尋一隻灰色雞尾鸚鵡...於秀茂坪秀賢樓走失...

adol_adol

26/06:

有人於下午一時左右於翠屏村翠梓樓天橋附近(近天主教祐華小學)見到一位叔叔手帶雀籠,籠中的鸚鵡與本人屋企既鸚鵡甚為相似,而雀籠是圓拱形頂,但其空間較小,似不適合雞尾鸚鵡在內,他在林家強區議員辦事處停留片刻(見圖),其後向7-11方向行去. (因此本人屋企既鸚鵡有可能已被收養,希望住在翠屏村的朋友留意一下 icon02 )




===================================================================================================
為左方便update資料,本人已為此事開左個blog http://hk.myblog.yahoo.com/bubub12062008

各位可繼續在此或到blog留言...謝謝大家支持...!!!



===================================================================================================



本人於2008年6月12日早上十一時左右於家中(秀茂坪村秀賢樓)走失一隻雞尾鸚鵡,希望各位住在秀茂坪村,寶達村,曉麗園,翠屏村的朋友留意一下

(有較大可能係曉麗園既公園附近,個公園近梁式芝書院,油站對面)(詳情請看下面)



以下係走失地方方圓一公里的範圍,希望各位多加留意




頭先已經係附近搵過...但係都未搵到   
宜家整緊告事...陣間出去貼


======================================(14/6 10:05am update)
e兩日同今朝係附近搵過...但係都未搵到  
已經係附近貼左告事...
仲派左d單張係附近幾棟樓既信箱
======================================(14/6 10:05am update)



===================================================(14/06 22:58 updated)
今朝搵完之後...下午去左自己棟樓"洗樓"...不過都未有發現

之後再係附近搵下...期間有人打電話黎...佢都係住係附近棟樓...不過佢唔係見到我隻鸚鵡...而係佢都試過飛走過鸚鵡(都係同一種類),建議我試下睇下草叢有無...

咁就去附近草叢搵下...不過都係未有發現...因為手提無電...所以返屋企先再出去搵同埋去遠一d既地方貼告示...

之後行到近曉麗園附近既公園...好似聽到我屋企隻鸚鵡既叫聲...(因為我有播住佢既叫聲,佢平時聽到都有類似反應...不過唔知係咪自己幻聽... ),我俾左張告示俾係公園清潔既婆婆,同埋有位係度跑步既女士話聽到同平時唔同既雀仔叫聲(面向翠屏村聽到),我播左d唔同既叫聲俾佢聽,佢話有一段有d似.
同埋佢介紹左一個伯伯俾我,佢平時有帶開鸚鵡...無用野扣住...佢淨係扮d聲就令佢兩隻飛落哩.個伯伯平時係翠屏村平台度,搵到佢就俾我個電聯佢.因為天黑...所以唯有聽日再搵過

聽朝應該好早就搵下...希望搵到啦
===================================================(14/06 22:58 updated)



希望大家幫幫手...感激不盡

如有人見到, 請電98409712。有酬。



品種 : 雞尾鸚鵡

性別 : 男

外觀 : 身長約18-20cm,灰色(身),黃色(頭),長有橘紅色的圓形在兩邊臉頰,未剪翼

特徵 : 左腳帶有腳環

年齡 : 約四歲

健康狀況 : 良好

備註 : 已在香港愛護動物協會,漁農署,警署備案





[ 本帖最後由 adol_adol 於 2008-6-26 22:59 編輯 ]

風中飛鸚

請九龍東區雀友注意,留心附近街招告示,是否有人拾獲,
如有發現請通知鳥主

風中飛鸚

尋鳥要留意的事項:

1) 保持冷靜,帶備手提電話,望遠鏡,玩具,相片,單張,鳥籠,電筒等,

2) 在就近的大廈管理處,留下鸚鵡相片及聯絡電話.

管理員多數會不願意幫忙,諸多借口,這時要對他說:{這鸚鵡不止是寵物,是家中老人家的老伴,他已經茶飯不思,痛哭失聲,}法例不外人情,一定睇諒老人家,盡量幫忙你!

