打上黎
嘈完過左一陣就冇事了~

Louis

有地方可以和平地發洩情緒, 好過屈係心度....

羅白頭

我日日都比呀媽煩架啦~又叫我做呢樣做果樣,咩都叫我做~又成日話我唔比心機讀書
我努力過佢都唔知啦~又唔識體諒人~又成日講d好過份既說話,唔識尊重人,唉
慣哂啦~嬲又嬲過,嘈又嘈過,打又打過,咪又係咁
算啦~
MANDYLEAD 發表於 17-8-2009 16:39

ME TOO

SugarSugar

有理說不清的事,不如把它拋諸腦後,好過愁城自困.
愛的体現是犧牲、包容和體諒,你心內有無愛呀?
你當然答有啦,那就實踐它吧!!!

Mandy

頭先訓醒教就唔記得了~~~~~嘻嘻

ktk1166

傻女！兩母女，嘈兩句是閒事，那有隔夜仇呢！
現在年紀，學業為要，家庭瑣事，不要掛在心頭。
人生漫漫長路，走完這階段的路，又會走另一段的。
一個例子，以前我女兒在香港時，每天放學回來，不和她母親吵幾句，好像是沒有做了功課；到外國讀書，獨自生活了，無了接觸，當然無得吵；到了自己打工生活了，苦惱時倒會打電話來找媽媽訴苦了；結婚了，一些烹飪等家務不明，電話來多了；現在生了孩子，每天都來電話，一談就是十幾分鐘，可能她現在才知道親情的可愛，做母親的偉大！

poohpooh

我覺得個個媽咪都鐘意執下自己兒女既房間,
唔理你間房執得幾正齊幾乾淨,佢地都會幫忙執既,
主要係借執屋為名想了解自己既子女多一d,
佢地好想知自己既子女有乜習性,偏好,識乜人,有無心事,有無學壞,
但開口問又怕子女唔鐘意大人多事,又怕子女隱瞞某事,
而且又真係有好多做仔女既唔願做家務,房間又打仗咁亂,
咁媽咪們咪一邊執屋一邊了解下自己既子女囉.

我媽咪都一樣,但我亦好明白做人父母既憂慮,(就正如我地擔心自己既寵物一樣)
所以我把房間執得好好,重要既野就用行理袋袋好上鎖,
找個機會好好地同媽咪傾計,講多d日常既事比佢知,
仲話明佢知,你想知乜可以直接問我無所謂,可以既我都會話你知,
房間你想執既隨便,無所謂,但!!!
每個人都總有一個只屬於自己世界既空間,所以我希望媽咪你可以專重一下我既小小世界,
而個既小小小世界就已經鎖得好好地係行理袋中,
所以就請媽咪你忍忍手唔好八卦我個寶貝袋好嘛?

我仲記得我媽咪當時一面唔好意思被我揭穿既樣子說 : hey,得鬼閒攪你d野呀,我得閒唔好睇電視~~~
(我仲係個袋上面寫住 : 比下面唔好打開我啦.)

自我多同佢傾計,話佢知我識乜人,愛什麼,久不久要佢多比意見後,佢就無再幫我執房了,
因為房中佢唔會找到秘密,所有佢可知既秘密就在於溝通.
只要溝通得好能息除到佢地既憂慮咁媽咪就會變回一個正常既媽咪.

就如,如果大家發現自己既伴侶有d怪怪的,自然會擔心佢是否識左另一個,
如果佢唔講你知老是變了的,你就會想自己找答案看看佢既私人物品,這亦是你緊張佢既表現,
佢知道佢番過佢既野,佢就會嬲,覺得你唔信佢唔專重佢,亦更唔想講任何事你知,那裂痕便由始起了,
你見佢有心暗地裡疏遠你,你當然唔開心,開始大發雷霆,找些小事出來嘈,其實一切就由溝通不足起.
溝通不是一人的,所以要找個機會大家傾清楚大家既憂慮和不滿,一齊改一齊講,咁至可以一齊行人生既路.

SugarSugar

我覺得個個媽咪都鐘意執下自己兒女既房間,
唔理你間房執得幾正齊幾乾淨,佢地都會幫忙執既,
主要係借執屋為名想了解自己既子女多一d,
佢地好想知自己既子女有乜習性,偏好,識乜人,有無心事,有無學壞,
但開口問又怕 ...
poohpooh 發表於 2009-8-18 11:36

說得真好呀.........