poohpooh

我覺得個個媽咪都鐘意執下自己兒女既房間,
唔理你間房執得幾正齊幾乾淨,佢地都會幫忙執既,
主要係借執屋為名想了解自己既子女多一d,
佢地好想知自己既子女有乜習性,偏好,識乜人,有無心事,有無學壞,
但開口問又怕子女唔鐘意大人多事,又怕子女隱瞞某事,
而且又真係有好多做仔女既唔願做家務,房間又打仗咁亂,
咁媽咪們咪一邊執屋一邊了解下自己既子女囉.

我媽咪都一樣,但我亦好明白做人父母既憂慮,(就正如我地擔心自己既寵物一樣)
所以我把房間執得好好,重要既野就用行理袋袋好上鎖,
找個機會好好地同媽咪傾計,講多d日常既事比佢知,
仲話明佢知,你想知乜可以直接問我無所謂,可以既我都會話你知,
房間你想執既隨便,無所謂,但!!!
每個人都總有一個只屬於自己世界既空間,所以我希望媽咪你可以專重一下我既小小世界,
而個既小小小世界就已經鎖得好好地係行理袋中,
所以就請媽咪你忍忍手唔好八卦我個寶貝袋好嘛?

我仲記得我媽咪當時一面唔好意思被我揭穿既樣子說 : hey,得鬼閒攪你d野呀,我得閒唔好睇電視~~~
(我仲係個袋上面寫住 : 比下面唔好打開我啦.)

自我多同佢傾計,話佢知我識乜人,愛什麼,久不久要佢多比意見後,佢就無再幫我執房了,
因為房中佢唔會找到秘密,所有佢可知既秘密就在於溝通.
只要溝通得好能息除到佢地既憂慮咁媽咪就會變回一個正常既媽咪.

就如,如果大家發現自己既伴侶有d怪怪的,自然會擔心佢是否識左另一個,
如果佢唔講你知老是變了的,你就會想自己找答案看看佢既私人物品,這亦是你緊張佢既表現,
佢知道佢番過佢既野,佢就會嬲,覺得你唔信佢唔專重佢,亦更唔想講任何事你知,那裂痕便由始起了,
你見佢有心暗地裡疏遠你,你當然唔開心,開始大發雷霆,找些小事出來嘈,其實一切就由溝通不足起.
溝通不是一人的,所以要找個機會大家傾清楚大家既憂慮和不滿,一齊改一齊講,咁至可以一齊行人生既路.

poohpooh

我諗你條心心金鏈應該好少用,
又或者你用左係媽咪都唔知咪以為你都唔帶囉,
咁你表姐生日喎要送禮架,而你又唔用喇,咪借花敬彿囉,又可以省一筆.

至於你既蠟筆小新漫畫,
你媽咪一定係諗你都睇過啦,睇完都無用既,送比人唔好浪費吖.

媽咪大多都唔明點解小女梗係鐘意將d野收收埋埋又唔用,
佢地唔知我地通常會將曼愛既野收埋佢久不久拿出來望下又好開心,
所以你真係要同媽咪講,話佢知其實佢地都係我既寶貝,就係因為太寶貝我才鍚住用炸,我有價值架.

如果真係一開口就吵既寫信都幾好架,
不過我媽咪就怕左我寫信,
我交代一件事比佢知解釋我地既心態都要成十幾頁紙,
d字仲細細粒佢話睇到眼都花,頂我唔順喎,
而家我搬左出黎但都仍時時同佢傾電話架,
一傾就傾成4-5個鐘好似朋友仔咁囉,
只要子女肯行多一步就下慢慢地用洗腦方式讓佢明白自己既想發,
咁媽咪就最有機會成為你既知己,最要既係你肯行出e一步,忍下第一口怨氣,
佢要鬧就由佢其,等佢鬧到無氣唔鬧喇,佢會開始平伏下來,
到時就同佢講:媽咪其實我明白你嬲什麼,但我亦希望你可以站我方想下我既世界,講佢知你既想法,話佢知你好想好似其他家庭咁,大家可以過得好和諧,你對我既不滿我可以努力改,如你有不滿只要話我知,不要一開聲就吵起來,就好了.

現今媽咪有樣野係子女最唔喜歡既,
就係永遠都只看到自己子女不是之處,
遇上不快第一句老是用負面說話嘈自己既子女,
其實只要大家改改說話方式多溝通就乜事都無.