(通常職權對這種事無什麼特別指引,但基於少做少錯,唔做唔錯,你走雀你既事,但出於同情心,多數人都會幫忙,一個管理員接觸的人多,諸事的管理員會更多.所以管理員願意留意幫助,對你找雀有好多好處)

小心張貼尋鳥告示,以免惹上官非.隨處貼告示罰款$1500元,

3) 如果是從窗口飛出,而主人本身亦親眼見到,盡快落到街上,觀察四周環境,家養鸚鵡沒有飛行經驗,在突然間失重狀態下,只會亂發力狂飛,所以從你本身單位向右側看看有否障礙物,先到第一座障礙物,用望遠鏡仔細觀看,如果見到愛鳥,不用擔心,主人留下來,再找人幫手,因為在這一刻愛鳥暫時是不會飛走的

我們的緊急聯絡電給是:9022 0909我們會盡辦法幫手

4) 臨天亮的第一刻,是最容易發現家養鸚鵡蹤影的時間,在早上,肚餓又受驚的鸚鵡會對主人聲音特別留意及有反應.呼叫他的名字,如果他在你的附近,一定會回應你的,

用鸚鵡本身的籠或企架,玩具,食物,引導他飛回地面,只要他回到地面,就不要太急走到他身

邊,慢慢叫他的名字再行近,伸手令他回到你身上,

5) 留意所有鸚鵡的網站,是否有人找到你走失品種的鸚鵡,

如果鸚鵡不是你的,請不要亂收養,以免真正的主人失去找到的機會

6) 到最就近的鳥店或雀仔街留下訊息給檔主,

因為如果有人捉到,一是自己養,(雖然這樣便沒有機會找到,但都算是件好事,)
二是不喜歡鸚鵡的人,以為可以賣到很高價錢,兩個結果都要到雀鳥店,(那你便有機會找到,
相反沒有給人發現更危險.

7) 在雀店或尋鳥啟示上的訊息,不要提及"重酬,厚酬或銀碼的數目",頂多是"有酬"便好了,在給人的訊息內,都要提及之前所講老人家的事,加多個兒童就更可憐,

同情心比酬金更容易令人將鸚鵡交出.

8) 如果有人聯絡說找到你的鸚鵡,要在人多的公眾地方交收,最好找多一位朋友陪伴

不要只看見相片就先將錢入他人戶口,不要在自己家裡或對方指定的室內交收.

在街上尋鳥要注意的地方

1) 留意大廈外牆冷氣機位置,

因為在夜裡天氣比較冷,鸚鵡會走近溫暖的地方.

2) 留意街上貓貓的眼神

貓比人的觸覺敏銳,如果他見到有鸚鵡飛出,會坐定定留意著獵物.動物有他們獨特的溝通方式,一隻貓發現樹上有鸚鵡吃,附近的貓都會走近.想分一份,

3)在室外,大廈外牆,樹上,任何建築物,要慢慢留意地找,

因為當鸚鵡定定地站立,是很難發現的,等同於有保護色,

wolfdog321

祝福,希望快d搵到!

BB爸爸

祝早日尋回

sallyyau

祝好運, 祝好運,祝好運

sesese

祝好運, 可以盡快搵得返

雀屎

best wishes

LawB

lee兩日仲好大雨, 希望可以快d揾番

風中飛鸚

鳥主說是在39樓飛出,所以落點可能很遠,請大家注意

joejoe

Good luck to find your bird soon!!

OnOn

希望盡快有好消息!

小潔

我幫你留意下~我在翠屏村~好近秀茂坪

adol_adol

THX everyone

info updated

VM007810

衷心祝你好運!

BB仔

多留意樹上,天氣好d可以去佢大約飛走的路線上走走,
(因我覺得我果隻係因為佢見到我媽咪所以從樹上飛落埋,
(佢好鍾意我媽咪,媽咪一叫佢,佢會立即走過去))
一定要剪翼!

adol_adol

原帖由 BB仔 於 2008-6-14 14:50 發表
多留意樹上,天氣好d可以去佢大約飛走的路線上走走,
(因我覺得我果隻係因為佢見到我媽咪所以從樹上飛落埋,
(佢好鍾意我媽咪,媽咪一叫佢,佢會立即走過去))
一定要剪翼!

Info update





我屋企隻鸚鵡都好鍾意我媽咪ga

聽朝一定要叫佢去一齊搵

SIU靈

我住翠屏...聽日落街果時幫你留意下啦...

tangpf0809

祝早日尋回！

車輪手

點解唔小心睇住佢呀？？？？？ :L :L :L :L :L :L :L :L