返回列表 發帖

多謝你提醒其他雀友, 除左曬乾既豆外皮有毒之外, 亦比較難消化, 所以煮熟既豆會容易d去吸收當中既營養. 等我有時間翻譯成中文俾大家作參考.

* p.s. 以上既quotation係出自: http://birds.about.com/od/feeding/tp/poisonousfoods.htm

TOP

浸之前用 Unisept 或洗蔬果既洗潔精, 洗一洗d豆, 過清水; 因為d豆表面有機會有霉菌, 而且壞豆,有蟲既豆會浮起, 浸水兩三日就會發芽, 每日換水一次.

餵豆腐份量只係隨意, 大雀餵大約一兩湯匙已經夠, 同d綠色蔬菜放一齊, 俾左班友仔食先, 因為豆腐味淡, 如果有生果一齊, 班友仔唔會食, 只會食d生果.

TOP

哦, 佢都無老點你煮過先俾吵吵食.....

TOP

對雀鳥有毒的蔬果及種子:
1. 薔薇科植物果實的果核及種子, 例如:蘋果,梨,桃,杏,櫻桃等, 果核或種子中含有氰化物(俗稱"山埃"). 果肉本身無毒, 而且有益, 但餵食前請除去果核或種子. 中毒症狀可在數分鐘內出現, 包括喉道收窄, 噁心, 嘔吐, 頭痛等; 嚴重者可導致死亡.

2. 牛油果的果皮及果核中含有一種稱為"Persin"的有毒物質, Persin 可引致雀鳥心跳加速, 呼吸困難, 心肌受損, 羽毛生長失調, 情緒不安, 虛弱, 精神呆滯; 如大量吸收 Persin 可引致窒息, 以至死亡.

3. 茄科植物, 例如: 蕃茄, 薯仔等, 其葉, 莖, 藤, 芽等綠色部分, 含有茄鹼; 茄鹼可使雀鳥嚴重胃痛, 噁心, 嘔吐.

4. 蔥含有硫代硫酸鹽(Thiosulfate, 刺鼻氣味成份之一), 蒜含有蒜素(Allicin); 雀鳥少量進食不會引致中毒, 如大量進食可以引致腹瀉, 嘔吐, 及其他消化系統疾病. 如經常進食或大量吸收硫代硫酸鹽或蒜素, 可以引致溶血性貧血(大量紅血球被破壞), 體內器官因缺氧衰竭而致命.

5. 乾及生的豆類, 例如一粒粒經曬乾既豆, 新鮮豆角, 荷蘭豆, 四季豆等, 含有植物性血球凝集素(Haemagglutinin), 雀鳥吸收血球凝集素後, 1至3小時內會出現中毒症狀, 如頭痛, 頭暈, 呼吸急速, 噁心, 嘔吐, 腹瀉, 四肢麻痺等, 嚴重可致命. 高溫可分解血球凝集素, 煮熟豆類後, 可放心餵食.

對雀鳥有毒的飲品:
6. 含咖啡因飲品, 例如: 咖啡, 濃茶, 可樂, 某些運動飲品, 雀鳥飲用後, 可引致心跳過速, 精神亢奮, 心律不整, 甚至脈搏停止.

7. 酒精類飲品, 內含乙醇; 乙醇有鎮靜作用, 當血液內酒精濃度過高(人類, 0.5%; 動物可接受酒精濃度比率更低), 可使腦神經中毒, 引致昏迷, 呼吸停止而死亡.

其他對雀鳥有毒的食品:
8. 朱古力/巧克力含有咖啡鹼(Theobromide), 動物及雀鳥不能有效代謝此物質, 中毒後首先影響消化系統, 出現嘔吐, 肚瀉, 尿頻症狀, 繼而影響神經系統, 產生癲癇性痙攣, 內出血, 心律不整, 心肌梗塞, 急性冠狀動脈栓塞而死亡.

9. 食用菌(菇類)屬於真菌, 雀鳥對真菌非常敏感, 體內沒有可分解食用菌內多種不同化合物的酵素, 食用後可引致食物中毒, 出現消化不良, 腹痛, 肚瀉, 嘔吐症狀, 情況嚴重可導致肝衰竭而死亡.
其中一種成份: 阿拉伯醣醇(Arabitol), 不單可引致肚瀉及嘔吐, 而且可以改變蛋白質的作用力, 影響身體的生化代謝, 對身體產生不良影響.
除此之外, 食用菌內亦含有幾丁質(Chitin), 可能會引起食物敏感症狀, 導致痕癢, 紅腫, 腸胃不適, 呼吸困難, 嚴重可致窒息.   
* 蝦殼, 蟹殼, 昆蟲外殼亦含有大量幾丁質, 參考醫療檔案時, 亦有鸚鵡因食過蝦蟹後, 因過敏而窒息死亡.
** 意式薄餅, 意大利粉, 好多時都加有洋蔥, 蒜粉, 蘑菇片/碎, 醫療檔案中亦提及過有鸚鵡懷疑因食過意式食品後而食物中毒.

10. 食鹽(氯化鈉), 所有動物均須要適量的鈉質維持身體機能正常運作, 過量吸收鈉質, 會影響健康, 會導致極度口渴, 脫水, 腎功能障礙, 甚至引致腎衰竭而死亡.

TOP

雖然直接翻譯每一段短短幾句好容易, 但為求證實資料正確, 進一步知道引致中毒成份, 及中毒後徵狀, 所以翻譯前要作更多資料搜集, 以致翻譯得比較慢, 請各位見諒, 如有發現任何錯漏, 敬請指點.

TOP

終於完成, 最困難係翻譯 Mushroom, 絕大部分資料都只得簡單一兩句, 係話對雀鳥有毒, 可導致肝衰竭, 但無講咩物質引致中毒, 及中毒後徵狀, 用我半日時間, 睇左好多好多醫療檔案先可以綜合資料.

TOP

可以被免生食就被免啦, 用滾水煮一煮都好容易啫, 如果為條豆, 食到肚痛就唔值得啦, 不過我估少量應該無事既, 以前我都有俾荷蘭豆, 四季豆d雀食, 不過多數都係咬幾下就掉.

TOP

wow~ thank you Louis, 好彩睇一睇....原來唔可以俾番茄....我呢兩日仲諗緊俾唔俾佢食...

另外我想請問一下, 除o左豆類之外, 仲有d 咩係要煮熟先俾得雀雀食呢? 唔該哂Louis~
amatiel 發表於 2010-5-20 19:32

番茄食得, 係d綠色部分(葉, 莖)唔得, 暫時蔬菜中, 係豆類要煮熟先俾鸚鵡食就安全d, 芽菜/發芽豆都可以生食.

TOP

Louis, e家晴晴、寶寶企嘅層架係$10店買嗰d格格架,呢d架會唔會令佢哋中毒ga? (鐘意咬)
BoBoBoBo 發表於 2010-5-21 01:22

如果個架由金屬製造, 而架上電鍍或漆油容易剝落, 就最好唔好用喇.

TOP

請不要抄其他網.是你已前說我的
apsw 發表於 2010-7-5 15:35

如果你見到其他中文網站有相同文章, 係佢地抄我, 我呢篇文章係翻譯及遍寫自以下英文網站文章.
http://pet-birds.suite101.com/ar ... foods_for_pet_birds

鸚鵡樹歡迎任何雀友翻譯其他國家網站既鸚鵡文章成中文, 供大家分享知識及心得.

TOP

返回列表